FUNDASHON ALZHEIMER BONAIRE A ORGANISÁ SU PENÚLTIMO AKTIVIDAT DI SU LUNA MUNDIAL DI ALZHEIMER.

Kralendijk,- Djabiѐrnѐ pasá direktiva di  Fundashon Alzheimer Bonaire a organisá su penúltimo aktividat di su Luna Mundial di Alzheimer ku un anochi di informashon pa 19.00 or na Captain Don’s Habitat ku komo invitado Sra. Lisette Does, inisiadó i gerente di Love Eldery Daycare Center na Aruba.

Lisette su tema tabata “ Balor di pasadia den forma liber i den eskala chikí “, i a kompartí su eksperensia komo inisiadó di Love Eldery Daycare Center na Aruba. Esaki ta un pasadia den eskala chikí, ku 15 kliente pa dia, pa personanan ku komienso di demensia/Alzheimer i kaminda ku nan por risibí guia mas personal, habrí i diferente. Sra. Lisette ta di opinion ku esei ta traha mihó i ku nan lo keda e persona ku semper nan tabata pa largu tempu . Presentenan a keda masha satisfecho ku Lisette su presentashon, i Lisette tambe a gradisí FAB pa e invitashon i tambe pa e oportunidat pa por a bishitá diferente pasadia aki na Bonaire i sera konosi ku e forma kon ta guia esnan ku demensia den un pasadia aki na Bonaire.

Djasabra tabatin un aktividat no pa públiko sino pa bishitantenan di Villa Henna

di 9.00 pa 15.00 or, un dia di konekshon na kunuku di famia La Croes yamá “ DIMI DIBO Ranch” ku e tema “Sembrando amor i kosechando konekshon” ku e habitantenan di Kas Hóben ku Futuro di Fundashon Rosa di Sharon/Amiguitanan di FAB  bou di guia di Sra. Henna Winklaar, casemanager demensia penshoná, asistí pa Sra. Claire Vriens, bewegings agoog/ergoterapuete di Ergo Pa Bo. Pa e hóbennan tabata un kresementu, amor, i amistat. Direktiva di FAB ta wak bѐk riba un otro eksitoso aktividat pa e luna di konsientisashon riba e malesa di Alzheimer.

Djadumingu mainta  pa 6.00 or komo klousura di su programa di Luna Mundial di Alzheimer, Intensity , Eagle Eye Media i  FAB selebrando nan promé lustro ku nan  tradishonal 5 km kaminata di konsientisashon ku a kuminsá na waf di Cargill Salt Company pa e kasitanan di katibu i bѐk. FAB selebrando nan terser lustro i Intensity ku Eagle Eye Media   organisando e kaminata akí pa di sinku biaha den kolaborashon ku nos fundashon. Meskos ku tur aña e ganashi ta bai pa e programa di konsientisashon di

Fundashon Azheimer Bonaire. Kada partisipante a haña un steker di FAB i e aña aki un pin spesial na okashon di e promé lustro riba nan Tshirt blanku despues di nan pago di $10.

Ounke ku organisadónan a base di pasado sa ku asistensia no ta refleho di e kantidat di karchinan bendí,  mirando ku vários hende ta kumpra karchi  i ta konsiderá esaki komo un donashon pa e bon meta di e kaminata i asina no ta partisipá físikamente, a resultá ku e aña akí atrobe e kantidat di partisipante a surpasá e añanan anterior i na sigur satisfakshon di e organisadónan.

Nos direktiva ta masha satisfecho ku e asistensia, ku e ambiente ameno durante di e kaminata i tambe ku e reakshon spontanio di e partisipantenan na final.

E aktividat akí pero tambe esunnan durante henter luna tabata eksitoso. Pa esaki nos ta masha gradesido  na nos boluntarionan, sostenedónan, komѐrsio, partnernan den kadena pero tambe sigur na e públiko ku a reakshoná positivamente riba tur invitashon i tambe partisipá aktivamente.

Na nòmber di direktiva, presidente a gradisí e organisadónan i e partisipantenan pa nan sosten na e bon meta akí di fundashon i a felisita nan tambe ku e prome lustro di e kaminata.

FUENTE: FAB/LIVE99FM

NEDERLAND:

FUNDASHON ALZHEIMER BONAIRE HAAR VOORLAATSTE ACTIVITEIT VAN DE WERELD ALZHEIMER.

Kralendijk,- Afgelopen vrijdag organiseerde Fundashon Alzheimer Bonaire haar voorlaatste activiteit van de Wereld Alzheimer Maand met een informatieavond om 19.00 uur te Captain Don’s Habitat met als gastspreker mevr. Lisette Does, oprichter en manager van Love Eldery Daycare Center te Aruba.

Lisette had als thema “ Balor di pasadia den forma liber i den eskala chikí “ en ze deelde haar ervaring als oprichter van Love Eldery Daycare Center te Aruba. Dit is een kleinschalige opvang met 15 klanten per dag, voor personen in de beginfase  van dementie/Alzheimer en waar ze persoonlijke leiding krijgen, open en anders. Mevr. Lisette is van mening dat dit beter werkt en dat ze heel lang dezelfde persoon mogen blijven. . De aanwezigen waren zeer tevreden met haar presentatie, en  Lisette op haar beurt bedankte FAB voor de uitnodiging en ook voor de gelegenheid die ze kreeg om verschillende dagopvang hier op Bonaire te mogen bezoeken en zodoende kennis te maken met vormen waarop men hier op Bonaire de personen met dementie begeleiden.

Zaterdag was er voor de bewoners van Villa Henna een privé activiteit van

9.00 tot 15.00 uur, een connectiedag te  kunuku van de familie La Croes genaamd “ DIMI DIBO Ranch” met als thema “Sembrando amor i kosechando konekshon” samen met de bewoners van Kas Hóben ku Futuro van Fundashon Rosa di Sharon/Amiguitanan di FAB  onder leiding van Henna Winklaar, gepensioneerde casemanager dementie, bijgestaan door mevr. Claire Vriens, bewegingsagoog/ergoterapuete van Ergo Pa Bo. Voor de jongeren ging het om de groei, liefde, en vriendschap. Het bestuur van FAB kijkt terug naar nog een geslaagde activiteit voor de Alzheimer bewustwording’s maand.

Zondagmorgen om 6.00 uur, als afsluiting van het programma voor de Wereldmaand Alzheimer, organiseerden Intensity, Eagle Eye Media en  FAB de traditionele 5 km bewustwordingswandeling, die bij de pier van Cargill Salt Company begon tot de slavenhutjes en terug. Zodoende vierde men 5 jaren van de bewustwordingswandeling en FAB vierde haar 15 jarig bestaan. Net als elk jaar is de winst voor het bewustwordingsprogramma van Fundashon Azheimer Bonaire. Elke deelnemer kreeg een sticker van FAB en dit jaar kregen ze ook een speciale pin ter gelegenheid van het eerste lustrum van de bewustwordingwandeling die ze op hun witte Tshirt konden pinnen na hun $10 contributie.

Hoewel de organisatoren uit ervaring weten dat het aantal deelnemers niet gelijk is aan het aantal verkochte kaarten omdat men de kaarten ter donatie koopt  en dus niet fysiek meedoet, toch blijkt het aantal deelnemers ook dit jaar meer te zijn dan voorgaande jaren, naar voldoening van de organisatoren.

Ons bestuur is tevreden met de participatie, met de gezellige sfeer gedurende de wandeling en ook met de spontane reactie van de deelnemers na de wandeling.

Deze activiteit maar ook de andere activiteiten van deze maand waren allemaal zeer geslaagd. Hiervoor zijn wij dankbaar aan onze vrijwilligers , ondersteuners, bedrijven, ketenpartners maar ook aan het publiek dat positief heeft gereageerd op al onze uitnodigingen en ook actief deelnam.

De voorzitter bedankte de organisatoren en deelnemers voor hun ondersteuning aan het goede doel en feliciteerde hen met het eerste lustrum van de wandeling.