Redakshon
Kralendijk–Durante siman di Regatta 2026, riba petishon di e hóbennan ku ta sigui e proyekto di Mi Ta Bon, AKSESO a organisá un Music Camp pa e hóbennan.
Diesdos hóben a tuma parti na e aktividat. Durante tres dia, nan a siña skirbi na mes kantika, editá i hasi nan mes video klep. Nan tabata bou di guia di Nathan Senchi i Jeorge.
E hóbennan a presentá loke nan a siña i a hasi. Por a mira video klep di nan, skucha kantikanan ku nan mes a skirbi i kanta.
Sigur tremendo inisiativa, loke ta laga e hóbennan ekspresá loke nan tin gana pa hasi. Sigur nan a gara hopi informashon balioso, ku nan por sigui desaroyá riba dje pa futuro.
Riba potrèt momentu nan a presente nan obranan i tambe risibí nan sertifikado.
FUENTE: FITTIPALDI PIETERSZ/LIVE99FM
GIPHY App Key not set. Please check settings