E MIEMBRONAN DI KONSEHO INSULAR KU A BAI SINT MAARTEN I SINT EUSTATIUS TA, SEGUN NAN RELATO, MASHÁ KONTENTU KU LOKE A PALABRA I LOGRA.

Kralendijk,- E relato ta mashá slòns hinká den otro. Ta papia di mira bèk na kuminsamentu i wak bèk na final.Ta skirbi biahe di trabou di Konseho Insular na lugá di miembronan di Konseho Insular.

Ta skirbi ku e delegashon a kuminsá nan biahe na lugá di, e delegashon a kuminsá su biahe. Awor ta na unda e biahe a kuminsá na Bonaire òf na Sint Maarten.

A skirbi ku tabatin un seri di bishita i reunionnan formal. Nunka ta skirbi e kantidat di bishita sea formal òf no formal ku ken i kiko a palabrá. Tabatin tambe diferente  aktividatnan. Mester skirbi; tabatin diferente aktividat. A para ketu na e kultura, historia i koperashon den Reino.

E frase aki ta korkobá. Kiko ta resultado niun hende no sa. Otro frase bunita; E presensia di Konseho Insular a hasi énfasis riba e importansia di bon relashonnan i interkambio entre e islanan den Karibe. Konseho Insular no tabata na Sint Maarten, kiko mester skirbi, hasi énfasis riba òf enfatisá, Ta straño ku ta skirbi e importansia na lugá di importansia.

Ta kuantu relashon bon miembronan di Konseho Insular ke i ki tipo di interkambio ku kua isla den Karibe. Na Sint Eustatius lo a hasi pregunta mas profundo den enkuentro ku CFT. Kua ta e preguntanan mas profundo, niun hende no sa.

Despues di e bishitanan na Sint Maarten i Sint Eustatius ta konkluí ku tabata un biahe di trabou eksitoso, pero no tin spesifikashon kiko tabata eksitoso. E siguiente biahenan eksitoso ta dia 4 òf 5 dezèmber  pa “Saba Day” i dia 12 di dezèmber biaha pa Hulanda.

Ki ta bai hasi no ta konosí. No lubidá di kumpra “winterjas”, ”laars”, “sjaal”, “wanten” i “geitenwollen sokken”. Dezèmber ta friu.Ta oportunidatnan di oro pa biaha i yena pòtmòni.

FUENTE: ARTHUR SEALY/LIVE99FM