NOS POR A TUMA NOTA DI E SENTENSIA DI WES DEN PROMÉ INSTANSIA DI BONEIRU RIBA E KASO DI E INTEVERSHON NA SELIBON PA LOKE TA TRATA E SITUASHON NA E LÈNTFEL.

Kralendijk,- A base di esaki nos kier a mustra riba lo siguiente:   

Realmente tabata tin motibu pa aktua – E wes a determiná ku tabata tin un negligensia dor di kolegio ehekutivo pa ku e área di otorgamentu di pèrmiso, inspekshon i kontrol na Selibon. Esaki ta nifiká ku e Representante di Reino tabata den su pleno derecho pa tuma medidanan. 

• E intervenshon sinembargo no a wòrdu realisá na un manera korekto – Wes a anulá e desishon di intervernshon, no pa motibu ku esaki no tabata nesesario, sino pasobra e Representante di Reino no a sigui e prosedimentu korekto. Según e trapi di intervenshon ku e Representante di Reino mes ta usa pa apliká, kolegio ehekutivo tabata meresé un últimu plaso di tempu, ounke kòrtiku, pa tuma e medidanan nesesario. 

• E ínterés general no a wòrdu sirbí direktamente ku e sentensia aki – Ku e anulashon di e intervenshon, esaki no ta nifiká ku e problemanan na Selibon, spesialmente e lèntfel na Lagún ta solushoná. E situashon ta keda super urgente i e medidanan ku a wòrdu tumá no tin ku wòrdu anulá. Awor e ta den man di kolegio ehekutivo pa tuma akshon di inmediato. 

Kon mester sigui awor? 

• Kolegio ehekutivo mes mester tuma akshon i kumpli ku su responsabilidat pa resolvé e problemanan na lèntfel. Mas tempu no por pasa bai mas sin akshon.
• E Representante di Reino por kuminsá un otro prosedimentu pa intervení pero e biaha aki mester duna kolegio ehekutivo un plaso kòrtiku pa aktua.
• Posibilidat ku ta apelá e kaso. E Representante di Reino por apelá e sentensia serka e Korte Komún di Hustisia.

E pregunta grandi ta keda si e kolegio ehekutivo finalmente ta den posishon pa tuma e akshonnan nesesario. Si e kolegio ehekutivo no hasi masha kos, e Representante di Reino por intervení atrobe, pero e biaha aki si sigui e prosedimentu korekto. Esaki ta nifiká ku e batalla hurídiko  no a kaba ainda, pero mientrastantu e problemanan urgente na Lènfil i Lagún ta sklama pa akshon di inmediato. 

Na e momento aki, e mihó paso ta pa kolegio ehekutivo i e Representante di Reino buska un  solushon na nivel atministrativo enbes di prolongá e proseso legal. E problema na Lènfel i besindario ta di gran urgensia i e riesgo pa salubridat públiko i medioambiente ya a pasa límite.

FUENTE: WILLEM A. CECILIA/LIVE99FM