PREOKUPASHON KRESIENTE TOKANTE FUTURO DI SEKTOR TURÍSTIKO NA BONEIRU

Kralendijk,- Daisy Coffie, lider polítiko di M21 i miembro di Konseho Insular di Boneiru, resientemente a partisipá na e Bonaire Tourism Summit ku Tourism Corporation Bonaire (TCB) a organisá.

Tokante esaki Coffie ta bisa: ‘Mi a keda impreshoná pa e informashon i e plannan ku TCB a presentá pa e periodo di 2024-2027 i mi a tuma tempu pa haña konosementu mas profunfo di e desaroyonan den nos turismo, i en partikular di e invershonnan ku ta nesesario pa realisá e plannan akí.’ Komo representante di pueblo boneriano den Konseho Insular, Coffie ta pone énfasis riba importansia di un ròl klarito di gobièrnu ora ku mester fasilitá e medionan nesesario i ofresé e intrumentonan adekuá pa e diferente sektornan ekonómiko, entre otro turismo. ‘Ta esensial ku gobièrnu ta hunga un ròl aktivo i di sosten den kreashon di un klima ekonómiko duradero i sosial inklusivo na Boneiru’, segun Daisy Coffie di M21.

Mas invershon

Segun konsehal Coffie, un ehèmpel di esaki ta e presupuesto di Tourism Corporation Bonaire: ‘Esaki pa hopi aña kaba a keda meskos, no opstante oumento di e kompetensia i e desafionan ku nos sektor turístiko ta konfrontando. Mi ta enfatisá ku mas invershon den turismo ta di importansia krusial pa fortifiká Boneiru su posishon di kompetensia i pa por ehekutá TCB su plannan stratégiko eksitosamente. Sin medionan adishonal Boneiru ta kore riesgo di keda tras kompará ku otro regionnan, loke por tin un impakto negativo riba kresementu di nos ekonomia.’ Banda di esaki e polítiko di M21 ta mustra riba e investigashon di impakto ekonómiko ku resientemente CBS a publiká, kaminda nan ta tira lus riba e impakto ku turismo tin riba Boneiru su PIB (produkto interno bruto). ‘For di e investigashon ta resultá ku turismo ta direktamente responsabel pa 40% di ekonomia boneriano, i esaki ta hasi turismo e wesu di lomba di nos isla. E informashon akí ta rekerí mas diskushon i diálogo, prinsipalmente tokante e preokupashonnan ku a lanta kabes den e sektor’, segun Daisy Coffie.

Kresementu balansá

Ku bista riba futuro, Coffie ta enfatisá ku tin nesesidat urgente di mas transparensia i un vishon klarito riba desaroyo di nos turismo: ‘Aunke nan a presentá diferente plan stratégiko, ta keda eksistí insiguridat tokante ehekushon di esakinan i tokante e strategia di invershon. Ta importante pa gobièrnu trata huntu ku sektor privá pa fortifiká boneiru su posishon di kompetensia i sòru pa un kresementu balansá ku ta na bienestar di henter nos komunidat.’

Mas kòmbersashon

Finalisando konsehal Daisy Coffie ta bisa: ‘Mi ta spera ku riba término kòrtiku mas kòmbersashon por tuma lugá tokante e tópikonan akí, di manera ku Boneiru no ta keda solamente atraktivo komo destinashon turístiko, pero tambe ekonómikamente resiliente pa futuro.’  

FUENTE: DAISY COFFIE M21/LIVE99FM

NEDERLANDS:

GROEIENDE ZORGEN OVER TOEKOMST TOERISTISCHE SECTOR OP BONAIRE

Kralendijk,- Daisy Coffie, politiek leider van M21 en lid van de eilandsraad van Bonaire, heeft onlangs deelgenomen aan de Bonaire Tourism Summit georganiseerd door Tourism Corporation Bonaire (TCB). Hierover zegt Coffie:

‘Ik ben onder de indruk van de informatie en de plannen die TCB heeft gepresenteerd voor de periode 2024-2027 en ik heb de tijd genomen om een dieper begrip te krijgen van de ontwikkelingen in het toerisme, en in het bijzonder van de investeringen die nodig zijn om deze plannen te realiseren.’

Als vertegenwoordiger van het Bonairiaanse volk in de eilandsraad, benadrukt Coffie het belang van een duidelijke rol van de overheid bij het faciliteren van de benodigde middelen en het bieden van de juiste instrumenten voor de verschillende economische sectoren, waaronder het toerisme.

‘Het is essentieel dat de overheid een actieve en ondersteunende rol speelt in het creëren van een duurzaam en sociaal-inclusief economisch klimaat op Bonaire’, aldus Daisy Coffie van M21.

Meer investeringen

Volgens raadslid Coffie is een voorbeeld hiervan het budget van Tourism Corporation Bonaire:

‘Dit is al jaren hetzelfde gebleven, ondanks de toenemende concurrentie en uitdagingen waarmee de toeristische sector wordt geconfronteerd.

Ik leg er de nadruk op dat meer investeringen in toerisme van cruciaal belang zijn om Bonaire’s concurrentiepositie te versterken en de strategische plannen van TCB succesvol te kunnen uitvoeren. Zonder extra middelen loopt Bonaire het risico achter te blijven in vergelijking met andere regio’s, wat een negatieve impact kan hebben op de groei van onze economie.

’ Daarnaast wijst de M21-politica op het recent gepubliceerde economisch impactonderzoek van het CBS, waarin de impact van het toerisme op het BBP van Bonaire werd belicht.

‘Uit het onderzoek blijkt dat toerisme direct verantwoordelijk is voor 40% van de Bonairiaanse economie, wat het tot de ruggengraat van ons eiland maakt. Dit gegeven vereist verdere discussie en dialoog, vooral over de zorgen die in de sector zijn gerezen’, aldus Daisy Coffie

Evenwichtige groei

Met een blik op de toekomst benadrukt Coffie dat er dringend behoefte is aan meer transparantie en een duidelijke visie op de ontwikkeling van het toerisme: ‘Hoewel er verschillende strategische plannen zijn gepresenteerd, blijft er onzekerheid bestaan over de uitvoering ervan en de investeringsstrategie. Het is belangrijk dat de overheid samen met de private sector werkt om Bonaire’s concurrentiepositie te versterken en te zorgen voor een evenwichtige groei die ten goede komt aan de hele gemeenschap.’

Verdere gesprekken

Afsluitend zegt raadslid Daisy Coffie: ‘Ik hoop dat er op korte termijn verdere gesprekken kunnen plaatsvinden over deze onderwerpen, zodat Bonaire niet alleen aantrekkelijk blijft als toeristische bestemming, maar ook economisch veerkrachtig blijft voor de toekomst.’