HULANDA: A RENOMBRÁ HANS HOOGERVORST I JULISA FRANS KOMO MIEMBRO DI CFT

Den Haag – Ta renombrá tantu señor Hans Hoogervorst komo señora Julisa Frans pa un di dos término serka e Kolegionan di supervishon finansiero. Riba 29 di novèmber 2024, Konseho di Minister di Reino a aprobá nan renombramentu.

Entrante promé di yanüari 2025, riba proposishon di Hulanda, a renombrá Hans Hoogervorst komo miembro di Kolegio di supervishon finansiero Kòrsou i Sint Maarten (Cft), Cft Boneiru, Sint Eustatius i Saba (Cft BES) – a atendé e renombramentu aki den konseho di minister – i Kolegio di supervishon finansiero di Aruba (CAft) pa un término di tres aña. Entrante e mésun fecha, ta renombrá señora Julisa Frans pa e Kolegio di supervishon finansiero Kòrsou i Sint Maarten (Cft), tambe pa un término di tres aña. E renombramentu di señora Frans ta riba proposishon di Sint Maarten. E renombramentunan lo tuma lugá pa Dekreto Real.

Despues di un karera largu den polítika hulandes, di 2011 pa 2021 señor Hans Hoogervorst tabata Presidente di e International Accounting Standards Board na Londres. Di 2007 pa 2011 e tabata Presidente di Direktiva di Outoridat Merkadonan Finansiero. Promé ku esei, e tabata Ministro di Salubridat Públiko, introdusiendo entre otro un sistema nobo di seguro médiko.

Julisa Frans ta konsultant independiente i aktualmente ta ehersé vários aktividat di konsehero. Den e periodo di 2008 pa 2021, señora Frans a desempeñá vários funshon finansiero pa gobièrnu, inkluyendo esun di asesor senior di maneho finansiero. Ademas, e tabata responsabel pa vários aspekto finansiero di e aktividatnan di rekuperashon despues di orkan Irma. A

FUENTE; CFT/LIVE99FM