EKS MINISTER PRESIDÈNT MARK RUTTE I REI WILLEM ALEXANDER A PIDI DISKULPA I PORDON PA E ISTORIA KRUEL DI SKLABITUT.

Kralendijk,- Parse ku a lubidá e palabranan aki i ta sigui buska héroe boneriano den lodo stinki di istoria di sklabitut.

Awor ta momentu pa drenta un kaminda nobo kaminda nos ta kura di e trouma ei i no keda rekordá i buska héroe ku ta mas bien idolatria (adorá nan komo Dios) Tin reto mas grandi pa nos enfrentá manera; kambio di klima, resolvé problema di lèntfel, pobresa, funshonamentu di e sistema demokrátiko, kresementu di poblashon ku konsekuensia pa produkshon di awa, koriente, kuminda, bibienda, un infrastruktura adekuá, nos haf.

Ta bai pa desaroyo ekonómiko, sosial, kultural i edukashonal. Loke ta haña demasiado intenshon ta polítika ku tiramentu di lodo manera ken ta arogante, mas sabí riba tereno di gobernashon, di ekonomia, finansa, sosial i struktura estatal.

Aparentemente tur ta “Vakmensen” ku no a produsí nada na idea, pensamentu,studio,vishon,desishon,ehekushon di desishon den maneho di Bonaire.

Tin un registro pa nos sa kuantu ordenansa di lei Konseho Insular a produsí den 75 aña (1951-2026). E polítika pober di nos polítikonan ta stroba ku personanan eduká ku un grado sientífiko riba tereno marítimo, medio ambiente, na WEB, LVV, Kriabon, Selibon, Mariadal, Bonlab, Komunidat di Skol i Aeropuerto den tur trankilidat sin ta dependé di konsehal I diputadonan ku ke ta bas.

Sea bonerianonan na ke òf no ke ta bini un kambio kaminda mester di personanan eduká riba lista pa próksimo elekshon. Ami ta vota pa e partido ku tin vishon i kandidatonan ku por ehekutá e vishon Ami ta kere Den un HBO na Bonaire.

FUENTE: ARTHUR EWART SEALY