INVITASHON SELEBRASHON SIMADAN DI PASTÓ 2026

Kralendijk,- Djaluna Dos Dia di Pasku di Resurekshon dia 06 di aprel 2026 Parokia San Luis Beltran ta selebra e kustumber Simadan di Pastó.

E dia ta kuminsá ku un Santa Eukaristia pa 9or di mainta. Despues di misa ta kuminsá bende kuminda i diferente kos di kome i bebe.

E simadan ta di sali Sor di atardi for di Plenchi Nolly Celestijn pariba di misa bai suit i ta pasa den kayanan Rincon.

Despues di yegada di simadan na misa e selebrashon ta sigui ku presentashon di diferente grupo musikal. Lo tin diferente stént i aktividatnan.

Pader Baak ta invita pueblo di Boneiru pa bin selebra huntu ku parokia di Rincon Simadan di Pastó 2026. Kuminsando for di mainta ku Santa Eukaristia gradisiendo Dios pa tur kosecha risibi riba tur áreanan di bida, kosecha di kunuku, trabou, familiar i spiritual.

I den oranan di atardi ku anochi por bin wapa simadan riba ritmo di nos agrupashonnan musikal.

Pader Baak ta konbidá tur grupo di folklor pa bin engrandesé e simadan den kayanan di Rincon.

Gruponan di folklor ku kier partisipa por tuma kontakto ku sra. Dorothy Cicilia na telefon 7969046. Simadan di Pastó tin komo meta pa rekouda fondo pa mantenshon di e edifisio di parokia di Rincon i tur ku kier kopera por hasi esaki. Por tuma kontakto ku sra. Dorothy Cicilia (tel. 7969046), sra. Ada Albertus ( tel. 796 4919) i sra. Jessie Crestian ( tel. 00599 9 565 0587. Sra. Julia Pourier (tel. 795 8893) E aña aki simadan di Pastó ta dediká na sra. Mevada (Ada) Albertus.

Deseando un i tur un bon Pasku di Resurekshon. Hesus Resusitá bendishoná un i tur!

Programa Simadan di Pastó 06 di aprel 2026

09:00or Santa Eukaristia

10:30or Koffiemorgen

12:00or Bendementu di Kuminda

12:00or -17:00 Diferente aktividat

17:000r Parada di Simadan ta sali for di Plenchi Nolly Celestijn pasa den kayanan di Rincon

19:00or Presentashon di Bandanan

23:00or Klousura

FUENTE: PADER ALPHONSUS BAAK