INOUGURASHON  DI SIMAN DI MUSIKA PA MUCHA 2026

Kralendijk – Siman di Musika pa Mucha 2026 a ranka sali djadumingu ùltimo den un forma festivo i kolorído. Durante e atardi aki, muchanan di Little Stars a presentá diesun kantika nobo pa mucha.

E kantikanan a wordu skirbí pa e muchanan mes, ku guia di diferente músiko. E proyekto ta duna muchanan un bos i ta stimulá nan kreatividat pa medio di musika.

Siman di Musika pa Mucha ta dediká na señor Franklin Scherptong. Sr. Scherptong a hunga un ròl importante den desaroyo musikal di komunidat boneriano, spesialmente pa muchanan.

Na 2012, el a skirbi kuater buki di musika na Papiamentu i a desaroyá material di estudio pa, entre otro, akordeon diatóniko i harmonika. Su dedikashon a keda rekonosé ampliamente ku diferente rekonosementu, manera “Person of the Year 2022”.

ACE Foundation ta yama danki na FWNB, OLB, Cultuur Fonds Caribisch Gebied I tambe Fonds voor Cultuur Participatie ku a hasi e siman posibel.

E organisashon  mira bèk ku  riba un inougurashon eksitoso i inspirativo, kaminda talento i plaser tabata sentral.

FUENTE: EKADK BONAIRE/LIVE99FM

NEDERLANDS:

FEESTELIJKE OPENING KINDERMUZIEKWEEK 2026

Kralendijk– De Kindermuziekweek 2026 is afgelopen zondag feestelijk en kleurrijk geopend. Tijdens deze bijzondere middag presenteerden kinderen van Little Stars elf nieuwe kinderliedjes.

De liedjes zijn door de kinderen zelf geschreven, met begeleiding van verschillende muzikanten. Het project geeft kinderen een stem en stimuleert hun creativiteit via muziek.

Dit jaar is de Kindermuziekweek opgedragen aan de heer Franklin Scherptong. Hij heeft een belangrijke rol gespeeld in de muzikale ontwikkeling van de Bonairiaanse gemeenschap, met speciale aandacht voor kinderen.

In 2012 schreef hij vier muziekboeken in het Papiaments en ontwikkelde hij studiemateriaal voor onder andere de diatonische accordeon en harmonica. Zijn inzet is breed erkend met verschillende onderscheidingen, waaronder “Person of the Year 2022”.

De organisatie wil graag  FWNB, OLB, Cultuur Fonds Caribisch Gebieen Fonds voor Cultuur Participatie bedanken voor hun bijdrage. De organisatie kijkt met trots terug op een geslaagde en inspirerende opening, waarin talent en plezier centraal stonden.