TOURISM CORPORATION BONAIRE TA RAPORTÁ RESULTADO DI RELASHON PÚBLIKO I ALKANSE DI MEDIONAN DI KOMUNIKASHON DEN E PROMÉ KUARTAL DI AÑA 2026  

Kralendijk ,- Tourism Corporation Bonaire (TCB) ta raportá un komienso fuerte di aña 2026 i ta destaká resultado di e esfuersonan di relashon públiko di Boneiru den e promé kuartal di e aña akí.

Den e promé kuartal Boneiru a risibí atenshon den mas ku 55 artíkulo den medionan di komunikashon internashonal, ku kua segun kalkulashon a alkansá en total 7,2 mion lesadó rònt mundu. E resultado akí ta danki na esfuersonan anterior di ‘pitch’ i eventonan anterior i aktual den medionan di komunikashon.

E aña akí tambe TCB su strategia di relashon públiko pa aña 2026 ta keda enfoká riba oumento di Boneiru su popularidat riba merkadonan importante na Nortamérika i Oropa pa medio di promové eksperensianan ku ta konektá ku e tendensianan mas nobo di biahe. Ta trata akí di eksperensia kulinario, biahamentu sostenibel, konsientisashon tokante medio ambiente, sambuyamentu i konservashon di naturalesa marino, vakansi ku enfoke riba famia i aktividatnan yen di aventura na aire liber.

Publikashonnan tòp – medionan di komunikashon internashonal

Boneiru a haña hopi atenshon den medionan di komunikashon prominente manera Forbes, Travel and Leisure, MSN, The Travel, i Condé Nast Traveler. Den e artíkulonan akí nan ta elogiá Boneiru komo é destinashon tòp pa sambuyamentu, snòrkel, eksperensia di ref, oferta kulinario ekselente, biahamentu ku enfoke riba kliente, paseo den boto di bela, ‘land sailing’, naturalesa i aventura ekológiko.

Den e promé kuartal TCB a risibí vários medio di komunikashon internashonal i kreadó di ‘content’ pa destaká e eksperensianan multifasétiko di Boneiru. Entre nan tabatin Sebastiaan Erkens di Foodies Travel and Foodies Magazine, ku a eksplorá e esena kulinario di nos isla, i Little Welch Travelers, ku a presentá Boneiru komo un destinashon ideal pa famia. Kolaborashon adishonal tabatin ku e fotógrafo i ‘blogger’ Bianca Kramer i e videógrafo Claire Lee, ku a kapturá kontenido den kua Boneiru en general, e esena kulinario vibrante, sambuyamentu i e esfuersonan pa restorashon di ref tabata sentral.

Na kaminda

TCB ta kontinuá ku su aktividatnan di relashon públiko ku diferente proyekto ku ta na kaminda, entre otro un artíkulo tokante Boneiru den National Geographic Traveler Nederland, ku ta destaká e shelu di anochi, e fenómeno di ostrakot i kultura di nos isla. E artíkulo akí ta sali mas lat e aña akí. Banda di esaki durante un biahe den grupo pa prensa, e asina yamá ‘Island Getaway’,na fin di luna di aprel lo yama bon biní na reporteronan internashonal di biahe pa eksperensiá Boneiru su kultura, su aktividatnan na aire liber i su hospitalidat, ku bista riba futuro reportahenan den diferente medio di komunikashon.

Yamada pa aktualisashon di nos partnernan

TCB ta invitá tur partner na nos isla pa manda aktualisashon, notisia, evento, lansamentu di proyekto nobo òf ángulonan original pa storia, pa di e manera akí fortifiká Boneiru su visibilidat mundial na momentu ku den futuro tin atenshon di medionan di komunikashon. Manda un deskripshon kòrtiku i un imágen di resolushon haltu na press@bonaireisland.com.

TCB kordialmente ke gradisí tur partner i stakeholder na nos isla pa nan sosten kontinuo na momentu di risibí medionan di komunikashon i pa nan aporte na Boneiru su visibilidat internashonal.   

 

 FUENTE: TCB/LIVE99FM

NEDERLANDS:

TOURISM CORPORATION BONAIRE RAPPORTEERT RESULTATEN PUBLIC RELATIONS EN MEDIABEREIK IN EERSTE KWARTAAL 2026  

Kralendijk,- Tourism Corporation Bonaire (TCB) meldt een sterke start van 2026 en benadrukt de resultaten van de public relations-inspanningen van Bonaire in het eerste kwartaal van dit jaar.

In het eerste kwartaal werd Bonaire in meer dan 55 internationale media-artikelen belicht, waarmee naar schatting in  totaal 7,2 miljoen lezers wereldwijd werden bereikt. Deze resultaten zijn te danken aan eerdere pitch-inspanningen en eerdere en huidige media-evenementen.

Ook dit jaar blijft de public relations-strategie van TCB voor 2026 gericht op het vergroten van de naamsbekendheid van Bonaire in belangrijke markten in Noord-Amerika en Europa door ervaringen te promoten die aansluiten bij de nieuwste reistrends. Het gaat hierbij om culinaire ervaringen, duurzaam en milieubewust reizen, duiken en mariene natuurbehoud, gezinsvriendelijke vakanties en avontuurlijke buitenactiviteiten.

Toppublicaties – Internationale media

Bonaire heeft veel aandacht gekregen in toonaangevende media zoals Forbes, Travel and Leisure, MSN, The Travel en Condé Nast Traveler. In deze artikelen werd Bonaire geprezen als dé topbestemming voor duiken, snorkelen, rifervaringen, culinaire hoogstandjes, gezinsvriendelijk reizen, zeilen/landzeilen, natuur en eco-avonturen.

In het eerste kwartaal heeft TCB verschillende internationale media en contentmakers ontvangen om de veelzijdige ervaringen op Bonaire onder de aandacht te brengen.

Onder hen was Sebastiaan Erkens van Foodies Travel and Foodies Magazine, die de culinaire scene van het eiland verkende, en Little Welch Travelers, die Bonaire presenteerde als een ideale bestemming voor gezinnen. Andere samenwerkingen waren er met de fotograaf en blogger Bianca Kramer en de videograaf Claire Lee, die content vastlegden waarin Bonaire in het algemeen, de levendige culinaire scene, duiken en de inspanningen voor rifherstel centraal stonden.

Aankomend

TCB zet haar public relations-activiteiten voort met verschillende aankomende projecten, waaronder een artikel over Bonaire in National Geographic Traveler Nederland, waarin de nachtelijke hemel, het ostracodenfenomeen en de cultuur van het eiland centraal staan. Dit artikel zal later dit jaar verschijnen. Daarnaast zullen tijdens een groepsreis voor de pers, de  ‘Island Getaway’, eind april internationale reisjournalisten worden verwelkomd om de cultuur, de buitenactiviteiten en de gastvrijheid van Bonaire te ervaren, met het oog op toekomstige reportages in diverse media.

Oproep voor updates van partners

TCB nodigt alle partners op ons eiland uit om updates, nieuws, evenementen, lancering van nieuwe projecten of originele invalshoeken voor verhalen in te sturen om zo de wereldwijde zichtbaarheid van Bonaire bij toekomstige media-aandacht te versterken. Stuur een korte beschrijving en een afbeelding in hoge resolutie naar press@bonaireisland.com.

TCB wil alle partners en stakeholders op ons eiland van harte bedanken voor hun voortdurende steun bij het ontvangen van de media en voor hun bijdrage aan de internationale zichtbaarheid van Bonaire.

ENGELS:

TOURISM CORPORATION BONAIRE REPORTS Q1 2026 PUBLIC RELATIONS PERFORMANCE AND MEDIA REACH

Kralendijk,- Tourism Corporation Bonaire (TCB) reports a strong start to 2026, highlighting the results of Bonaire’s public relations efforts during the first quarter of the year.

In the first quarter, Bonaire was featured in more than 55 international media articles, reaching an estimated total of 7.2 million readers worldwide. These results are driven by past pitching efforts and past and ongoing media hosting.

This year, TCB’s 2026 public relations strategy continues to focus on increasing awareness of Bonaire in key markets across North America and Europe by promoting experiences matching with the latest travel trends. These include culinary experiences, sustainable and eco-conscious travel, diving and marine conservation, family-friendly vacations, and outdoor adventure activities. 

Top Hits – International Media

Bonaire received high-impact coverage in leading outlets such as Forbes, Travel and Leisure, MSN, The Travel, and Condé Nast Traveler. These coverages highlighted Bonaire as the leading destination for scuba diving, snorkeling, reef experiences, culinary offerings, family-friendly travel, sailing/land sailing, nature, and eco-adventures. 

During the first quarter, TCB hosted several international media and content creators to showcase Bonaire’s diverse experiences. Among them was Sebastiaan Erkens from Foodies Travel and Foodies Magazine, who explored the island’s culinary scene, and the Little Welch Travelers, who showcased Bonaire as an ideal destination for families. Additional collaborations included photographer and blogger Bianca Kramer and videographer Claire Lee, who captured content highlighting Bonaire in general, the island’s vibrant food scene, diving, and reef restoration efforts. 

Upcoming

Looking ahead, TCB continues its public relations efforts with several upcoming opportunities, including an upcoming Bonaire story in National Geographic Traveler Netherlands highlighting the island’s night skies, ostracod phenomenon, and culture, scheduled for publication later this year. Additionally, an ‘Island Getaway’ group press trip later in April will welcome international travel writers to experience Bonaire’s culture, outdoor adventures, and hospitality for upcoming features in multiple media outlets. 

Call for Partner Updates

TCB invites all island partners to submit updates, news, events, new project launches, or unique story angles to help strengthen Bonaire’s global visibility in future media opportunities. Please send a short description and a high-resolution image to press@bonaireisland.com.

TCB extends a heartfelt thank you to all island partners and stakeholders for their continued support in hosting media and contributing to Bonaire’s international visibility.