PRIJS DI GASOLIN TA SUBI I PRIJS DI GASOIL TA BAHA

Kralendijk,- Entrante 17 di yüli 2026 nos ta adaptá e preis di benta pa kombustibel. E adaptashon akí ta konsekuensia di desaroyonan resien riba merkado internashonal i preis di kompra mas haltu di kombustibel. Preis di gasolin (MOGAS95) ta oumentá di USD 1,64 pa USD 1,70 pa liter. Esaki ta un oumento di USD 0,06 pa liter kompará ku e preis aktual. En kambio e preis di gasoil (disel) ta baha di USD 1,57 pa USD 1,38 pa liter. Esaki ta un bahada drástiko di USD ct. 0,19 pa liter.

Preis di kombustibel kerosin ta keda na e mesun nivel, esaki ta USD 0,81. Preis di LPG 100 lbs. (bòter di gas grandi) ta oumentá di USD 55,00 pa USD 57,00. Esaki ta un oumento di USD 2,00. Preis di LPG 20 lbs. (boter di gas chikitu) ta keda na e mesun nivel, esaki ta USD 12,00.

Den e adaptashon di preis akí a apliká e preskripshonnan di e Dekreto Temporal di 25 di mart 2022 tokante redukshon di akseins Hulanda Karibense 2022, nr. 2022-104414 (Staatscourant Nr. 8683 di 28 di mart 2022) i tambe e Lei di 21 di desèmber 2022 pa kambio di algun lei di impuesto i algun otro lei (Plan di Impuesto 2023) (Staatsblad 532).

Te ku 1 di aprel 2022 e tarifa di akseins pa gasolin (MOGAS95) tabata USD 31,86 sèn pa hèktoliter. Segun e preskripshonnan menshoná akí riba e tarifa di akseins pa gasolin (MOGAS95) ta USD 15,86 sèn pa hèktoliter pa e periodo di 1 di aprel 2022 te ku 30 di yüni 2023. Desde 1 di yüli 2023 te ku 31 di desèmber 2023 e tarifa di akseins pa gasolin (MOGAS95) ta USD 23,86 sèn pa hèktoliter. For di 1 di yanüari 2024, e tarifa di akseins pa gasolin (MOGAS95) ta USD 31,86 sèn pa hektoliter (nivel di promé ku 1 di aprel 2022).

Relashoná ku loke tin menshoná akí riba e siguiente preisnan di benta pa kombustibel ta keda na vigor desde 17 di yüli 2026:

FUENTE: OLB/LIVE99FM