A PRESENTÁ E PROMÉ RESULTADONAN DI INVESTIGASHON SIENTÍFIKO DI PESKERIA NA BONEIRU

Kralendijk – Pa islanan chikitu manera Boneiru, kaminda agrikultura tradishonal konosé su desafionan, laman ta hunga un ròl krusial den ekonomia i produkshon di kuminda.

Pa suprayá e importansia akí, departamento di Agrikultura, Krio di Bestia i Peskeria (LVV) riba djárason 13 di novèmber a presentá e promé resultadonan di nan investigashon sientífiko di peskeria na nos piskadónan i  públiko. Mas ku 50 interesado tabata presente na e enkuentro na Captain Don’s Habitat.

Konosementu di populashon di piská i monitoreo

Durante e presentashon Dr. Dolfi Debrot di Wageningen Marine Research (WMR) a duna splikashon tokante e informashonnan ku nan a kolektá i kon ta usa matemátika biológiko pa monitoriá populashon di piská den transkurso di tempu. El a pone énfasis riba e diferensia entre espesienan di piská di fondo lokal i piská pelágiko, esta piská di laman afó, ku ta migra.

Investigashon ta pone un base pa futuro di sektor di peskeria

LVVN (Landbouw, Visserij, Voedselzekerheid en Natuur – Agrikultura, Peskeria, Siguridat di Kuminda i Naturalesa) for di e aña akí ta finansiá e investigashon ku LVV i WMR (Wageningen Marine Research) ta hasi. E investigashon akí ta enfoká riba dokumentashon di e sektor di peskeria i ponementu di un base sólido pa desaroyo di esaki. Un di e preguntanan di mas importante ta kua i kuantu piská nan ta kue. E informashonnan akí ta esensial pa proba e importansia ekonómiko di e sektor i pa salbaguardiá un maneho sostenibel.

Sobrepeska i desafionan internashonal

E sektor di peskeria den área karibense ta konfrontá vários desafio pa motibu di sobrepeska di parti di otro paisnan, loke ta kondusí na populashonnan di piská ku ta birando mas skars. Den futuro tratadonan internashonal tokante kuota di peskeria (TAC: Total Allowable Catch – e kantidat total ku ta pèrmití) ta bai hunga un ròl mas grandi. Boneiru mester por supstansiá su posishon i e importansia di su sektor di peskeria ku sifra, pa por mantené un parti hustu.

Gradisimentu na nos piskadónan i na públiko

LVV ta pone énfasis riba importansia di informashonnan plousibel pa yuda e sektor bai dilanti. Sin e sifranan akí desaroyo di e sektor di peskeria ta keda stagna. Pa e motibu akí LVV ta ekspresá su gratitut na nos piskadónan i na públiko pa nan enbolbimentu i kolaborashon ku kolekshon di informashon esensial.

Ku e esfuerso konhunto akí Boneiru por edifiká un sektor di peskeria sostenibel i ekonómikamente fuerte.

FUENTE: OLB/LVV/LIVE99FM

NEDERLANDS: 

EERSTE RESULTATEN VISSERIJSTUDIES BONAIRE GEPRESENTEERD

Kralendijk – Voor kleine eilanden zoals Bonaire, waar traditionele landbouw uitdagingen kent, speelt de zee een cruciale rol in de economie en voedselproductie. Om dit belang te onderstrepen, presenteerde de afdeling Landbouw, Veeteelt en Visserij (LVV) op woensdag 13 november de eerste resultaten van hun visserijstudies aan vissers en het publiek. Meer dan 50 geïnteresseerden woonden de bijeenkomst bij in Captain Don’s Habitat.

Inzicht in visbestanden en monitoring

Tijdens de presentatie gaf Dr. Dolfi Debrot van Wageningen Marine Research (WMR) uitleg over de verzamelde gegevens en hoe biologische wiskunde wordt gebruikt om visbestanden in de loop der tijd te monitoren. Hij benadrukte het verschil tussen lokale bodemgebonden vissoorten en migrerende pelagische vissen.

Onderzoek legt basis voor toekomst visserijsector

LVVN (Landbouw, Visserij, Voedselzekerheid en Natuur) financiert sinds dit jaar onderzoek door LVV en WMR. Dit onderzoek richt zich op het documenteren van de visserijsector en het leggen van een solide basis voor de ontwikkeling ervan. Een van de belangrijkste vragen is welke en hoeveel vis wordt gevangen. Deze gegevens zijn essentieel om het economische belang van de sector te bewijzen en een duurzaam beheer te waarborgen.

Overbevissing en internationale uitdagingen

De visserijsector in het Caribisch gebied kampt met uitdagingen door overbevissing door andere landen, wat leidt tot schaarser wordende visbestanden. In de toekomst zullen internationale verdragen over visserijquota (TAC: Total Allowable Catch) een grotere rol spelen. Bonaire moet zijn positie en het belang van de visserijsector met cijfers kunnen onderbouwen om een eerlijk aandeel te behouden.

Dank aan vissers en publiek

LVV benadrukt het belang van geloofwaardige gegevens om de sector vooruit te helpen. Zonder deze cijfers blijft de ontwikkeling van de visserijsector stagneren. Daarom spreekt LVV haar dank uit aan de vissers en het publiek voor hun betrokkenheid en samenwerking bij het verzamelen van essentiële informatie.

Met deze gezamenlijke inspanning kan Bonaire bouwen aan een duurzame en economisch sterke visserijsector.