01 SEPTEMBER 2026 HABITAT BONAIRE TA SELEBRÁ SU DI 50 ANNIVERSARIO.

Kralendijk,-Fundá na 1976 pa Captain Don Stewart, konosí mundialmente komo  “ e Legendario di Buseo,” Habitat Bonaire a hunga un papel pionero den establesé Boneiru komo un di e destinashonnan di buseo mas renombra na mundu. Don Stewart tabata pionero no solamente den buseo, sino tambe den konservashon di e medio ambiente marino. Entre su inisiativanan tabata prohibí uso di harpun i  Don a instalá e promé sistema permanente di mooringnan pa yuda protehá e rifnan di koral di Boneiru.

Su visión pa hasi  buseo aksesibel i responsabel ta sigui ta parti di Habitat Bonaire te ku e dia di awe. Huespednan por sigui disfrutá di e libertat di buseo direktamente for di e rif dilanti di Habitat, ku akseso 24 ora pa sambuya durante dia i anochi.

Durante e último  sinko década, Habitat Bonaire a transformá di un operashon pionero di buseo pa bira un resort mas amplio, sin pèrdè e buseo i naturalesa komo e kurason di e eksperensia di e huesped. Awe, e resort ta ofresé akomodashon moderno, dos piscina di awa dushi, restorant i bar Rum Runners ,Pizza Temple, buseo di boto, servisio di buseo technico, snorkel, Nitrox, Wi-Fi , Vista Blue Shop i 2  sala di konferensia.

E naturalesa ku ta rondona e resort ta sigui di ta un parti importante di e eksperensia. Huespednan por mira yuana, i mas ku 50 diversividat di para i un gran variedat di mata i palunan nativo .

Aunke Habitat Bonaire semper a wordu rekonosé komo un Hotel pa buseadó , e resort ta pone enfoke tambe riba famianan, parehanan, huespednan ,amantenan di naturalesa, di aventureronan i bishitantenan ku ke eksperensiá Boneiru mas ayá ku solamente buseo .

Kiko nos por spera e proximo 50 Aña

Mientras Habitat Bonaire ta selebrá su historia, e Resort ta mira tambe pa futuro. Awor e enfonke ta tambe riba otro  merkadonan ku ta ensera turistanan ku ta bini pa relaga  .

“Sinkuenta aña ta un logro extraordinario, pero pa nos tambe ta un momento pa mira pa dilanti,” Claire Sealy, Director di Habitat Bonaire ta bisa. “Captain Don a krea un lugá kaminda hende por eksperensiá e rifnan di Boneiru di un manera aksesibel, respetuoso i inolvidabel. Nos ke sigui ku e espíritu ei, mientras nos ta introdusí Habitat Bonaire na un públiko ainda mas grandi.”

Un Kapítulo Nobo ku Best Western Signature Collection

Komó parti di e próximo kapítulo aki, riba 26 di ougùstùs 2026, Habitat Bonaire a haña ofisialmente e afiliashon di Signature Collection,ku ta forma parti di e famia di Best Western Hotels & Resorts.

E paso aki ta destiná pa amplia mas e horizonte pa Habitat Bonaire, konektando e resort ku un plataforma internashonal di hospitalidat mas grandi i habri porta pa merkadonan nobo pa bishitantenan ku kier relaga i ke ta mas konekta ku naturalesa.

Komo parti di e famia ;Best Western ta duna Habitat Bonaire akseso na un red amplio pa biaheronan i miembronan fiel di Best Western, ku ta biba i biaha tur parti di mundu. Esaki ta habri oportunidatnan nobo pa presentá Boneiru i e kombinashon úniko di buseo, naturalesa,e hospitalidat karibeño di Habitat Bonaire na huespednan ku talves nunka promé a konsiderá eresort komo un destino pa nan vakashon.

E afiliashon tambe ta sostené e meta di Habitat Bonaire pa amplia su públiko mas ayá di e buseadónan tradicional, mientras ta mantené e karakter, historia i espíritu independiente ku a definí e resort durante 50 aña.

“Nos futuro ta tokante amplia nos horizonte sin pèrdè nos identidat,” Sealy a agregá. “Nos ta orguyoso di nos historia, orguyoso di nos konekshon ku Boneiru, i entusiasmá ku e oportunidatnan ku e relashon nobo aki por trese mientras nos ta kuminsá e próksimo 50 aña.”

FUENTE: CLAIRE SEALY – HABITAT BONAIRE/LIVE99FM