E KRACHI SIN KONSENSHI        

Kralendijk,- Sin alma i kurason a bini ku e idea pa hasi nos chambòn ma Julio bo ta loko i bo krachinan ta torto.

Esaki ta kuminsamentu di e kantika di Partido Progresista Boneriano Uní ku tabata zona den fin di añanan sinkuenta kuminsamentu di añanan sesenta durante kampaña.

Un Ta un aña ku Demokrat i dos eks MPB ta na mando.i tur kos ta pará ketu. Bonaire tin un diputado ku a bai Bruselas sin a pone pueblo na altura kiko ta meta di e biahe.

Esaki ta muestra di outokrasia i ningun hende no tin nada di bisa. Interes personal i nada di interes general.Ta un asuntu serio e kos aki ta.

Mi pregunta ta, unda e krachinan ta, pa kuestioná e violashon di nan bunita idea ku nan partido ta sosial, ta transparente, ta duna informashon korekto i partisipashon na pueblo.

Si un miembro di Kolegio Ehekutivo ta hasi i deshasí i Konseho Insular ta keda ketu, spesial e tres krachinan, anto no por papia otro ku ta diktadura.

Esaki ta nada otro ku miedu sin tuma e desishon korekto ku ta manda e diputado kas. Maneho di e isla no por ta den man di un persona i otro ta tapa kos, elogiá diputado i sigui hunga bunita. Ta responsabilidat tambe di konsehalnan Coffie i Vlijt pa abiertamente kuestioná bagamunderia di e diputado ku nan ta sostené.

Yanüari 2025 mester ta konosí ken ta bira representante di Bonaire na Den Haag. E persona no por ta kompinchi di e koalishon aki. Mi tin tres faborito pa e puesto aki.

Number unu ta Nina, number dos ta Edison Rijna i number tres ta Kjeld Kroon. Sigur personanan hóben i kapas ku ta komprondé Den Haag su burokrasia i ta skucha di esnan ku tin bon nòmber na Den Haag. Tin basta ku papia sin hasi i keda mata demokrasia.

FUENTE:ARTHUR SEALY/LIVE99FM