INISIO EKSITOSO DI KAMPAÑA DI KONSIENTISASHON TOKANTE HIV

Kralendijk, – Den kolaborashon ku SOA-Aids Hulanda, e poliklínika pa malesa di infekshon di Fundashon Mariadal a hiba un kampaña eksitoso di konsientisashon rònt di HIV. E kampaña tabatin komo meta pa engrandesé konosementu, oumentá e kantidat di tèst di HIV i redusí stigma i diskriminashon kontra hende ku ta biba ku HIV.

E último simannan tabata den signo di vários aktividat, entre otro:

• Un dia habrí ku informashon tokante HIV, tèstmentu, konseho i tratamentu.
• Konferensia di HIV ku ekspertonan for di Aruba, Kòrsou i Hulanda. A enfatisá e importansia di kolaborashon entre e islanan. E testimonio sinsero di un persona ku ta biba ku HIV a sòru pa un momentu fuerte di konsientisashon.
• Un kaminata inspirativo di konsientisashon ku enbolbimentu grandi di públiko.

Sentral tabata N=N

N=N ta para pa: No detektabel = No transmisibel. Esaki ta nifiká ku un hende ku HIV, ku ta sigui e tratamentu korektamente, tin un kantidat asina abou di e vírùs den su sanger, ku esaki no ta detektabel. Pa e motibu akí no por transmití e vírùs via kontakto seksual. Vários estudio médiko rònt mundu a proba esaki.

Meta di e kampaña

• Hasi mas tèst di HIV. Nos ta hasi un yamada riba tur hende pa bai hasi tèst pa nan sa nan státùs di HIV. Tèstmentu por skapa bida di hende.
• Stimulá kuido médiko. Nos ta enkurashá hende ku ta biba ku HIV pa buska kuido i kumpli ku nan tratamentu.
• Redusí stigma. Pa medio di informashon i konsientisashon nos ke kibra e stigma i diskriminashon rònt di HIV.

Kon ta sigui awor?

Awor numa nos ta na kuminsamentu. Den aña 2025 nos ta sigui amplia e kampaña, ku atenshon èkstra pa enbolbimentu di komunidat i hóbennan. Nos ta hasi un yamada riba tur hende pa traha huntu pa logra un Boneiru mas salú, kaminda no tin lugá pa stigma. Nos ke gradisí tur empresa tambe ku a sostené e kampaña akí. Boso aporte ta hasi e diferensia!

Partisipá!

• Bai hasi tèst
• Papia tokante esaki
• Kompartí e mensahe ku otronan

Huntu nos ta traha pa logra un Boneiru mas salú.

FUENTE: MARIADAL/LIVE99FM

NEDERLANDS:

SUCCESVOLLE START BEWUSTWORDINGSCAMPAGNE HIV

Kralendijk, -De polikliniek voor infectieziekten van Fundashon Mariadal heeft, in samenwerking met SOA-Aids Nederland, een succesvolle bewustwordings-campagne gevoerd rondom HIV. De campagne had als doel kennis te vergroten, het aantal HIV-testen te verhogen en stigma en discriminatie tegen mensen die met HIV leven te verminderen.

De afgelopen weken stonden in het teken van diverse activiteiten, waaronder:

• Een open dag met informatie over HIV, testen, counseling en behandeling.
• HIV-conferentie met experts uit Aruba, Curaçao en Nederland. Het belang van samenwerking tussen de eilanden werd benadrukt. De openhartige getuigenis van iemand die met HIV leeft, zorgde voor een krachtig moment van bewustwording.
  Een inspirerende bewustwordingswandeling met grote betrokkenheid van het publiek.

Centraal stond N=N

N=N staat voor: Niet detecteerbaar = Niet overdraagbaar. Dit betekent dat iemand met HIV, die de behandeling correct volgt, een zodanig lage hoeveelheid van het virus in het bloed heeft dat het niet detecteerbaar is. Hierdoor kan het virus via seksueel contact niet worden overgedragen. Dit is bewezen door meerdere medische studies wereldwijd.

Doel van de campagne

• Meer testen op HIV. We roepen iedereen op om zich te laten testen en zijn of haar HIV-status te kennen. Testen kan levens redden.

• Medische zorg stimuleren. Mensen die met HIV leven, moedigen we aan om zorg te zoeken en hun behandeling op te volgen.
• Stigma verminderen. Door voorlichting en bewustwording willen we stigma en discriminatie rondom HIV doorbreken.

Hoe verder?

We staan pas aan het begin. In 2025 breiden we de campagne verder uit, met extra aandacht voor de betrokkenheid van de gemeenschap en jongeren. We roepen iedereen op om samen te werken aan een gezonder Bonaire, waar stigma geen plaats heeft.

We willen ook alle bedrijven bedanken die deze campagne hebben ondersteund. Jullie bijdrage maakt het verschil!

Doe mee!

• Laat je testen
• Praat erover
• Deel de boodschap met anderen

Samen werken we aan een gezonder Bonaire.