SINT EUSTATIUS: CFT: “TA IMPORTANTE PA DUNA E SIGUIENTE PASONAN DEN MANEHO FINANSIERO”

Oranjestad – A adoptá e presupuesto pa 2025 di Sint Eustatius na tempu, i e ta mustra un surplus. Ku esaki lo por kompensá resultadonan negativo inesperá. Ainda mester dediká atenshon na maneho finansiero. Cft a pidi Entidat Públiko pa duna mas klaridat tokante di e presupuesto, i a papia ku Kolegio Ehekutivo tokante di e pasonan ku mester duna pa optené un deklarashon aprobatorio di ouditor mas pronto posibel. Presupuesto pa 2024 i 2025A adoptá e presupuesto pa 2025 riba 31 di òktober 2024.

Cft a konstatá ku a implementá mayor parti di su rekomendashonnan tokante di e proyekto presupuestario pa 2025, i el a remití e presupuesto na e Sekretario di Estado di Asuntunan Interior i Relashonnan den Reino pa aprobashon. Ku e surplus estimá di USD 2,1 mion na 2024, por lo pronto Entidat Públiko ta kumpli ku su obligashon di kompensá e défisit di 2023. Tambe pa 2025 a estimá un surplus (USD 1,9 mion).Maneho finansieroSint Eustatius ta trahando riba mehorashon di maneho finansiero. Tokante di e kuenta anual di 2023, e ouditor eksterno a bolbe deklará ku e ta apstené di duna opinion.

Apesar di esaki, tantu ouditor komo Cft ta konstatá ku sí tin mehorashon den maneho finansiero. Kontrol interno ta un punto di atenshon importante. Cft a papia ku Kolegio Ehekutivo tokante di e pasonan ku mester duna pa optené un deklarashon aprobatorio di ouditor mas pronto posibel.Klima i energia

E delegashon di Cft a presensiá Statia Day i a bishitá STUCO solar park. E delegashon tambe a bishitá Sint Eustatius National Parks (STENAPA).

FUENTE: CFT/LIVE99FM