ISLANAN ABC TA DAL PASO IMPORTANTE PA KONSERVASHON I FORTIFIKASHON DI PAPIAMENTU I PAPIAMENTO

Aruba, Boneiru i Kòrsou ta traha huntu pa sigui desaroyá i fortifiká e idioma.

Aruba, Boneiru i Kòrsou ta traha huntu pa sigui desaroyá i fortifiká papiamentu (Boneiru/Kòrsou) i papiamento (Aruba). Ku un akuerdo di kooperashon, e tres islanan ta traha na mas visibilidat, balorashon i vitalidat di e idioma.

Gobernantenan di Aruba, Boneiru i Kòrsou a firma e akuerdo di kooperashon na yüli 2025. For di e momentu di firmamentu, Boneiru a ehersé presidensia di e kooperashon akí pa ún aña.

For di òktober 2025, un grupo di trabou konsistiendo di representantenan di e tres islanan, ta traha na un programa di trabou ku vários proyekto pa sigui fortifiká uso i promoshon di papiamentu i papiamento.

Un di e proyektonan, ku riba kua ta bai pone énfasis den e periodo ku ta bini, ta Tradukshon Literario. E tres islanan ta traha huntu na un programa ku mester pone mas buki di kalidat haltu disponibel na propio idioma. Relashoná ku esei ta analisá ophetivonan, enfoke i e posibilidatnan pa sigui amplia e kantidat di título ku tin aktualmente.

Mas buki ta nifiká mas oportunidat pa nos idioma. Un selekshon amplio di buki pa mucha, hóben i adulto ta stimulá e plaser pa lesa, fortifiká abilidatnan lingwístiko i sigurá ku generashonnan nobo ta sigui apresiá e idioma. Ademas e bukinan aki ta kontribuí na traspasá storianan kultural, tradishon i identidat lokal. Nan ta sostené enseñansa multilingual i desaroyo di idioma. Tambe nan ta ofresé oportunidat pa eskritor, traduktor i otro profeshonalnan kreativo.

For di yüli 2026 ta pasa presidensia di e kolaborashon pa Aruba. Durante un aña, Aruba ta kontinuá ku koordinashon di e aktividatnan konhunto di e kolaborashon ABC.

E traspaso di presidensia ta suprayá e kompromiso konhunto di Aruba, Boneiru i Kòrsou pa papiamentu i papiamento. Agrupando konosementu, eksperensia i inisiativa dentro di e region di ABC, nos ta konstruí huntu un futuro sostenibel pa nos idioma.

FUENTE: OLB/LIVE99FM

NEDERLAND:

ABC-EILANDEN ZETTEN BELANGRIJKE STAPPEN VOOR BEHOUD EN VERSTERKING VAN HET PAPIAMENTU EN PAPIAMENTO

Aruba, Bonaire en Curaçao werken samen aan de verdere ontwikkeling en versterking van het Papiaments.

Aruba, Bonaire en Curaçao werken samen aan de verdere ontwikkeling en versterking van het Papiamentu (Bonaire/Curaçao) en het Papiamento (Aruba) (het Papiaments). Met een samenwerkingsovereenkomst zetten de drie eilanden zich in voor meer zichtbaarheid, waardering en vitaliteit van de taal.

De samenwerkingsovereenkomst werd in juli 2025 ondertekend door de bestuurders van Aruba, Bonaire en Curaçao. Vanaf het moment van ondertekening heeft Bonaire gedurende één jaar het voorzitterschap van deze samenwerking vervuld.

Vanaf oktober 2025 werkt een gezamenlijke werkgroep, met vertegenwoordigers van de drie eilanden, aan een werkprogramma met verschillende projecten om het gebruik en de promotie van het Papiaments verder te versterken.

Een van de projecten, waar de komende periode de nadruk op ligt, is Literair Vertalen. De drie eilanden werken gezamenlijk aan een programma dat meer kwalitatief goede boeken beschikbaar moet maken in de eigen taal. Daarbij wordt gekeken naar de doelstellingen, de aanpak en de mogelijkheden om het aanbod verder uit te breiden.

Meer boeken in het Papiaments betekent meer kansen voor de taal. Een breed aanbod voor kinderen, jongeren en volwassenen stimuleert leesplezier, versterkt de taalvaardigheid en zorgt ervoor dat nieuwe generaties de taal blijven waarderen. Bovendien dragen deze boeken bij aan het doorgeven van culturele verhalen, tradities en lokale identiteit. Ze ondersteunen meertalig onderwijs en taalontwikkeling. Daarnaast bieden ze kansen voor lokale schrijvers, vertalers en andere creatieve makers.

Vanaf juli 2026 wordt het voorzitterschap van de samenwerking overgedragen aan Aruba. Gedurende een jaar zal Aruba de coördinatie van de gezamenlijke activiteiten van de ABC-samenwerking voortzetten.

De overdracht van het voorzitterschap onderstreept de gezamenlijke inzet van Aruba, Bonaire en Curaçao voor het Papiaments. Door binnen de ABC-regio kennis, ervaring en initiatieven te bundelen, bouwen wij samen aan een duurzame toekomst voor het Papiaments.