EKSITOSO KICK-OFF DI MESA DI KLIMA BONEIRU: NOS ISLA, NOS RESPONSABILIDAT.

Kralendijk,- Riba djaweps 20 di febrüari 2025 lansamentu ofisial di Mesa di Klima Boneiru a tuma lugá durante un konferensia di kick-off bon bishitá den Corallium Hotel & Villa’s.

Entre e presentenan tabata gezaghèber John Soliano, diputado Anjelica Cicilia, diputado Nina den Heyer i miembronan di Konseho Insular. Enfoke di e enkuentro, ku a tuma lugá di 18:00 or pa 20:00 or, tabata pa krea konsientisashon tokante e konsekuensianan di kambio di klima pa Boneiru.

Mesa di Klima Boneiru ta trese habitantenan, empresanan, organisashonnan sosial i gobièrnu huntu pa pensa solushon pa e desafionan di kambio di klima ku ta oumentando.

Durante e enkuentro e presentenan a haña informashon tokante e efektonan internashonal, regional i lokal di kambio di klima i nan a haña oportunidat pa yuda pensa aktivamente tokante Boneiru su futuro.

Un programa fasinante ku orador inspirativo

E programa a kuminsá ku un mensahe di video di e Enviado di Klima sr Jaime de Bourbon de Parme. Despues a sigui un palabra di bon biní i un splikashon di e proseso di Mesa di Klima Boneiru, di parti di e presidente sr Reynolds (Nolly) Oleana. Seguidamente e oradornan invitá, entre otro e Hefe di Meteorologia Operashonal sra Pédzi V.J. Girigori di Servisio Meteorológiko Kòrsou, i e representante di hóben sr Anthony E. Sion Janga a kompartí konosementu tokante e impakto di kambio di klima i e ròl di nos komunidat den hañamentu di solushon.

Un di e puntonan kulminante di e anochi tabata e seshon interaktivo ‘Soña tokante Boneiru 2050’, kaminda a invitá e presentenan pa kompartí nan vishon riba un Boneiru resiliente pa klima. Banda di esaki sr Arxen Alders, mènedjer di ‘Governance & Sustainability’ na Grant Thornton Bonaire, a tene un presentashon tokante e konsekuensianan di kambio di klima pa Boneiru. Esaki a keda komplementá ku un presentashon tokante inisiativanan ku ta andando na Boneiru, di parti di sr Maurice Adriaens, kende ta entre otro kordinadó di klima na Entidat Públiko Boneiru.

Kompetensia di lema pa skol

Den preparashon pa e kick-off a organisá un kompetensia di lema entre e skolnan na Boneiru. A reta e alumnonan pa pensa un lema koutivante ku ta reflehá mishon di Mesa di Klima Boneiru. SGB, skol básiko De Pelikaan i skol básiko Aquamarin a manda nan proposishonnan aden.

Finalmente nan a saka skol básiko De Pelikaan komo ganadó ku e lema: ‘Nos isla, nos responsabilidat’. E lema ta reflehá e responsabilidat kompartí di henter nos komunidat pa kontribuí na un Boneiru resiliente pa klima. Dentro di poko e skol ku a gana ta risibí su premio komo rekonosimentu pa su aporte na konsientisashon relashoná ku kambio di klima.

Planta un palu, hasi Boneiru mas bèrdè

A sera e anochi ku un palabra final di parti di diputado Anjelica Cicilia, den kua el a suprayá ku komo komunidat nos tin ku traha huntu pa atendé ku e desafionan di kambio di klima. Seguidamente e presentenan a haña un palu chikitu di fruta endémiko protehá, esta un palu di taki, pa bai planta na kas i di e manera ei kontribuí na un Boneiru mas bèrdè.

E Grupo di Proyekto Mesa di Klima Boneiru a invitá tur hende pa partisipá na e futuro kòmbersashonnan di mesa di klima i traha konhuntamente pa logra un Boneiru resiliente pa klima.

Mas informashon:

Pa pregunta i informashon adishonal, bo por manda un imeil na info@klimaattafel-bonaire.com.

FUENTE: OLB/LIVE99FM

NEDERLANDS:

SUCCESVOLLE KICK-OFF KLIMAATTAFEL BONAIRE: ONS EILAND, ONZE VERANTWOORDELIJKHEID

Kralendijk,- Op donderdag 20 februari 2025 vond de officiële aftrap plaats van de Klimaattafel Bonaire tijdens een drukbezochte kick-offconferentie in het Corallium Hotel & Villa’s.

Onder de aanwezigen waren Gezaghebber John Soliano, Gedeputeerde Anjelica Cicilia, Gedeputeerde Nina den Heyer en leden van de Eilandsraad. De bijeenkomst, die plaatsvond van 18:00-20:00, was erop gericht om bewustwording te creëren over de gevolgen van klimaatverandering voor Bonaire.

De Klimaattafel Bonaire brengt inwoners, bedrijven, maatschappelijke organisaties en de overheid bij elkaar om oplossingen te bedenken voor de toenemende uitdagingen van klimaatverandering. Tijdens de bijeenkomst werden aanwezigen geïnformeerd over zowel de internationale, regionale, en lokale effecten van klimaatverandering en kregen zij de kans om actief mee te denken over de toekomst van Bonaire. 

Een boeiend programma met inspirerende sprekers

Het programma startte met een videoboodschap van de Klimaatgezant dhr. Jaime de Bourbon de Parme. Dit werd gevolgd door een welkomstwoord en toelichting op het proces van de Klimaattafel Bonaire door de voorzitter, dhr. Reynolds (Nolly) Oleana.

Vervolgens deelden gastsprekers, waaronder Hoofd Operationele Meterologie mw. Pédzi V.J. Girigori van de Meteorologische Dienst Curaçao en jongeren vertegenwoordiger dhr. Anthony E. Sion Janga, inzichten over de impact van klimaatverandering en de rol van de gemeenschap in het vinden van oplossingen.

Een van de hoogtepunten van de avond was de interactieve sessie “Dromen over Bonaire 2050”, waarin aanwezigen werden uitgenodigd om hun visie op een klimaatbestendig Bonaire te delen. Daarnaast presenteerde dhr. Arxen Alders, manager Governance & Sustainability bij Grant Thornton Bonaire, over de gevolgen van klimaatverandering voor Bonaire. Dit werd aangevuld met een presentatie over lopende initiatieven op Bonaire door dhr. Maurice Adriaens, onder andere klimaatcoördinator bij het Openbaar Lichaam Bonaire.

Sloganwedstrijd voor scholen

In aanloop naar de kick-off werd onder de scholen op Bonaire een sloganwedstrijd georganiseerd. Leerlingen werden uitgedaagd om een pakkende slogan te bedenken die de missie van de Klimaattafel Bonaire weerspiegelt. De Scholengemeenschap Bonaire, basisschool

De Pelikaan en basisschool Aquamarin dienden inzendingen in. Uiteindelijk werd basisschool De Pelikaan uitgeroepen tot winnaar met de slogan: “Ons eiland, onze verantwoordelijkheid”. De slogan weerspiegelt de gedeelde verantwoordelijkheid van de gehele gemeenschap om bij te dragen aan een klimaatbestendig Bonaire.

De winnende school ontvangt binnenkort haar prijs als erkenning voor de bijdrage aan de bewustwording rond klimaatverandering.

Plant een boom, maak Bonaire groener

De avond werd afgesloten met een slotwoord door Gedeputeerde Anjelica Cicilia, waarin zij onderstreepte dat we als gemeenschap moeten samenwerken om de uitdagingen van klimaatverandering aan te pakken. Vervolgens kregen de aanwezigen een beschermd inheems fruitboompje, een palu di taki, mee om thuis te planten en zo bij te dragen aan een groener Bonaire.

De Projectgroep Klimaattafel Bonaire nodigde iedereen uit om deel te nemen aan de toekomstige klimaattafelgesprekken en gezamenlijk te werken aan een klimaatbestendig Bonaire.

Meer informatie:

Voor vragen en aanvullende informatie kunt u een email sturen naar info@klimaattafel-bonaire.com.