BONEIRU I SINT EUSTATIUS TA FORTIFIKÁ KOLABORASHON RIBA TERENO DI SUPERVISHON I MANTENSHON DI LEI

Kralendijk Oranjestad,- For di 21 te ku 29 di yüli 2026 dos inspektor di Direktorado di Supervishon i Mantenshon di Lei di Entidat Públiko Boneiru a hasi un bishita di trabou na Sint Eustatius. Konhuntamente ku algun inspektor di Sint Eustatius nan a ehekutá vários inspekshon i nan a kompartí konosementu i ekspertisio. Di e manera akí e islanan BES ta traha huntu riba un ehekushon fuerte, profeshonal i resiliente pa futuro di supervishon i mantenshon di lei.

Durante e siman di inspekshon e inspektornan konhuntamente a ehekutá kontròl na entre otro diferente supermarket, pòmp di gasolin i lokalidat di karga. Nan a kontrolá entre otro siguridat di kuminda, midimentu korekto i kumplimentu ku lei i regla. Pa medio di e kolaborashon nan por a hasi mas kontròl i nan por a duna mihó sosten na empresanan pa loke ta trata kumplimentu ku regla.

Banda di e kontròl, e inspektornan a interkambiá eksperensia i nan a siña di otro su sistema di traha. Di e manera akí e kalidat di supervishon i mantenshon di lei na islanan BES ta keda fortifiká mas aleu, i e islanan mas i mas ta traha segun e mesun sistema.

Direktorado di Supervishon i Mantenshon di Lei ta gradisí e koleganan di Sint Eustatius pa e manera kaluroso ku a risibí nan i e kolaborashon plasentero. Desaroyo personal i profeshonal di e empleadonan den Direktorado di Supervishon i Mantenshon di Lei ta importante. Pa e motibu akí aktivamente ta stimulá e empleadonan pa desaroyá nan konosementu, abilidatnan i eksperensia mas aleu. Kolaborashon i interkambio di konosementu ku koleganan na e otro islanan BES ta kontribuí na esaki. E siman di inspekshon konhunto akí ta sigui konstruí riba e bunita fundeshi akí pa mas kolaborashon den futuro entre Boneiru, Sint Eustatius i Saba.    

FUENTE: OLB/LIVE99FM

NEDERLAND:

BONAIRE EN SINT EUSTATIUS VERSTERKEN SAMENWERKING OP TOEZICHT EN HANDHAVING

Kralendijk – Van 21 tot en met 29 juli brachten twee inspecteurs van de Directie Toezicht & Handhaving (DT&H) van het Openbaar Lichaam Bonaire een werkbezoek aan Sint Eustatius. Samen met inspecteurs van Sint Eustatius voerden zij gezamenlijke inspecties uit en deelden zij kennis en expertise. Zo werken de BES-eilanden samen aan een sterke, professionele en toekomstbestendige uitvoering van toezicht en handhaving.

Tijdens de inspectieweek voerden de inspecteurs samen controles uit bij onder andere supermarkten, tankstations en vrachtlocaties. Er werd gecontroleerd op onder meer voedselveiligheid, juiste metingen en het naleven van wet- en regelgeving. Door de samenwerking konden meer controles worden uitgevoerd en werden bedrijven beter ondersteund bij het naleven van de regels.

Naast de controles wisselden de inspecteurs ervaringen uit en leerden van elkaars werkwijze. Zo wordt de kwaliteit van toezicht en handhaving op de BES-eilanden verder versterkt en werken de eilanden steeds meer op dezelfde manier.

DT&H bedankt de collega’s van Sint Eustatius voor de warme ontvangst en de prettige samenwerking. De persoonlijke en professionele ontwikkeling van medewerkers is binnen DT&H belangrijk. Medewerkers worden daarom actief gestimuleerd om hun kennis, vaardigheden en ervaring verder te ontwikkelen. Samenwerking en kennisuitwisseling met collega’s op de andere BES-eilanden dragen hieraan bij.

 Deze gezamenlijke inspectieweek bouwt voort op de mooie basis voor verdere toekomstige samenwerking tussen Bonaire, Sint Eustatius en Saba.