DESPUES KU PUEBLO POR EKSPERENSIA E GUERA I SIRKO DI E GOBIERNU DI UPB, MPB I SALMA, TA PARTIDO DEMOKRAT MES TA E ÚNIKO OPSHON.

Kralendijk,- Komo un siudadano preokupá pa e rumbo ku nos isla ta tomandó, mi no por keda ketu mas mirando e kaos, e inseguridat i e peleanan interno ku ta dominando e koalishon aktual. Ta ora pa papia kla.

E instabilidat aki no ta pa kasualidat, sino ku e ta pa falta di Salma Serberie.

Ta pa motibu di su aktitut di bula bai partido Demokrat sin motibu balido,  ku awe nos ta den e chukumpe di un koalishon kibrá, kaminda e bienestar general di pueblo a keda tirá un banda.

En bes di goberná na bienestar di e siudadano, pueblo a hane ku batayanan di ego, inmadures politiko, interes personal I pa ku kompinchi ta na prome luga.  

Loke ta mas bisto awor ta ku e politico nan ku ta den e koalishon awor, I ku a hiba un kampaña pisá bisando ku e gobièrnu anterior di Partido Demokrat no a hasi nada, a bin Sali na kla!  pa medio di siudadanonan mes ku Sali publika un kantidat grandi di proyekto ku e gobièrnu di Demokrat a ehekutá i kuantu ta sigui sali i ku ta duna fruto ketu bai.

Esaki ta un prueba ku Partido Demokrat mes ta e úniko partido ku realmente ta traha ku seriedat pa e pueblo aki. Miéntras otronan ta papia i ta hiba kampaña di engaño, Partido Demokrat a keda sin hala atras i a pone un kantidat di maneho struktural i proyektonan pa nos isla. Partido Demokrat a demostrá di tin vision, kapasidat di ehekushon i e berdadero interes di pueblo na promé lugá.

tambe pueblo por nota un otro fenómeno ku a lanta esta un eksploshon di partido polítiko nobo ku ke lanta di ripiente. Pero ora ku bo mira bon ta ken ta e personanan tras di e movementunan aki, ta resultá ku tur ta mesun hendenan ku tabatin posishonnan haltu òf ku tabata kampañadó di partidonan eksistente.

Awe nan ta presentá nan mes komo ‘kambio’, pero e berdad ta ku nan tur a lanta partido nobo pa asuntonan ku nunka a mira lus di dia. Nan a bandoná nan partidonan original unikamente pa motibunan personal i pa persiguí interesnan ageno ku no tin nada di hasi ku e bienestar di e pueblo aki.

 Nos isla no por kontinuá di e forma aki. Pueblo ta kansa di e drama, di e peleanan pa interes di ‘kompinchi’, di e mentiranan tokante trabou di otronan, i di e oportunismo di esnan ku ta lanta partido simplemente pasobra nan interes personal no a wòrdu kumplí. Lubidando ku pa ku proksimo eleksho ta bai tin 11 miembro di konseho insular.i magina bok u kada un saka un asiento, ta ki tipo di sirko politikota bai tin, kaminda kada un di nan ku pa su kos nan personal mester ta prome. Lo bai tin den kareda di 12 gobiernu pa ana!!

Ta pesei ta ora pa rekonose ken realmente ta traha, pa transparensia, integridat i pa apoyá berdadero gobernashon serio.

I esei ta Partido Demokrat!!!

FUENTE: ALSI ANTHONY