KORSOU: WARDAKOSTA KU EVAKUASHON MÉDIKO

Willemstad,- Den ora nan di djaluna mainta, di 26 di yanüari, Sentro Operashonal Marítimo di Wardakosta (MOC) a risibí un yamada for di un barku di karga, den nesesidat di asistensia médiko. 

E barku tabata nabegando serka di Kòrsou. 

Ta trata di un trahadó riba e barku ku a bira malu.  Koleganan di e tripulante a bin topa ku e persona drumi riba suela den nesesidat di asistensia. 

Personal di MOC a kontaktá e dòkter di CITRO ku a konstatá ku e persona mester risibí tratamentu médiko na Curaçao Medical Center (CMC) mas lihé ku ta posibel. 

Inmediatamente a alerta personal di e helikòpter di Wardakosta pa sali den direkshon di e barku pa asina por hiba e pashènt Hato (Kòrsou). Personal di ambulans tabata presente  pa transportá e persona pa asina e risibí tratamentu médiko na Curaçao Medical Center (CMC).

FUENTE : WARDAKOSTA/LIVE99FM

NEDERLANDS :

KUSTWACHT MET MEDISCHE EVACUATIE

Medische evacuatie

Willemstad,- In de vroege ochtenduren van maandag 26 januari ontving het Maritiem Operatie Centrum van de Kustwacht (MOC) een noodoproep van een vrachtschip dat zich in de buurt van Curaçao bevond.

Aan boord was een bemanningslid dat dringend medische assistentie nodig had.

Het betrof een werknemer die onwel was geworden. Collega’s van het bemanningslid troffen de persoon op de vloer aan en schakelden direct hulp in.

Het personeel van het MOC nam contact op met de arts van CITRO, die vaststelde dat de patiënt zo spoedig mogelijk medische behandeling moest krijgen in het Curaçao Medical Center (CMC).

Daarop werd onmiddellijk de helikopter van de Kustwacht gealarmeerd, die uitrukte in de richting van het vrachtschip om de patiënt op te halen en naar Hato (Curaçao) te vervoeren.

Bij aankomst stond een ambulance gereed om de patiënt over te brengen naar het Curaçao Medical Center (CMC) voor verdere medische behandeling.