BEACHNAN BANDA DI AIRPORT KETU BAI SIN ATENSHON

Na Luna di mei 2025 UMN Services i otronan a hasi e beachnan donkey beach, palu di mangel beach i te amo limpi limpi.

Nos a organisa e vegetashon, snui palunan, piki shushinan, konsientisa via medionan di komunikashon i media sosial, papia ku eks diputado Angelica Cicilia dia 19 yüni 2025 riba e topikó aki i aktualmente tin un oferta di parti di UMNS ariba bureau di direktor di R&O pa ku posibel solushon konvinsente pa e areanan turistiko aki.

Pero lamentablemente te ainda e pueblo ni e turistanan no ta mira akshonnan konkreto pa evita e bista inaseptabel ku Boneiru ta presenta aki pa ku sitionan turistiko.

Mehorashon minimó

Nos mester bisa si ku e situashon a mehora pero no masha. Vegetashonnan ya kaba mester di atenshon atrobe, hokinan di pone klikonan aden ku ta kibra pa añanan kaba ketu bai ta kousa ku burikunan ta plama shushi yenando laman ku kosnan di plastik. Tin algun portanan a keda traha pa e hokinan aki ku ta funshoná ora nan haña e atenshon pa tenenan sera.

Selibon n.v.

Nos mester bisa si sigur ku selibon n.v. ta hasiendo su maksimo esfuerso tur siman pa mantene limpiesa na e sitio. Pero pa motibu di falta di manteshon i atenshon pa hokinan kibra ku ta kontene klikonan ku buriku por plama ta duna nan trabao ekstra sin ta nesesario.

E parti di toillete nan tambe ta nechi limpi na ordu.

Banda di esei borchinan di STC tur ta den mal estado, karbon basha tur kaminda, ramanan di sumpia kresiendo i kousando peliger pa wowo of kurpa of pianan di muchanan ku ta kore hunga na e beach.

UMN Services lo sigi konsientisa ku evidensia konkreto di e falta di atenshon ku e sitionan turistikonan aki no ta haña manera mester ta di gobiernu of te asta TCB.

FUENTE: NOËL JOHN JANGA