SUSPENSHON DI REAL RINCON – KOMPETENSIA 2025–2026

Kralendijk,- Federashon Futbòl Boneriano (FFB) ta partisipá ku e bestür a disidí di suspendé Real Rincon pa e periodo restante di e kompetensia 2025–2026.

E desishon a wòrdu tumá a base di resultadonan relashoná ku dokumentonan entregá den un prosedimentu hurídiko di FFB. Despues di evaluá e resultadonan aki konforme e provishonnan aplikabel di e Reglamentu Interno di FFB, e bestür a disidí di imponé e suspenshon.

FFB ta duna hopi balor na e integridat i konfiabilidat di su kompetensia i prosedimentu. FFB ta spera di tur klupnan afiliá ku nan ta kumpli ku e reglamentonan vigente i ku e informashon i dokumentonan ku nan ta presentá na FFB ta korekto i konfiabel.

FFB lo duna ehekushon na e desishon aki konforme e reglamentonan vigente.

Na nòmber di bestür

FUENTE: FEDERASHON FUTBÒL BONERIANO (FFB)/LIVE99FM