KOMISHON MESA DI KLIMA, BOU DI PRESIDENSIA DI NÒLI OLEANA A RANKA SALI KU ÁNIMO.

Kralendijk,- Konfiansa i disididu pa pone tur hende nan nanishi den e direkshon di e lema ta: ”Nos Isla, nos responsabilidat” komo guia.

Kambio di klima tin konsekuensia pa peska, ref, turismo i edifisionan na kosta wèst di Bonaire. Temperatura ta subi i ya por tende ku ta hasi hopi kalor.  Nivel di laman lo subi, kapa di eis na Polo Norte ta ta smèlt, islanan den Pasífiko ta kore riesgo di disparsé.

Desaster kousá pa naturalesa na Europa, Afrika, Sur Amérika, den Karibe i Pasífiko ta mustra kaba riba kambionan di klima, Durante temporada di orkan por spera orkannan fuerte den Karibe. Segun un studio un parti sùit di Bonaire lo disparsé. Bo por imaginá bo ku Klein Bonaire no tei mas , no tin kas di katibu no tin Torno di Sùit ni saliña di sùit?

E introdukshonnan ku dal duru ta esun di Maurice Adriaens. Hende mester di kuminda, awa i bibiendanan fuerte. Ta trahando duru riba drechamentu di dam ku ta kuadra ku e dicho “Traha dam warda awa” Pronostiká di CBS ta mustra ku aki dies aña Bonaire lo tin 30.500 abitante ku mester kome, traha i tin bibienda. Ta nos obligashon pa yuda konkretamente ku protekshon di nos biennan i Bonaire. Komishon a keda asombrá di ripará ku alumnonan na skol tantu primario komo sekundario tin hopi konosementu di Kambio di Klima.

Awèl no sea tèrko, ta ora pa sigui enbolbí nan den e trayekto aki i inkorporá sigur un par den Komishon Ta nan ta importante. Komo adulto nos no mester  balotá nos mes i kere ku nos no por hasi nada. Por skucha i lesa kiko ta pasando rònt mundu. Akudí na seshonnan di informashon di Komishon Mesa di Klima i abo ta esun ku ta puntra “Kiko mi por i mester hasi” Nos tin propiedat, trabou i desendiente ku nos ta obligá di protehé. Komishon no ta esun ku “sa” pero esun ku ta duna “kontesta”.

Na 2035 hopi di nos ku ta preokupá no tei mas òf no tin e energia pa sigui kontribuí na e kousa di protekshon.Un súplika na komishon no kere ku ta komishon tin tur sabiduria. Dokumento, rapòrt i investigashon ta sumamente importante pero mester yega na konosementu di preokupashon di pueblo. Un akto konkreto di Komishon di Klima ku ami a gosa ta ku tur presente na e seshon di informashon a risibí un mata di palu pa planta na kas. Ami ya a planta di mi, ken ta sigui.

FUENTE:ARTHUR SEALY/LIVE99FM