ST. EUSTATIUS: EKSITOSO “INTEGRITY SUMMIT DUTCH CARIBBEAN 2024” NA SINT EUSTATIUS

Oranjestad,- Representante di organisashon di tur e seis islanan di Hulanda Karibense i di Ministerio di Asuntunan Interno i Relashon di Reino (BZK) tabata di 4 te ku 6 di novèmber na Sint Eustatius pa e di dos “Integrity Summit Dutch Caribbean 2024”.

Meta di e kumbre tabata pa siña di otro i interkambiá konosementu. Partisipantenan a brasa e idea pa lanta un ofisina Hulanda Karibense pa promoshon di integridat, pa suministrá knowhow i ekspertisio na e islanan. Ta bai studia e posibilidat pa lanta un ofisina asina.

E parti mas importante

“Integridat mester ta pará sentral serka tur miembro di nos komunidat, pa kuminsá serka organisashonnan gubernamental”, Alida Francis, gezaghebber di Sint Eustatius a deklará, durante su diskurso inougural.

Segun Francis, tabata di gran importansia pa organisá e kumbre, pa desaroyo di e tópiko akí na Sint Eustatius pa duna un impulso na e diferente aktividatnan ku tin planiá e añanan benidero. Resientemente a lanta un ofisina di integridat na Sint Eustatius ku lo bai fasilitá tambe un programa di entrenamentu amplio pa gobièrnu lokal.

Durante e kumbre di integridat partisipantenan a profundisá riba tópikonan spesífiko. Tabatin hopi tópiko riba agènda, manera promoshon di un kultura konsiente di integridat, trahamentu ku análisis di riesgo i konseheronan konfiabel.

Mihó práktika

E énfasis tabata riba ekspertisio interno. Funshonarionan di integridat eksperensiá di diferente isla a kompartí nan konosementu, mihó práktika i lèsnan ku a siña.

Ministerio di BZK a fasilitá e kumbre na Sint Eustatius, den kolaborashon ku SRA-Caribbean & Partners NV, un ofisina lokal spesialisá den entrenamentu i asesoramentu riba tereno di integridat i kumplimentu, i Nyenrode Business Universiteit.

E partisipante- i organisadónan ta deseá di sigui ku un agènda komun. “Nos ta realisá ku kapasidat operashonal ta limitá riba e islanan. Pero no mester inventá maneho i struktura di nobo. Mas kolaborashon por ta efektivo i por empoderá e islanan.”

Premio di integridat

A duna atenshon spesial na e trabou di Jeaninne Wong-Loi-Sing, konsehero di integridat na Rijksdienst Caribisch Nederland (RCN). Riba 14 di òktober 2024 Wong-Loi-Sing a risibí e Premio di Integridat Ien Dales’ (Ien Dales Integrity Award) 2024. Na Hulanda ta otorgá e premio prestigioso akí na personanan ku ta hasi efsuerso ekstraordinario pa promové integridat den e sektor públiko. Wong-Loi-Sing a kompartí su eksperensia ku partisipantenan na e kumbre na Sint Eustatius.

Balor agregá

Partisipantenan tabata di akuerdo ku lantamentu di un ofisina Hulanda Karibense pa promové integridat tin un balor agregá. E ofisina akí lo yuda e islanan inventarisá posibilidatnan di entrenamentu, desaroyá un kampaña di konsientisashon, kompilá e mihó práktikanan i organisá seshonnan di promoshon di ekspertisio. BZK a ofresé pa kontratá un lider di proyekto pa sigui desaroyá e idea akí.

FUENTE:RCN/LIVE99FM .

NEDERLANDS:

ST. EUSTATIUS: SUCCESVOLLE “INTEGRITY SUMMIT DUTCH CARIBBEAN 2024” OP SINT EUSTATIUS

Oranjestad,- Vertegenwoordigers van organisaties van alle 6 eilanden van het Caribisch deel van het Koninkrijk en van het ministerie van Binnenlandse Zaken en Koninkrijksrelaties (BZK) waren van 4 tot en met 6 november op Sint Eustatius voor de tweede ‘Integrity Summit Dutch Caribbean’.

Doel van de summit was om van elkaar te leren en kennis uit te wisselen. Deelnemers steunden het idee om een Caribisch bureau voor de bevordering van integriteit op te richten. Dit bureau zal de eilanden faciliteren met kennis en kunde. Het opzetten van zo’n bureau wordt verder verkend.

Centraal staan

‘Integriteit moet centraal staan bij ieder lid van onze gemeenschappen, te beginnen met de overheidsorganisaties’, zei Alida Francis, gezaghebber van Sint Eustatius, tijdens haar openingstoespraak.

Het hosten van deze top is volgens Francis van groot belang voor de ontwikkeling van dit onderwerp op Sint Eustatius. Het geeft een impuls aan de verschillende activiteiten die gepland zijn voor de komende jaren. Sint Eustatius heeft sinds kort een integriteitsbureau dat ook zal zorgen voor een breed trainingsprogramma binnen de lokale overheid.

Tijdens de integriteitstop gingen deelnemers dieper in op specifieke onderwerpen. Er stonden veel onderwerpen op de agenda zoals het bouwen van een integriteitsbewuste cultuur, het werken met risicoanalyses en aanstellen van vertrouwenspersonen.

Best practices

De nadruk lag op interne expertise. Hierbij deelden ervaren integriteitsfunctionarissen van verschillende eilanden hun kennis, best practices en geleerde lessen.

De summit op Sint Eustatius werd gefaciliteerd door het ministerie van BZK, in samenwerking met SRA-Caribbean & Partners NV, een lokaal bureau gespecialiseerd in training en advies op het gebied van integriteit en compliance, en Nyenrode Business Universiteit.

De deelnemers en de organisatoren willen graag verder met een gemeenschappelijke agenda. ‘We realiseren ons dat de uitvoeringskracht op de eilanden beperkt is. Maar je hoeft beleid en structuren niet opnieuw uit te vinden. Meer samenwerking kan effectief zijn en de eilanden sterker maken’, aldus de organisatoren.

Integrity Award

Er was speciale aandacht voor het werk van Jeaninne Wong-Loi-Sing, integriteitsadviseur bij Rijksdienst Caribisch Nederland (RCN). Op 14 oktober dit jaar ontving Wong-Loi-Sing de Ien Dales Integrity Award 2024. Deze prestigieuze prijs wordt in Nederland uitgereikt aan personen die zich buitengewoon inspannen voor het bevorderen van integriteit binnen de publieke sector. Wong-Loi-Sing deelde haar ervaring met de deelnemers van de summit op Sint Eustatius.

Meerwaarde

Deelnemers waren het eens over de meerwaarde van het opzetten van een Caribisch bureau voor de bevordering van integriteit. Dit bureau zal assisteren met het verzamelen van opleidingsaanbod, het ontwikkelen van bewustwordingscampagnes, het verzamelen van best practices en het organiseren van deskundigheidssessies. BZK heeft aangeboden om een lokale projectleider aan te trekken om het idee verder uit te werken.

ENGELS:

ST. EUSTATIUS: SUCCESSFUL INTEGRITY SUMMIT DUTCH CARIBBEAN 2024 IN ST. EUSTATIUS

Oranjestad,- Representatives of organizations from all 6 islands of the Dutch Caribbean and from the Ministry of Interior Affairs and Kingdom Relations (BZK) were in St. Eustatius from the 4^th to the 6^th of November for the 2nd Integrity Summit Dutch Caribbean.

The summit’s objective was to learn from each other and to exchange knowledge. Participants embraced the idea to set up a Dutch Caribbean office for the promotion of integrity to facilitate the islands with knowhow and expertise. The setting up of such an office will be explored.

At the core

‘Integrity should be carried at the core of all members of our communities, starting with the governmental organizations’, St. Eustatius Island Governor Alida Francis stated during her opening speech.

According to Francis, hosting this summit was of great importance for developing this topic on St. Eustatius to give a boost to the various activities that are planned for the coming years. Recently, an integrity office was established in St. Eustatius which will also facilitate a broad training program for the local government.

During the integrity summit, participants delved deeper into specific topics. There were many topics were on the agenda such as fostering an integrity-conscious culture, working with risk analyses and confidential advisors.

Best practices

The emphasis was on internal expertise. Experienced integrity officers from various islands shared their knowledge, best practices and lessons learned.

The summit on St. Eustatius was facilitated by the Ministry of BZK, in cooperation with SRA-Caribbean & Partners NV, a local bureau specialized in training and advice in the area of integrity and compliance, and Nyenrode Business University.

The participants and the organizers want to move forward with a common agenda. ‘We realize that the operational capacity on the islands is limited. But you don’t have to reinvent policies and structures. More cooperation can be effective and can empower the islands’.

Integrity Award

There was special attention for the work of Jeaninne Wong-Loi-Sing, integrity advisor at Rijksdienst Caribisch Nederland (RCN). On the 14^th of October 2024, Wong-Loi-Sing received the Ien Dales Integrity Award 2024. This prestigious award is presented in the Netherlands to individuals who make extraordinary efforts in promoting integrity within the public sector. Wong-Loi-Sing shared her experience with participants of the summit on St. Eustatius.

Added value

Participants agreed on the added value of setting up a Dutch Caribbean office for the promotion of integrity. This office will assist the islands with an inventory of training possibilities, developing awareness campaigns, collecting best practices and organizing expertise promotion sessions. BZK has offered to recruit a local project leader to further develop this idea.

SPANO:

ST. EUSTATIUS: EXITOSO “INTEGRITY SUMMIT DUTCH CARIBBEAN 2024” NA SINT EUSTATIUS

Oranjestad,- Representantenan di organisacionnan di tur e seis islanan di Hulanda Caribense y di Ministerio di Asuntonan Interno y Relacion di Reino (BZK) tabata di 4 te cu 6 di november na Sint Eustatius pa e di dos “Integrity Summit Dutch Caribbean 2024”. Meta di e cumbre tabata pa siña di otro y intercambia conocemento. Participantenan a brasa e idea pa lanta un oficina Hulanda Caribense pa promocion di integridad, pa suminstra knowhow y experticio na e islanan. Ta bay studia e posibilidad pa lanta un oficina asina.

E parti mas importante

“Integridad mester ta para central cerca tur miembro di nos comunidadnan, pa cuminsa cerca organisacionnan gubernamental”, Alida Francis, gezaghebber di Sint Eustatius a declara, durante su discurso inaugural.

Segun Francis tabata di gran importancia pa organisa e cumbre aki, pa desaroyo di e topico aki na Sint Eustatius pa duna un impulso na e diferente actividadnan cu tin plania e añanan benidero. Recientemente a lanta un oficina di integridad na Sint Eustatius cu lo bay facilita tambe un programa di entrenamento amplio pa gobierno local.

Durante e cumbre di integridad participantenan a profundisa riba topiconan specifico. Tabatin hopi topico riba agenda, manera promocion di un cultura conciente di integridad, trahamento cu analisis di riesgo y conseheronan confiabel.

Miho practica

E enfasis tabata riba experticio interno. Funcionarionan di integridad experencia di diferente isla a comparti nan conocemento, miho practicanan y lesnan cu a siña.

Ministerio di BZK a facilita e cumbre na Sint Eustatius, den colaboracion cu SRA-Caribbean & Partners NV, un oficina local specialisa den entrenamento y asesoramento riba tereno di integridad y cumplimento, y Nyenrode Business Universiteit.

E participante- y organisadonan ta desea di sigui cu un agenda comun. “Nos ta realisa cu capacidad operacional ta limita riba e islanan. Pero no mester inventa maneho y structura di nobo. Mas colaboracion por ta efectivo y por empodera e islanan.”

Premio di integridad

A duna atencion special na e trabou di Jeaninne Wong-Loi-Sing, consehero di integridad na Rijksdienst Caribisch Nederland (RCN). Riba 14 di oktober 2024 Wong-Loi-Sing a ricibi e Premio di Integridad Ien Dales (Ien Dales Integrity Award) 2024. Na Hulanda ta otorga e premio prestigioso aki na personanan cu ta haci esfuerso extraordinario pa promove integridad den e sector publico. Wong-Loi-Sing a comparti su experiencia cu participantenan na e cumbre na Sint Eustatius.

Balor agrega

Participantenan tabata di acuerdo cu lantamento di un oficina Hulanda Caribense pa promove integridad tin un balor agrega. E oficina aki lo yuda e islanan inventarisa posibilidadnan di entrenamento, desaroya un campaña di conscientisacion, compila e miho practicanan y organisa sesionnan di promocion di expertisio. BZK a ofrese pa contrata un lider di proyecto pa sigui desaroya e idea aki.