A PASA LÒS BALA RIBA UN KAS

A pasa lòs bala

Den oranan trempan di mainta di djaluna 28 di sèptèmber, ‘meldkamer’ sentral a risibí notifikashon tokante un kaso di lòsmentu di bala riba un kas na Kaya Kalipso. Den oranan di mardugá habitantenan a skucha tiru i mainta a konstatá perforashon di bala prosedente di un arma di kandela na e kas i un outo. No tabatin herido. Investigashon den e kaso ta andando.

KPCN ta pidi tur persona ku a mira, tende òf tin informashon tokante e kaso aki pa tuma kontakto ku polis na 715 8000, 717 8000 òf via e liña di tep anónimo 9310.

Vehíkulonan konfiská pa motibu di ripitishon di but

Djaluna 28 di sèptèmber, alrededor di 1.45 or di mardugá, polis a para un outo riba Kaya Gutu pa kòntròl rutinario. E shofùr no por a mustra un reibeweis i tampoko dokumentunan di seguro. Despues di investigashon mas aleu a resultá ku diferente biaha polis a para e shofùr aki i dun’é but. Pa e motibu aki a konfiská e outo.

Djasabra 26 di sèptèmber, alrededor di 10.15 or di mainta, polis a para un pikòp riba Kaya Paris pa kòntròl rutinario. A duna e shofùr but pa manehá sin reibeweis, sin faha di seguridat bistí i sin plachi di number dilanti. Ademas a inform’é ku e no por manehá e vehíkulo i mester yama un otro persona. Algun ratu despues, a mira e mesun shofùr den e vehíkulo riba Kaya Korona. A bolbe par’é i duna but pa manehá sin reibeweis i sin plachi di number dilanti. A konfiská e vehíkulo.

Detenshonnan pa manehá bou di influensia di alkohòl

Durante e fin di siman ku a pasa, polis a detené kuater(4) shofùr pa manehá bou di influensia di alkohòl.

Djadumingu 27 di sèptèmber, alrededor di 9.10 or di anochi, a detené un hòmber di inisial L.J.R.P. di 35 aña di edat riba Bulevar Gobernador N. Debrot. Un patruya a para e sospechoso pa kòntròl despues ku a konstatá ku e tabata kore zeilu riba kaminda i mustra komportashon sospechoso di manehá. Durante kòntròl, e shofùr tabata mustra karakterístikanan di un persona ku ta bou di influensia di alkohòl i a hasi un tèst di supla kuné. A resultá ku tabatin indikashon ku e sospechoso a konsumí mas alkohòl ku ta pèrmití pa lei. Na warda di polis a hasi un análisis di rosea kuné i a konfiská su reibeweis.

Djasabra 26 di sèptèmber, alrededor di 11.15 or di anochi, a detené un hòmber di inisial F.B.S. di 47 aña di edat riba Kaya Nikiboko Nort. E sospechoso tabata enbolbí den un aksidente di kua el a kore dal ku su pikòp den un bòrchi di tráfiko. Konforme e maneho di ‘botsen is blazen’, a hasi tèst di supla kuné i tabatin indikashon ku e sospechoso a konsumí mas alkohòl ku ta pèrmití pa lei. A detené i a hib’é warda di polis pa un análisis di rosea. Despues di investigashon mas aleu a resultá ku anteriormente na dos okashon a detené e sospechoso pa manehá bou di influensia di alkohòl i e tabata manehá mientras su reibeweis ta konfiská. Pa e motibu aki awor a konfiská su vehíkulo tambe.

Djasabra 26 di sèptèmber, alrededor di 9.10 or di anochi, a detené un hòmber di inisial J.H.T.V. di 41 aña di edat riba Kaya Papa Cornes. E sospechoso tabata enbolbí den un aksidente ku su pikòp. Konforme e maneho di ‘botsen is blazen’, a hasi un tèst di supla kuné i tabatin indikashon ku e sospechoso a konsumí mas alkohòl ku ta pèrmití pa lei. A detené i a hib’é warda di polis pa un análisis di rosea. A konfiská su reibeweis.

Djasabra 26 di sèptèmber, alrededor di 8.20 or di anochi, a detené un hòmber di inisial J.E.V.B.G. di 50 aña di edat na Hanchi Amboina. E sospechoso tabata enbolbí den un aksidente ku solamente daño material entre dos outo. Konforme e maneho di ‘botsen is blazen’, a hasi tèst di supla ku ámbos shofùr i a resultá ku e sospechoso a konsumí mas alkohòl ku ta pèrmití pa lei. A detené i a hib’é warda di polis pa un análisis di rosea. A konfiská su reibeweis. E otro shofùr enbolbí den e aksidente a haña but pa manehá sin seguro bálido.

Ademas, tur sospechoso detené a haña prosèsferbal pa manehá bou di influensia di alkohòl.

Ladronisia di bateria di ‘fatbike’

Djasabra 26 di sèptèmber a drenta keho tokante ladronisia di bateria di un baiskel eléktriko ‘fatbike’. E fatbike tabata stashoná dilanti di un establesimentu di hóreka riba Kaya C.E.B. Hellmund na momentu ku deskonosínan a bai ku e bateria. Ta investigando e kaso.

Aksidente entre outo i skuter

Djasabra 26 di sèptèmber, alrededor di 1.50 or di mèrdia, ‘meldkamer’ sentral a risibí notifikashon tokante un aksidente entre un outo i un skuter riba Kaya Neerlandia na altura di Kaya Rex. Pasahero di e skuter a resultá heridá. Personal di ambulans a duna tratamentu i hasi chekeo médiko ku ámbos persona ku tabata riba e skuter na e sitio mes i no mester a transportá nan pa hòspital. Konforme e maneho di ‘botsen is blazen’, a hasi tèst di supla ku ámbos shofùr i no tabatin indikashon tokante uso di alkohòl. Dokumentunan di ámbos shofùr tabata na òrdu.

Persekushon ta terminá ku detenshon

Den oranan di anochi di djabièrnè 25 di sèptèmber, alrededor di 9.50 or, polis a mira un quad/raptor riba Kaminda Tras di Montaña. Debí ku tabatin motibu pa kontrolá orígen di e vehíkulo, polis a duna e shofùr señal pa para. E shofùr no a duna oído na e òrdu di polis, a hisa velosidat i a sigui kore den direkshon di Playa, loke a resultá den un persekushon.

Na altura di Kaya Caribe i Kaya Amsterdam, e shofùr a subi un tereno i a trata di hui. E patruya a sigui e quad/raptor for di un distansia i despues a logra blòki’é riba Kaya Caribe. Komo konsekuensia, e quad/raptor a dal den e vehíkulo polisial. A detené e shofùr, un hòmber di inisial J.J.B.B. di 18 aña di edat pa no kumpli ku òrdu di polis. A konfiská e quad/raptor.

Despues ku a transportá e sospechoso pa warda di polis, un grupo di persona a presentá en konekshon ku e detenshon. Durante e insidente aki, a insultá i menasá agentenan presente, i stroba trabou di polis. A detené un hòmber di inisial Q.A.M.W. di 38 aña di edat pa no kumpli ku òrdu di polis, menasá un ámtenar den funshon i pa resistí detenshon.

FUENTE: KPCN/LIVE99FM

NEDERLAND:

POLITIEBERICHTEN VAN VRIJDAG 25 SEPTEMBER TOT EN MET MAANDAG 28 SEPTEMBER 2026

Schoten gelost

In de vroege ochtenduren van maandag 28 september kreeg de centrale meldkamer een melding over het lossen van schoten op een woning aan de Kaya Kalipso. In de nachtelijke uren hoorden de bewoners schoten en ‘s ochtends constateerden zij kogelperforaties, afkomstig van een vuurwapen, aan de buitenzijde van de woning en aan een auto. Er waren geen gewonden. Het onderzoek in deze zaak is gaande.

KPCN verzoekt eenieder die iets heeft gezien of gehoord, of informatie heeft over deze zaak, contact op te nemen met de politie via 715 8000, 717 8000 of via de anonieme tiplijn 9310.

Voertuigen in beslag genomen wegens herhaalde bekeuringen

Op maandag 28 september, rond 01:45 uur, heeft de politie op de Kaya Gutu een auto gestopt voor een routinecontrole. De bestuurder kon geen rijbewijs en verzekeringspapieren tonen. Uit nader onderzoek bleek dat de politie deze bestuurder al meerdere keren heeft gestopt en bekeurd. Om deze reden is het voertuig in beslag genomen.

Op zaterdag 26 september, rond 10:15 uur, heeft de politie op de Kaya Paris een pick-up gestopt voor een routinecontrole. De bestuurder kreeg een bekeuring voor het rijden zonder rijbewijs, zonder veiligheidsgordel en zonder kentekenplaat aan de voorzijde. Daarnaast werd hem meegedeeld dat hij niet verder mocht rijden met het voertuig  en dat hij iemand anders moest bellen. Korte tijd later zag de patrouille dezelfde bestuurder weer in het voertuig rijden op de Kaya Korona. Hij werd opnieuw gestopt en bekeurd voor het rijden zonder rijbewijs en zonder kentekenplaat aan de voorzijde. Het voertuig is in beslag genomen.

Aanhoudingen voor het rijden onder invloed van alcohol

Gedurende het afgelopen weekend heeft de politie vier(4) bestuurders aangehouden voor het rijden onder invloed van alcohol.

Op zondag 27 september, rond 21:10 uur, werd een 35-jarige man met de initialen L.J.R.P. aangehouden op de Bulevar Gobernador N. Debrot. Een patrouille stopte de verdachte voor een controle, nadat werd geconstateerd dat hij slingerend over de weg reed en opvallend rijgedrag vertoonde. Tijdens de controle vertoonde de bestuurder kenmerken van een persoon die onder invloed van alcohol was, waarop bij hem een blaastest werd afgenomen. Hieruit bleek dat hij meer alcohol had genuttigd dan wettelijk is toegestaan. Op het politiebureau werd een ademanalyse uitgevoerd en werd zijn rijbewijs ingevorderd.

Op zaterdag 26 september, rond 23:15 uur, werd een 47-jarige man met de initialen F.B.S. aangehouden op de Kaya Nikiboko Noord. De verdachte was betrokken bij een aanrijding waarbij hij met zijn pick-up tegen een verkeersbord was gereden. Conform het ‘botsen is blazen’ beleid werd bij hem een blaastest afgenomen. Hieruit bleek dat hij meer alcohol had genuttigd dan wettelijk is toegestaan. Hij werd aangehouden en overgebracht naar het politiebureau voor een ademanalyse. Uit nader onderzoek bleek dat de verdachte al twee keer eerder was aangehouden voor het rijden onder invloed van alcohol en dat hij reed terwijl zijn rijbewijs was ingevorderd. Om deze reden is nu ook zijn voertuig in beslag genomen.

Op zaterdag 26 september, rond 21:10 uur ‘s avonds, werd een 41-jarige man met de initialen J.H.T.V. aangehouden op de Kaya Papa Cornes. De verdachte was betrokken bij een aanrijding met zijn pick-up. Conform het ‘botsen is blazen’ beleid werd bij hem een blaastest afgenomen. Hieruit bleek dat hij meer alcohol had genuttigd dan wettelijk is toegestaan. Hij werd aangehouden en overgebracht naar het politiebureau voor een ademanalyse. Zijn rijbewijs is ingevorderd.

Op zaterdag 26 september, rond 20:20 uur ‘s avonds, werd een 50-jarige man met de initialen J.E.V.B.G. aangehouden aan de Hanchi Amboina. De verdachte was betrokken bij een aanrijding tussen twee auto’s met uitsluitend materiële schade. Conform het ‘botsen is blazen’ beleid werd bij beide bestuurders een blaastest afgenomen. Hieruit bleek dat de verdachte meer alcohol had genuttigd dan wettelijk is toegestaan. Hij werd aangehouden en overgebracht naar het politiebureau voor een ademanalyse. Zijn rijbewijs is ingevorderd. De andere bestuurder die bij de aanrijding betrokken was, kreeg een bekeuring voor het rijden zonder geldige verzekering.

Daarnaast hebben de aangehouden verdachten een proces-verbaal gekregen voor het rijden onder invloed van alcohol.

Diefstal van fatbike-accu

Op zaterdag 26 september werd aangifte gedaan van diefstal van een accu van een elektrische ‘fatbike’. De fatbike stond geparkeerd voor een horecagelegenheid aan de Kaya C.E.B. Hellmund op het moment dat onbekenden de accu wegnamen. De zaak wordt onderzocht.

Aanrijding tussen auto en scooter

Op zaterdag 26 september, rond 13:50 uur, kreeg de centrale meldkamer een melding over een aanrijding tussen een auto en een scooter op de Kaya Neerlandia, ter hoogte van de Kaya Rex. De opzittenden van de scooter raakte hierbij gewond. Ambulancepersoneel heeft beide personen die op de scooter zaten ter plaatse medisch onderzocht en behandeld. Vervoer naar het ziekenhuis bleek niet nodig. Conform het ‘botsen is blazen’ beleid werd bij beide bestuurders een blaastest afgenomen, waaruit bleek dat er geen sprake was van alcoholgebruik. De documenten van beide bestuurders waren in orde.

Aanhoudingen na achtervolging
In de avonduren van vrijdag 25 september, rond 21:50 uur, zag een patrouille een quad/raptor rijden op de Kaminda Tras di Montaña. Omdat er aanleiding was om de herkomst van het voertuig te controleren, gaf de politie de bestuurder een stopteken. De bestuurder negeerde het stopteken en reed met verhoogde snelheid verder in de richting van Playa, waarna een achtervolging ontstond. De achtervolging eindigde op de Kaya Caribe, waar de quad/raptor tegen het politievoertuig botste. De 18-jarige bestuurder met de initialen J.J.B.B. werd aangehouden voor het niet opvolgen van een politiebevel. De quad/raptor werd voor nader onderzoek in beslag genomen.

Nadat de verdachte was overgebracht naar het politiebureau, meldde zich daar een groep personen naar aanleiding van de aanhouding. Tijdens het incident werden aanwezige agenten beledigd en bedreigd en werd het politiewerk belemmerd. Een 38-jarige man met de initialen Q.A.M.W. werd aangehouden voor het niet opvolgen van een politiebevel, het bedreigen van een ambtenaar in functie en verzet tegen zijn aanhouding.

Tijdens de aanhouding was de politie genoodzaakt fors op te treden en pepperspray te gebruiken. De verdachte raakte tijdens de aanhouding gewond, waarna ambulanceassistentie werd ingeroepen voor medische behandeling.