A DETENÉ  HÒMBER DI INISIAL M.R.M. DI 30 AÑA DI EDAT PA MENASA KU ARMA I ARMA KONFISKÁ

Detenshonnan pa manehá bou di influensia di alkohòl

Durante e fin di siman ku a pasa, polis a detené dos(2) shofùr pa manehá bou di influensia di alkohòl.

Djaluna 26 di òktober, alrededor di 2.50 or di mardugá, a detené un hòmber di inisial M.S. di 28 aña di edat riba Bulevar Julio A. Abraham pa manehá bou di influensia di alkohòl. Polis a atvertí e sospechoso kòrtiku promé pa e no manehá pa motibu di sospecho tokante uso di alkohòl. Sin embargo, despues a top’é tòg algun ratu despues ta manehá un outo. A par’é i a hasi un tèst di supla kuné. A resultá ku e sospechoso a konsumí mas alkohòl ku ta pèrmití pa lei. A detené i hib’é warda di polis pa un análisis di rosea. A konfiská su reibeweis i e lo haña un prosèsferbal.

Djadumingu 25 di òktober, alrededor di 4.10 or di mardugá, a detené un hòmber di inisial M.A.A.G. di 30 aña di edat riba Kaya International pa manehá bou di influensia di alkohòl. E sospechoso a resultá ku su outo den roi na altura di e rotònde riba e kaya menshoná. Konformé e maneho di ‘botsen is blazen’ a hasi tèst di supla ku e sospechoso i a resultá ku el a konsumí mas alkohòl ku ta pèrmití pa lei. A detené e sospechoso i hib’é warda di polis pa un análisis di rosea. A konfiská su reibeweis i e lo haña un prosèsferbal.

Detenshon pa maltrato

Djadumingu 25 di òktober, alrededor di 11.10 or di anochi, a detené un hòmber di inisial J.A.R.C. di 36 aña di edat na Kaya Skandèlchi pa maltrato, menasa, maltrato ku un arma i destrukshon.

Investigashon den e kaso ta kontinuá.

Aksidente ku herido  

Djadumingu 25 di òktober, alrededor di 2.45 or di atardi, ‘meldkamer’ sentral a risibí notifikashon tokante un aksidente riba Kaya Caribe. Na yegada di polis a resultá ku shofùr di un skuter a kai i resultá heridá. Ambulans a transportá e víktima pa hòspital pa tratamentu médiko mas avansá. Pa motibu di prioridat médiko, no por a hasi tèst di supla ku e víktima.

Presensia di polis i diferente kòntròl durante ‘Buskamentu di pampuna’

Den oranan di anochi di djasabra 24 di òktober a tuma lugá e aktividat di ‘Buskamentu di pampuna’. Pa garantisá seguridat di tur usuario di tráfiko, polis tabata èkstra visibel i a realisá diferente kòntròl. Durante e anochi a konstatá entre otro algun shofùr menor di edat. Nan no por a sigui manehá. Gòlfkart ku tabata transportá mas persona ku ta pèrmití, pikòp ku hende den e baki, inkluso menor di edat, i fatbike ku tabata kore sin lus. Ademas a konstatá algun shofùr ku tabata manehá di forma imprudente. Polis a duna diferente atvertensia i a korigí e situashonnan kaminda tabata nesesario. Den algun kaso a duna but pa infrakshon di tráfiko.

KPCN ta enfatisá e importansia di un komportashon responsabel den tráfiko i ta hasi un apelashon riba tur usuario di karetera pa tene nan mes na e reglanan di tráfiko. Tambe durante aktividatnan i kaminda tin grupo grandi di hende riba kaminda públiko, mas koutela i atenshon ta fundamental. Seguridat di tráfiko ta keda un prioridat i polis lo aktua kaminda ta nesesario pa prevení situashonnan peligroso.

Detenshon pa menasa i arma konfiská

Djasabra 24 di òktober, alrededor di 7.10 or di anochi, a detené un hòmber di inisial M.R.M. di 30 aña di edat riba Bulevar Miguel A. Pourier pa menasa ku arma. Detenshon di e sospechoso a tuma lugá despues ku a drenta notifikashon tokante un homber ku a menasá un persona ku arma. Kòrtiku despues, polis a topa e sospechoso i a detené. Durante su detenshon, un opheto paresido na arma di kandela a kai for di e sospechoso. A detené e sospechoso i a hib’é warda di polis. Investigashon den e kaso ta kontinuá.

Aksidente entre dos outo

Djasabra 24 di òktober, alrededor di 4.40 or di atardi, ‘meldkamer’ sentral a risibí notifikashon tokante un aksidente riba Kaya Korona na altura di Kaya Mulatu. A resultá ku tabata trata di un aksidente entre dos outo. Ambos shofùr tabata keha di doló i ambulans a transportánan pa hòspital pa tratamentu médiko. Konforme e maneho di ‘botsen is blazen’ a hasi tèst di supla ku ámbos shofùr i no tabatin indikashon tokante uso di alkohòl. Kran a tou ámbos vehíkulo for di e sitio.

FUENTE: KPCN/LIVE99FM

NEDERLAND:

POLITIEBERICHTEN VAN VRIJDAG 23 OKTOBER TOT EN MET MAANDAG 26 OKTOBER 2026

Aanhoudingen voor het rijden onder invloed van alcohol

Afgelopen weekend heeft de politie twee(2) bestuurders aangehouden voor het rijden onder invloed van alcohol.

Op maandag 26 oktober, rond 02:50 uur, werd een 28-jarige man met de initialen M.S. aangehouden op de Bulevar Julio A. Abraham voor het rijden onder invloed van alcohol. De verdachte werd kort daarvoor door de politie gewaarschuwd om niet te gaan rijden wegens vermoede van alcoholgebruik. Ongeacht deze waarschuwing, werd hij later toch achter het stuur van een auto aangetroffen. Hij werd gestopt en onderworpen aan een blaastest. Hieruit bleek dat hij meer alcohol had genuttigd dan wettelijk is toegestaan. De verdachte werd aangehouden en overgebracht naar het politiebureau voor een ademanalyse. Zijn rijbewijs is ingevorderd en er wordt proces-verbaal tegen hem opgemaakt.

Op zondag 25 oktober, rond 04:10 uur, werd een 30-jarige man met de initialen M.A.A.G. aangehouden op de Kaya International wegens het rijden onder invloed van alcohol. De verdachte was ter hoogte van de rotonde op de voornoemde straat met zijn auto in de riool terechtgekomen. Conform het ‘botsen is blazen’ beleid werd bij de verdachte een blaastest afgenomen. Hieruit bleek dat hij meer alcohol had genuttigd dan wettelijk is toegestaan. De verdachte werd aangehouden en overgebracht naar het politiebureau voor een ademanalyse. Zijn rijbewijs is ingevorderd en er wordt proces-verbaal tegen hem opgemaakt.

Aanhouding voor mishandeling

Op zondag 25 oktober, rond 23:10 uur, werd een 36-jarige man met de initialen J.A.R.C. aangehouden op de Kaya Skandèlchi wegens mishandeling, bedreiging, mishandeling met een wapen en vernieling.

De zaak wordt onderzocht.

Aanrijding met gewonde

Op zondag 25 oktober kreeg de centrale meldkamer rond 14.45 uur een melding van een aanrijding op de Kaya Caribe. Bij aankomst van de politie bleek dat de bestuurder van een scooter ten val was gekomen en gewond was geraakt. De ambulance heeft het slachtoffer naar het ziekenhuis gebracht voor verdere medische behandeling. Vanwege medische prioriteit kon er geen blaastest bij het slachtoffer worden afgenomen.

Politieaanwezigheid en diverse controles tijdens ‘Buskamentu di pampuna’

In de avonduren van zaterdag 24 oktober vond het ‘Pompoenenzoektocht’ (‘Buskamentu di pampuna’) evenement plaats. Om de veiligheid van alle verkeersdeelnemers te waarborgen, was de politie extra aanwezig en heeft zij diverse controles uitgevoerd. Gedurende de avond werd onder meer geconstateerd dat er enkele minderjarige bestuurders waren; zij mochten niet verder rijden. Verder werden golfkarren aangetroffen die meer personen vervoerden dan is toegestaan, pick-ups met personen—onder wie minderjarigen—in de laadbak, en fatbikes die zonder verlichting reden. Daarnaast werd vastgesteld dat enkele bestuurders roekeloos reden. De politie heeft verschillende waarschuwingen uitgedeeld en de situaties waar nodig gecorrigeerd. In een aantal gevallen is er een bekeuring uitgedeeld voor verkeersovertredingen.

Het KPCN benadrukt het belang van verantwoord verkeersgedrag en roept alle weggebruikers op zich aan de verkeersregels te houden. Ook tijdens evenementen en vooral bij grote groepen mensen op de openbare weg is extra voorzichtigheid en alertheid belangrijk. Verkeersveiligheid blijft een prioriteit en de politie zal waar nodig handhavend optreden om gevaarlijke situaties te voorkomen.

Aanhouding voor bedreiging en wapen in beslag genomen

Op zaterdag 24 oktober, rond 19:10 uur, werd een 30-jarige man met de initialen M.R.M. aangehouden op de Bulevar Miguel A. Pourier wegens bedreiging met een wapen. De aanhouding heeft plaats gevonden nadat er een melding was binnengekomen over een man die iemand met een wapen zou hebben bedreigd. Kort daarna werd de verdachte door de politie aangetroffen en aangehouden. Tijdens de aanhouding viel een voorwerp dat op een vuurwapen leek van de verdachte op de grond. De verdachte is overgebracht naar het politiebureau. De zaak is in onderzoek.

Aanrijding tussen twee auto’s

Op zaterdag 24 oktober, rond 16:40 uur, kreeg de centrale meldkamer een melding van een aanrijding op de Kaya Korona ter hoogte van Kaya Mulatu. Het bleek te gaan om een botsing tussen twee auto’s. Beide bestuurders klaagden over pijn en zijn met de ambulance naar het ziekenhuis gebracht voor medische behandeling. Conform het ‘botsen is blazen’ beleid werd bij beide bestuurders een blaastest afgenomen maar er was geen indicatie van alcoholgebruik. Een takelwagen heeft beide voertuigen van de locatie gesleept.