REGATA 59 A KOMBERTÍ BONAIRE DEN UN TEATRO DEN AIRU LIBER MANERA COLLOSEUM DEN TEMPU DI EMPERADORNAN ROMANO.

Kralendijk,- E mihó sitionan tabata pa esnan amigu i konosí di emperador pa mira kon leonnan tabata habraká e katibunan. Meskos ku na Roma Bonaire a konosé un persona komparabel ku Spartacus ku tabata lider di e rebelion di katibunan. Loke a pasa na Bonaire tin su istoria den desaroyo di Bonaire ku ta dependensia i tur boneriano sa esei pero no ke lucha pa kambia esei. Aruba i Kòrsou a desaroyá bai laga Bonaire. Den konstelashon Antiano Bonaire tabata dependé di Kòrsou i te awe e dependensia ei ta eksistí. Awor Bonaire ta dependé di Hulanda. Den e mundu digital, global Bonaire no tin sufisiente hende kapas pa ehekutá sierto trabou ni pa okupá sierto funshon. Mi no ta mira ningun klase di esfuerso pa duna prioridat na enseñansa na nivel altu na Bonaire. E polítika di trese bonerianonan ku a studia den eksterior ta pa konsumo polítika. Kua boneriano riba nivel universitario ku trabou na Europa ta bini Bonaire pa traha bou di maneho di hefenan sin e grado altu ei. Bonaire mester pidi Hulanda ku ta manehá enseñansa pa sinta na mesa i kuminsá ku enseñansa mas altu na Bonaire. Si no pone e desaroyo aki na promé lugá, mediokresidat ta bira e norma na Bonaire. Dependensia ta keda eksistí na Bonaire. Esaki ta bai bira visibel den elekshon ora partidonan kuminsá parti  i primintí kos. Otro aña e mes kansion ku Regata pa kunsumí un biaha mas. Festival di Regata ta di e leonnan di Bonaire i no di otro isla.

FUENTE: ARTHUR SEALY