Redakshon
Kralendijk,- Den kuadro di bishita di un barku krusero na Boneiru, Kuerpo Polisial Hulanda Karibense (KPCN), den kolaborashon ku Direktorado di Supervishon i Mantenshon di Lei (T&H) di Entidat Públiko Boneiru (OLB), a realisá un kòntròl di tráfiko dirigí.
E kòntròl, ku a tuma lugá na stadion i waf di sùit, tabata dirigí spesífikamente riba shofùrnan ku ta transportá turista, manera taksi i otro formanan di transporte di turista.
Durante e kòntròl a kontrolá un total di 25 vehíkulo riba muestra di un reibeweis bálido, papelnan di seguro i e pèrmitnan nesesario pa transportá pasahero. Dor di hasi e kòntròlnan aki durante momentunan drùk di temporada turístiko, manera yegada di un barku krusero, KPCN i OLB ke garantisá kondishonnan di transporte seif i regulá pa tantu bishitantenan komo residentenan di e isla.
Algun shofùr no tabatin e dokumentunan rekerí disponibel na e momentu ei den nan vehíkulo, pero esakinan a wòrdu entregá despues i a resultá di ta na òrdu. Ta rekordá shofùrnan pa na tur momentu tin e dokumentunan rekerí manera un reibeweis bálido, seguro i pèrmitnan apropiá ora di transportá pasahero.
E akshon konhunto aki ta enfatisá e importansia di koperashon entre polis i Direktorado di Supervishon i Mantenshon di Lei. E kòntròl ta parti di un esfuerso mas amplio pa garantisá seguridat riba karetera. Esaki no ta importante solamente pa seguridat di e habitantenan, pero tambe pa promové e bon eksperensia di turistanan na Boneiru.
Polis ta keda alerta riba kumplimentu ku reglanan di tráfiko i lo tene mas kòntròl na momentu ku ta nesesario.
Bo a mira algu sospechoso? Yama 717 8000 òf e liña di tep anónimo 9310.
FUENTE:KPCNLIVE99
NEDERLANDS:
VERKEERSCONTROLE GERICHT OP TOERISTENVERVOER TIJDENS BEZOEK CRUISESCHIP
Kraendijk,- In het kader van het bezoek van een cruiseschip aan Bonaire, heeft het Korps Politie Caribisch Nederland (KPCN), in samenwerking met de Directie Toezicht en Handhaving (T&H) van het Openbaar Lichaam Bonaire (OLB), een gerichte verkeerscontrole uitgevoerd.
De controle, die plaatsvond bij het stadion en de zuidpier, was specifiek gericht op chauffeurs die toeristen vervoeren, zoals taxi’s en andere vormen van toeristisch vervoer.
Tijdens de controle werden in totaal 25 voertuigen gecontroleerd op de aanwezigheid van een geldig rijbewijs, verzekeringspapieren en de benodigde vergunningen voor het vervoeren van passagiers.
Door deze controles te houden tijdens de piekmomenten van toeristisch verkeer, zoals bij de komst van een cruiseschip, willen het KPCN en het OLB zorgen voor veilige en gereguleerde transportomstandigheden voor zowel bezoekers als bewoners van het eiland.
Een aantal chauffeurs had de benodigde documenten niet direct beschikbaar in hun voertuig, maar deze werden later alsnog aangeleverd en bleken in orde te zijn.
Chauffeurs worden eraan herinnert dat zij te allen tijde de vereiste documenten, zoals een geldig rijbewijs, verzekering en de juiste vergunningen, bij zich moeten hebben wanneer zij passagiers vervoeren.
Deze gezamenlijke actie benadrukt het belang van de samenwerking tussen de politie en de Directie Toezicht en Handhaving. De controle is onderdeel van een bredere inzet om de veiligheid op de weg te waarborgen. Dit is niet alleen belangrijk voor de veiligheid van de eilandbewoners, maar ook om de goede ervaring van de vele toeristen op Bonaire te bevorderen.
De politie blijft alert op naleving van de verkeersregels en zal waar nodig verdere controles uitvoeren.
Heeft u iets verdachts gezien? Bel 911 of 717 8000 of de anonieme tip lijn 9310.
GIPHY App Key not set. Please check settings