BRINGAMENTU KU HERIDO I DOS DETENSHON

Polis ta sigui aktua kontra fivermentu òf pustamentu ilegal

Den oranan di atardi di djadumingu 12 di aprel, polis a aktua riba e aktividat di fivermentu òf pustamentu ilegal ku ta tuma lugá durante fin di siman riba Kaminda di Sorobon. Apesar ku ta ampliamente konosí ku riba karetera públiko e tipo di aktividat aki ta ilegal, tòg un públiko grandi ku ta konsistí di tambe menornan di edat te ku beibi resien, ta skohe pa ta presente i partisipá na esaki.

Pa garantisá seguridat di un i tur, polis tabata preventivamente na e sitio. Dor di e akshon aki, a logra evitá ku e aktividat ilegal a kontinuá.

Polis ta enfatisá ku kareda ilegal riba karetera públiko òf fivermentu ta trese rísikonan grandi pa e partisipantenan mes, pa otro usuarionan di kaminda i pa personanan ku ta para wak. Polis ta keda alerta pa e tipo di señalnan aki pa garantisá seguridat riba kaya públiko. Bo a mira un situashon peligroso òf preparashon pa karedanan ilegal? Notifiká esaki mesora na ‘meldkamer’ sentral via 911.

Detenshonnan pa manehá bou di influensia di alkohòl

Den e wikènt ku a pasa, polis a detené dos(2) shofùr pa manehá bou di influensia di alkohòl.

Djadumingu 12 di aprel, alrededor di 1.40 or di atardi, a detené un hòmber di inisial A.N. di 60 aña di edat na Kaya Maria. E sospechoso tabata enbolbí den un aksidente ku solamente daño material. Konforme e maneho di ‘botsen is blazen’, a hasi un tèst di supla i a resultá despues ku e sospechoso a konsumí mas alkohòl ku ta permití pa lei. El a haña prohibishon di manehá pa 5 ora.

A transportá e sospechoso pa warda di polis pa kontinuá ku e trámitenan korespondiente i tambe haña un prosèsferbal.

Djadumingu 12 di aprel, alrededor di 11.15 or di mainta, ‘meldkamer’ sentral a risibí notifikashon tokante un aksidente ku herido na Kaya Para Mira. Na yegada di polis a resultá ku ta trata di un aksidente entre un vèn di karga i un ‘crosser’. Shofùr di e ‘crosser’ a resultá heridá i a transport’é ku ambulans pa tratamentu médiko. Konforme e maneho di ‘botsen is blazen’, a hasi tèst di supla ku shofùr di e vèn. E tèst di supla a duna indikashon di uso di alkohòl. For di un análisis di rosea na warda di polis a resultá ku e sospechoso a konsumí alkohòl, pero no a surpasá e límite pèrmití pa lei. A lag’é den libertat.

Kòntròl planiá di tráfiko

Den oranan di mardugá di djadumingu 12 di aprel, a tene un kòntròl di tráfiko riba e Kaminda ku ta kondusí pa Rincon i Playa. E kòntròl tabata dirigí riba seguridat den tráfiko i prinsipalmente tin un reibeweis i seguro bálido. Ademas preventivamente a stashoná vehíkulonan polisial na puntonan stratégiko i patruyá riba e kaminda menshoná pa hasi shofùrnan konsiente di nan velosidat i komportashon den tráfiko despues di un evenemento ku a tuma lugá na Rincon.

A kontrolá (13) diestres vehíkulo i tur dokumentu tabata na òrdu. No tabatin ningun partikularidat. Kòntròlnan di tráfiko ta kontinuá!

Akshon di listramentu preventivo

Den kuadro di un òrdu emití pa Fiskal mayó di Ministerio Públiko pa listramentu preventivo basá riba e Lei di Arma di Kandela BES, Kuerpo Polisial Hulanda Karibense(KPCN) a tene kòntròl den e periodo di 8 di aprel te ku 11 di aprel 2026. Durante e akshon aki, a kontrolá tantu persona komo vehíkulo. A bishitá vários sitio i establesimentu di hóreka. E akshon tabata na entre otro Tera Kòrá, Nikiboko, Playa, Antriol, Nort’i Saliña i Rincon.

Durante di e akshon a konfiská i òf laga destruí supstansianan probablemente narkótiko. Tambe a duna atvertensia na algun shofùr ku tabatin artíkulo den nan vehíkulo ku por usa komo arma.

Listramentu preventivo

Fiskal mayó ta outorisá kuerpo polisial pa listramentu preventivo. Esaki ta nifiká ku por listra tur hende den sierto áreanan di riesgo di seguridat designá sin ku ta nesesario ku tin sospecho òf indikashon pa hasi esei.

Polis ta konta ku bo(so) koperashon. Esun ku nenga di koperá ku listramentu preventivo ta kore riesgo di detenshon.

Bringamentu ku herido i dos detenshon

Djasabra 11 di aprel, alrededor di 1.15 or di mardugá, un patruya a tuma nota di un bringamentu na altura di un establesimentu di hóreka na altura di Kaya Grandi. Den presensia di polis, un di e personanan enbolbí a heridá e otro ku un bòter. Pa e motibu aki a pidi asistensia di ambulans na e sitio i a detené ámbos sospechoso. A transportá e sospechoso heridá pa hòspital pa tratamentu médiko. A detené e hòmber di inisial G.F.G.G. di 47 aña di edat pa maltrato ku un arma i un hòmber di inisial F.P. di 49 aña di edat pa menasa i violashon di Lei di Arma BES. A konfiská un arma blanku (stanley mes) tambe na e sitio. Investigashon den e kaso ta kontinuá.

Bringamentu ta kondusí na detenshon

Djabièrnè 10 di aprel, alrededor di 7 or di anochi, un agente na sivil a mira dos persona tras di otro riba Kaya Marcela di kua unu tabatin un bate den su man. Na dado momentu un di e personanan a maltratá e otro ku e bate. E agente na sivil a logra entremeté i kita ámbos persona for di otro. Ademas e agente a konfiská e bate pa mas investigashon.

Mientrastantu e agente a kuminsá duna asistensia na e persona heridá mientras tabata warda riba asistensia di ambulans. Aki a ripará ku un di e personanan a regresá ku baranka den man i a dirigí esaki na dos okashon den direkshon di e agente i e persona heridá. Dado momentu e agente a hañ’é obligá di saka su arma reglamentario i lòs un tiru di atvertensia. Aki a detené e hòmber di inisial F.G.W. di 27 aña di edat pa maltrato ku un arma i maltrato severo. E agente na sivil tambe a entregá keho di intento di maltrato ku un arma. Investigashon den e kaso ta kontinuá.

Ladronisia di ‘fatbike’ 

Djabièrnè 10 di aprel a drenta keho di ladronisia di un baiskel eléktriko (fatbike) di e marka EB2 PRO. Deskonosínan a bai ku e baiskel ku tabata stashoná ku lòk di kadena den Kaya Grandi. Ta investigando e kaso.

Detenshon violashon Lei di Opio

En konekshon ku un investigashon andando, djamars 7 di aprel, alrededor di 11 or di mainta, a detené un hòmber di inisial J.J.O.A. di 24 aña di edat na altura di Plaza Reina Wilhelmina pa Violashon di Lei di Opio BES. Investigashon den e kaso ta kontinuá.

FUENTE: KPCN/LIVE99FM

NEDERLANDS:

POLITIEBERICHTEN VAN VRIJDAG 10 APRIL TOT EN MET MAANDAG 13 APRIL 2026

Politie blijft optreden tegen illegaal straatracen

In de middaguren van zondag 12 april heeft de politie opgetreden tegen illegaal straatracen en feveren dat tijdens het weekend plaatsvindt op de Kaminda di Sorobon. Hoewel algemeen bekend is dat dit soort activiteiten op de openbare weg illegaal zijn, kiest een groot publiek, waaronder ouders, jongeren en minderjarigen tot aan baby’s toe er toch voor om hierbij aanwezig te zijn en eraan deel te nemen.

Om de veiligheid van iedereen te waarborgen, was de politie preventief ter plaatse. Door deze actie is voorkomen dat de illegale activiteiten konden voortgaan.

De politie benadrukt dat illegale races en feveren op de openbare weg grote risico’s met zich meebrengen voor de deelnemers, de omstanders en de overige weggebruikers. De politie blijft alert op signalen van dit soort activiteiten om de veiligheid op de openbare weg te garanderen. Ziet u een gevaarlijke situatie of voorbereidingen voor illegale races? Meld dit dan direct bij de centrale meldkamer via 911.

Aanhoudingen voor rijden onder invloed van alcohol

In het afgelopen weekend heeft de politie twee (2) bestuurders aangehouden voor het rijden onder invloed van alcohol.

Op zondag 12 april, rond 13:40 uur, werd een 60-jarige man met de initialen A.N. aangehouden op de Kaya Maria. De verdachte was betrokken bij een aanrijding met alleen materiële schade. Conform het ‘botsen is blazen’ beleid werd een blaastest afgenomen, waaruit bleek dat de verdachte meer alcohol had genuttigd dan wettelijk is toegestaan. Hij kreeg een rijverbod van 5 uur opgelegd. De verdachte werd overgebracht naar het politiebureau voor verdere afhandeling. Aldaar is tevens een proces-verbaal tegen hem opgemaakt.

Op zondag 12 april, rond 11:15 uur, kreeg de centrale meldkamer melding van een aanrijding met letsel op de Kaya Para Mira. Bij aankomst van de politie bleek het te gaan om een aanrijding tussen een bestelbus en een crossmotor. De bestuurder van de crossmotor raakte gewond en werd met de ambulance naar het ziekenhuis gebracht voor medische behandeling. Conform het ‘botsen is blazen’ beleid werd bij de bestuurder van de bestelbus een blaastest afgenomen. Deze test gaf een indicatie van alcoholgebruik. Uit een ademanalyse op het politiebureau bleek echter dat de verdachte niet meer had gedronken dan de wettelijk toegestane limiet. Hij is daarop in vrijheid gesteld.

Geplande verkeerscontrole

In de nachtelijke uren van zondag 12 april werd een verkeerscontrole gehouden op de weg tussen Rincon en Playa. De controle was gericht op de verkeersveiligheid, met de nadruk op het bezit van een geldig rijbewijs en een geldige verzekering. Daarnaast werden politievoertuigen preventief op strategische punten opgesteld en werd er gepatrouilleerd op de genoemde weg. Dit was bedoeld om bestuurders bewust te maken van hun snelheid en rijgedrag na afloop van een evenement in Rincon.

Er zijn dertien (13) voertuigen gecontroleerd, waarbij alle documenten in orde bleken te zijn. Er deden zich verder geen bijzonderheden voor. De verkeerscontroles worden voortgezet!

Preventief fouilleeractie

In het kader van een bevel tot preventief fouilleren door de hoofdofficier van justitie van het Openbaar Ministerie op basis van de Vuurwapenwet BES, heeft het Korps Politie Caribisch Nederland (KPCN) controles uitgevoerd in de periode van 8 tot en met 11 april 2026. Tijdens deze actie zijn zowel personen als voertuigen gecontroleerd. Er zijn diverse locaties en horecagelegenheden bezocht. De controles vonden onder andere plaats in Tera Kòrá, Nikiboko, Playa, Antriol, Nort’i Saliña en Rincon.

Tijdens de actie zijn vermoedelijke verdovende middelen in beslag genomen en/of vernietigd. Daarnaast hebben verschillende bestuurders een waarschuwing gekregen omdat zij voorwerpen in hun voertuig hadden die als wapen gebruikt kunnen worden.

Preventieve fouillering

De hoofdofficier van justitie machtigt de politie tot preventieve fouillering. Dit betekent dat iedereen in aangewezen veiligheidsrisicogebieden kan worden gefouilleerd zonder dat daarvoor een concrete verdenking of aanwijzing nodig is.

De politie rekent op uw medewerking. Wie weigert mee te werken aan een preventieve fouillering, loopt het risico te worden aangehouden.

Vechtpartij met gewonde en twee aanhoudingen

Op zaterdag 11 april, rond 01:15 uur, merkte een patrouille een vechtpartij bij een horecagelegenheid aan de Kaya Grandi. In aanwezigheid van de politie verwondde een van de betrokkenen de ander met een fles. Om die reden werd ter plaatse ook assistentie van een ambulance gevraagd en zijn beide verdachten aangehouden. De gewonde verdachte werd voor medische behandeling naar het ziekenhuis gebracht. Een 47-jarige man met de initialen G.F.G.G. werd aangehouden voor mishandeling met een wapen, en een 49-jarige man met de initialen F.P. voor bedreiging en overtreding van de Wapenwet BES. Er werd tevens een steekwapen (stanleymes) ter plaatse in beslag genomen. Het onderzoek in deze zaak loopt.

Vechtpartij leidt tot aanhouding

Op vrijdag 10 april, rond 19:00 uur, zag een agent in burger twee personen achter elkaar aan rennen op de Kaya Marcela, van wie één een honkbalknuppel in zijn hand had. Op een gegeven moment mishandelde een van de personen de ander met de knuppel. De agent in burger wist tussenbeide te komen en beide personen te scheiden. Daarnaast nam de agent de knuppel in beslag voor verder onderzoek.

Terwijl de agent eerste hulp verleende aan het slachtoffer in afwachting van de ambulance, keerde een van de betrokkenen terug met een grote steen in zijn hand. Hij gooide deze tot twee keer toe in de richting van de agent en het slachtoffer. De agent zag zich hierdoor genoodzaakt zijn dienstwapen te trekken en een waarschuwingsschot te lossen. Hierop werd de 27-jarige man met de initialen F.G.W. aangehouden voor mishandeling met een wapen en zware mishandeling. De agent in burger heeft tevens aangifte gedaan van poging tot zware mishandeling. Het onderzoek in deze zaak loopt.

Diefstal van fatbike

Op vrijdag 10 april werd aangifte gedaan van diefstal van een elektrische fiets (fatbike) van het merk EB2 PRO. Onbekenden hebben de fiets weggenomen terwijl deze met een kettingslot geparkeerd stond aan de Kaya Grandi. De zaak wordt onderzocht.

Aanhouding voor overtreding Opiumwet

In verband met een lopend onderzoek werd op dinsdag 7 april, rond 11:00 uur, een 24-jarige man met de initialen J.J.O.A. aangehouden ter hoogte van het Wilhelminaplein. De aanhouding vond plaats voor overtreding van de Opiumwet BES. Het onderzoek in deze zaak loopt.