SOROBON TA HABRÍ ATROBE, REKREASHON TA PA PROPIO RIESGO

Kralendijk – Despues di un wikènt di búskeda intensivo a lokalisá e rèptil, probablemente un krokodel ku e nòmber sientífiko ‘Crocodylus acutus’, den e área rònt di Lac Bay.

Un tim spesialisá di STINAPA ta na e sitio pa monitoreá e situashon i pa kapturá e krokodel na un manera seif.

E tipo di krokodel akí ta un espesie skiu i tímido ku ta biba den áreanan ku awa brak òf awa salu, manera tanki (vijver), riu i palu di mangel. E palunan di mangel di Lac ta un lugá di biba adekuá pa e animalnan akí. Krokodel ta regulá temperatura di nan kurpa pa medio di drumi den solo òf pa medio di muda pa sitionan mas friu. Ora un krokodel bula ònverwagt den awa, esaki no ta un señal di agreshon, pero di spantu. Tambe ora nan ta drumi den solo i habri boka manera nan ta hap, esaki ta normal i ta sirbi pa regulá nan temperatura. Nan kuminda ta konsistí di mamífero chikitu, para, sapu, turtuga i piská.

Sorobon i Lac Cai ta habrí atrobe:

A base di konseho di ekspertonan internashonal, entre otro IUCN i koleganan di Diergaarde Blijdorp Rotterdam, a disidí pa habri Sorobon i Lac Cai atrobe pa públiko. Aunke e àreanan i establesimentunan di hóreka ta aksesibel atrobe, ta deskonsehá pa drenta den laman i si hasi esaki, e ta kompletamente pa propio riesgo.

Medidanan di siguridat:

Entidat Públiko Boneiru i STINAPA ta atvertí públiko ku drentamentu den laman i rekreashon den e áreanan di Sorobon i Lac Cai (Lac Bay) ta tuma lugá kompletamente pa propio riesgo. Konsultá e bòrchinan di STINAPA: den e áreanan ku ta indiká ku kòrá, ta estriktamente prohibí pa drenta den laman.

Ta supliká bishitantenan urgentemente pa no bai kaminda tin yerba di laman i pa keda den awa plat. E medidanan akí ta di importansia grandi pa siguridat di públiko i pa duna e área e trankilidat nesesario. Esaki ta esensial pa e operashon di búskeda i e evaluashon di riesgo.

Konseho adishonal pa piskadónan:

Ta supliká piskadónan profeshonal i hendenan ku ta piska pa hòbi, pa no limpia e piskánan ku nan a kue na kantu di laman, pero pa bai ku nan na un otro sitio pa di e manera ei evitá atenshon indeseá di e rèptil.

Mantenshon di lei:

STINAPA lo aktua severamente den kaso di violashon di e reglanan di siguridat imponé. Ta saka personanan ku no ta kumpli ku e reglanan for di laman.

Pa mas informashon i aktualisashon, konsultá ku e kanalnan ofisial di STINAPA i entidat públiko Boneiru.   

FUENTE:OLB/LIVE99FM

NEDERLANDS:

SOROBON WEER OPEN, RECREATIE OP EIGEN RISICO

Kralendijk – Na een intensief zoekweekend is het reptiel, vermoedelijk een spitssnuitkrokodil (Crocodylus acutus), gelokaliseerd in het gebied rond Lac Bay.

Een gespecialiseerd team van STINAPA is ter plaatse om de situatie te monitoren en de krokodil veilig te vangen.

De spitssnuitkrokodil is een schuwe en teruggetrokken soort die leeft in brak- of zoutwatergebieden, zoals vijvers, beken en mangroves. De mangroves van Lac zijn een geschikt leefgebied voor deze dieren. Krokodillen reguleren hun lichaamstemperatuur door te zonnebaden of naar koelere plekken te verhuizen. Als een krokodil onverwacht het water inspringt, is dit geen teken van agressie, maar van schrik. Ook het “gapend” in de zon liggen is normaal en dient om hun temperatuur te reguleren. Hun dieet bestaat uit kleine zoogdieren, vogels, kikkers, schildpadden en vissen.

Heropening van Sorobon en Lac Cai:

Op basis van de adviezen van internationale experts, waaronder de IUCN en collega’s van Diergaarde Blijdorp Rotterdam, is besloten om Sorobon en Lac Cai weer open te stellen voor het publiek. Hoewel de gebieden en horecagelegenheden weer toegankelijk zijn, wordt het betreden van het water afgeraden en gebeurt dit volledig op eigen risico.

Veiligheidsmaatregelen:

Het openbaar lichaam Bonaire (OLB) en STINAPA waarschuwen het publiek dat het betreden van het water en recreëren in de gebieden van Sorobon en Lac Cai (Lac Bay) volledig op eigen risico gebeurt. Raadpleeg de borden van STINAPA: in de gebieden die met rood zijn aangegeven, is het water betreden strikt verboden.

Bezoekers wordt dringend verzocht het zeegras niet te betreden en in ondiep water te blijven. Deze maatregelen zijn van groot belang voor de veiligheid van het publiek en om het gebied de benodigde rust te geven. Dit is essentieel voor de zoekoperatie en risicobeoordeling.

Aanvullend advies voor vissers:

Visser en hobbyvissers worden verzocht om hun gevangen vis niet bij de haven schoon te maken maar af te voeren naar een andere locatie om zo ongewenste aandacht van het reptiel te voorkomen.

Handhaving:

STINAPA zal streng optreden bij overtredingen van de opgelegde veiligheidsregels. Personen die zich niet aan de regels houden, zullen uit het water worden verwijderd.

Voor meer informatie en updates, raadpleeg de officiële kanalen van STINAPA en OLB.