TRABOU DI REKONSTRUKSHON DEN SENTRO DI SIUDAT NA PLAYA A KUMINSÁ

Kralendijk – Siman pasá a pone dos paso importante pa ehekushon di e trabounan den sentro di siudat na Playa (centrumgebied). Ta trata aki di e proyekto Kaya Grandi i bisendario. Na promé lugá a firma e akuerdo ku e kontratista. Seguidamente riba djabièrnè 14 di ougùstùs un seshon di informashon a tuma lugá ku habitantenan i empresarionan ku ta establesé den área di e proyekto. Durante e enkuentro akí a splika kua ta e trabounan ku ta keda ehekutá, kon e planifikashon den liñanan grandi i e repartishon den fase ta i kiko esaki ta nifiká pa e bisindario. E siman akí e trabounan a kuminsá.

Segun espektativa e durashon total di ehekushon di e proyekto ta shete luna.

E trabounan ta enserá entre otro riba mehorashon di desagwe di awa di yobida i un strukturashon mehorá di e espasio públiko, kaminda e diferente funshonnan den sentro di siudat ta haña nan espasio ku ta nesesario. Di e manera akí ta surgi un strukturashon koherente i funshonal di nos sentro di siudat.

Den kòmbersashon ku habitantenan i empresarionan

Durante e seshon di informashon tabatin espasio pa habitantenan i empresarionan hasi pregunta i kompartí nan preokupashonnan i nan puntonan di atenshon. E aporte aki ta yuda pa sinkronisá e ehekushon mas bon posibel ku uso diario di e área.

E hefe suplente di direktorado di Planifikashon i Desaroyo, Ligwino Leito, ta pone énfasis riba importansia di e kolaborashon akí: “Ku firmamentu di e akuerdo nos ta pone un paso importante den direkshon di e ehekushon. Nos sa ku trabou den sentro di siudat tin impakto riba habitantenan, empresarionan i bishitantenan. Pa e motibu akí nos ta haña ku ta importante pa duna informashon na un manera klarito, skucha bon kiko ta biba serka e hendenan alrededor, i keda den kontakto ku e bisindario durante e ehekushon. Di e manera akí nos ta traha huntu pa logra un sentro di siudat ku ta mas atraktivo, mas aksesibel i mihó strukturá pa futuro.”

Alkansabilidat durante e trabounan

Durante e ehekushon tur edifisio ta keda alkansabel na pia. Pa e peatonnan nos ta krea ruta di kana seif i bon kla demarká. Tambe e área di proyekto ta keda alkansabel pa servisionan ousiliar den kaso di emergensia.

Kaminda seramentu di kaya òf desviashon temporaral ta nesesario, nos ta komuniká adelantá tokante esaki. Durante e ehekushon, Entidat Públiko Boneiru ta keda duna informashon tokante e progreso, e diferente fasenan i eventual kambionan den alkansabilidat.

Ku inisio di e trabounan nos ta pone un siguiente paso konkreto den mehorashon mas aleu di e espasio públiko den sentro di siudat na Playa.

FUENTE: OLB/LIVE99FM

NEDERLAND:

RECONSTRUCTIEWERKZAAMHEDEN CENTRUMGEBIED BONAIRE VAN START

Kralendijk – Afgelopen week zijn twee belangrijke stappen gezet voor de uitvoering van de werkzaamheden in het centrumgebied van Kralendijk. Het gaat hier om het project Kaya Grandi en omgeving. Eerst werd de overeenkomst met de aannemer ondertekend. Vervolgens vond op vrijdag 14 augustus de informatiesessie plaats met bewoners en ondernemers in het projectgebied. Tijdens deze bijeenkomst werd toegelicht welke werkzaamheden worden uitgevoerd, hoe de globale planning en fasering eruitzien en wat dit betekent voor de omgeving. Deze week zijn de werkzaamheden daadwerkelijk van start gegaan.

De totale uitvoeringstijd van het project bedraagt naar verwachting zeven maanden.

De werkzaamheden zijn onder andere gericht op het verbeteren van de afvoer van regenwater en een verbeterde inrichting van de openbare ruimte, waarbij de verschillende functies in het centrum de ruimte krijgen die daarvoor nodig is. Zo ontstaat een samenhangende en functionele inrichting van het centrumgebied.

In gesprek met bewoners en ondernemers

Tijdens de informatiesessie was er ruimte voor bewoners en ondernemers om vragen te stellen en hun zorgen en aandachtspunten mee te geven. Deze inbreng helpt om de uitvoering zo goed mogelijk af te stemmen op het dagelijks gebruik van het gebied.

Waarnemend hoofd van de directie Ruimte en Ontwikkeling, Ligwino Leito, benadrukt het belang van deze samenwerking: “Met de ondertekening van de overeenkomst zetten we een belangrijke stap richting de uitvoering. We weten dat werkzaamheden in het centrum impact hebben op bewoners, ondernemers en bezoekers. Daarom vinden we het belangrijk om duidelijk te informeren, goed te luisteren naar wat er leeft en tijdens de uitvoering in contact te blijven met de omgeving. Zo werken we samen aan een centrum dat aantrekkelijker, toegankelijker en beter ingericht is voor de toekomst.”

Bereikbaarheid tijdens de werkzaamheden

Tijdens de uitvoering blijven alle panden te voet bereikbaar. Voor voetgangers worden veilige en duidelijk afgebakende looproutes aangelegd. Ook blijft het projectgebied in geval van nood bereikbaar voor hulpdiensten.

Waar tijdelijke afsluitingen of omleidingen noodzakelijk zijn, wordt hierover vooraf gecommuniceerd. Het Openbaar Lichaam Bonaire blijft gedurende de uitvoering informeren over de voortgang, de verschillende fasen en eventuele wijzigingen in de bereikbaarheid.

Met de start van de werkzaamheden wordt een volgende concrete stap gezet in de verdere verbetering van de openbare ruimte in het centrum van Kralendijk.