KÒRSOU: PRONÓSTIKO DI TEMPU PA KÒRSOU I BISINDARIO BÁLIDO TE DJAMARS MAINTA 06:00 O.L., 15 DI ÒKTOBER 2024.

kompilá: 
djaluna 14 di òktober 2024, 05:00 o.l. (09:00 utc).

Tempu: Por lo general parsialmente nublá ku algun áwaseru lokal kompañá pa welek i bos.

Temperatura máksimo lo alkansá 32ºC i temperatura mínimo 28ºC.
Solo ta sali 06:25 i ta baha 18:18 o.l.

Bientu: Direkshon ost i moderá; forsa 3 te 4 (12 te 30 km/ora, 7 te 16 nudo). Prinsipalmente den dia i durante áwaseru, de bes en kuando basta fuerte te posiblemente fuerte den ráfaga; forsa 5 te 6 (31 te 50 km/ora, 17 te 27 nudo).

Situashon general: 

Kondishon atmosfériko ta favoresé desaroyo di nubianan signifikante riba nos region durante di próksimo 24 ora. Algun di e nubianan aki lo generá momentunan di áwaseru riba nos isla, kompañá pa posibel welek i bos. Lokalmente yobida lo ta moderá te fuerte i por kousa molèster di awa, prinsipalmente na e sitionan di kustumber.

Kondishon di laman: 

Moderá ku altura di olanan entre 1 i 2 meter (3 i 7 pia). E olanan di mas haltu lo ta riba laman habrí.

Sistemanan signifikante di wer tropikal: 

Ningun.

Fenómeno spesial: Ningun.

Perspektiva te djárason mainta: 

Basta nublá ku algun áwaseru lokal.

Meteorólogo: Rombley

E próksimo boletin di tempu lo wòrdu publiká djaluna 11:00 o.l. (15:00 UTC).

Pa mas informashon meteorológiko, bishitá nos páginanan di Internèt na: http://www.meteo.cw i sigui nos tambe riba Facebook na: http://www.facebook.com/Meteorological.Department.Curacao/.

FUENTE:METEO KORSOU/LIVE99FM