ERFPACHT NO TA UN DERECHO SINO UN PRIVILEGIO!

Kralendijk – Na Boneiru nos ta konfrontando un eskases grandi di bibienda adekuá.  E lista di hende ku ta warda riba tantu un kas di hür sosial, komo un parsela di èrfpagt pa por konstruí nan propio kas, ta largu.

E lista di hende ku ta wardando riba un parsela di èrfpagt asta ta data for di 2011. Den e tempu tras di lomba a hasi hopi trabou pa loke ta trata aktualisashon di e lista akí. Pensa akí riba personanan ku entretantu a fayesé, òf ku no ta biba mas na nos isla òf hendenan ku entretantu ya kaba ta disponé di un kas ku nan a kumpra òf ku ta kasá ku un hende ku ya kaba a haña un parsela di èrfpagt. Vishon di Kolegio Ehekutivo ta ku tur hende ku ta biba legalmente na Boneiru tin derecho riba un bibienda adekuá i no nesesariamente derecho riba un parsela di èrfpagt.

Ordenamentu Teritorial
For di 2010 Boneiru a krese for di mas òf ménos 15.000 habitante te na 25.000 habitante na aña 2024. Esaki práktikamente sin adaptashon di e struktura urbano eksistente. Pa un kresementu sólido, pero prinsipalmente responsabel, ta nesesario pa laga e kantidat di bibienda, e infrastruktura i e fasilidatnan (sosial) krese òf kambia simultaniamente. Den esaki un aserkamentu planológiko kuidadoso ta esensial, pa motibu ku nos tin ku konstatá ku ordenamentu teritorial di nos isla a keda tras kompará ku e kresementu akí. Esaki ta e motibu ku nos ta trahando duru riba un dokumentu di maneho stratégiko, un asina yamá ‘structuurvisie’, ku ta bai sirbi komo base pa aktualisashon di e legislashon i regulashon nesesario. Pa esaki e Plan di Desaroyo Teritorial di Boneiru aktual (di 2010) no ta sufisiente mas.

Segun diputado Cicilia, no por sigui mantené e idea ku tur hende lo tin derecho riba un parsela di èrfpagt. Pa motibu di espasio limitá e filosofia akí no ta sostenibel tampoko. Tur hende tin derecho riba un bibienda adekuá i ta trata pues di un situashon kaminda dentro di e espasio disponibel nos por proveé tur hende ku un bibienda adekuá. Pa esaki stipulashon di áreanan di biba i traha pa den futuro ta un promé paso importante.

E definishon òf vishon di ki tipo di isla nos ke ta, tambe ta importante den esaki. Sigui krese ta bon, pero solamente ku konservashon di nos kultura, naturalesa i trankilidat i tur e balornan ku nos ke protehá.

Státùs di emishon di parsela di èrfpagt
Kiko a tuma lugá kaba? Den  kuadro di saniamentu di e lista di espera, nos ta manda karta pa e personanan riba e lista di espera, ku no ta bini na remarke mas pa un parsela di èrfpagt: sea nan a fayesé, nan no ta biba mas na Boneiru òf entretantu nan tin un parsela na èrfpagt kaba. Esaki a tuma lugá den kordinashon ku Kadaster. Ta trata akí di un lista di 85 persona ku nos lo informá ku nos ta baha nan for di e lista di espera. Aktualmente nos ta hasiendo e preparashonnan pa e siguiente transh. Ora ku nos baha 85 persona, e personanan ku keda riba e lista di espera ta skùif bai ariba. Seguidamente nos ta aserká 60 persona ku segun sekuensia di e lista di espera ta na turno pa nos ofresé nan un parsela di èrfpagt. T’asina ku gobièrnu a identifiká 60 parsela dentro di áreanan residensial plamá riba nos isla, ku ta bini na remarke pa emishon. Ta trata di parselanan ku ta situá na un kaminda asfaltá i kaminda tin infrastruktura pa awa i koriente tambe presente.

Diputado Cicilia ta indiká di ta hopi kontentu ku riba término kòrtiku lo konsedé 60 parsela na èrfpagt. “E parselanan akí ta resultado di un inventarisashon minusioso den barionan eksistente. Den esaki a identifiká parselanan ku no tabata emití ainda i ku ta situá den serkania di infrastruktura eksistente i otro fasilidatnan. Un logro importante!”

Aresto Didam
Ta keda di importansia pa mèldu ku na fin di aña 2021, Korte Supremo (Hoge Raad) den e ‘Aresto Didam’ a husga ku entidatnan di gobièrnu, na momentu di aktua a base di derecho privá, manera benta di tereno, hür òf èrfpagt, tin e obligashon pa ofresé espasio pa kompetensia na tur kandidato potensial den forma di un prosedura públiko di selekshon. Den un grado haltu esaki ta influensiá tambe e proseso di emishon di parsela di èrfpagt na nos isla.

Laga nos bai bèk na e derecho riba bibienda adekuá. Kolegio Ekekutivo ta realisá su mes bon ku e nesesidat akí ta hopi grandi i pa e motibu akí nos ta atendé ku e tarea akí ku prioridat haltu. E enfoke ta kompletamente riba oumento di e stòk di bibienda pagabel. Nos ta bai hasi esaki ku vários desaroyo di área ku ta bai proveé den esaki. “Ku determinashon i poniendo paso pa paso den e direkshon korekto”, segun diputado Cicilia.

FUENTE:OLB/LIVE99FM

NEDERLANDS:

ERFPACHT IS GEEN RECHT MAAR EEN VOORRECHT!

Kralendijk,- We hebben op Bonaire te kampen met een groot tekort aan passende huisvesting. De lijst van wachtenden voor zowel een sociale huurwoning als een erfpacht perceel om in eigen beheer te kunnen bouwen is lang. De lijst voor het laatste dateert zelfs uit 2011. Er is in de afgelopen tijd veel werk verricht als het gaat om de actualisering van deze lijst. Denk daarbij aan personen die inmiddels zijn overleden, of zij die niet meer woonachtig zijn op ons eiland of mensen die ondertussen al over een koopwoning beschikken of getrouwd zijn met iemand die reeds een erfpacht perceel is toegewezen. De visie van het Bestuurscollege is dat iedereen die rechtmatig op Bonaire woont het recht heeft op een passende woning en niet per definitie het recht op een erfpacht perceel.

Ruimtelijke Ordening

Bonaire is sinds 2010 gegroeid van grofweg 15.000 naar 25.000 inwoners in 2024. Dit vrijwel zonder aanpassing van de bestaande stedelijke structuur. Voor een gedegen, maar vooral verantwoorde groei, is het mee laten groeien of veranderen van de benodigde huisvesting, infrastructuur en (sociaal-maatschappelijke) voorzieningen nodig. Een zorgvuldige planologische aanpak is daarbij essentieel omdat we moeten vaststellen dat de ruimtelijke ordening van het eiland is achtergebleven bij deze groei. Dat is de reden dat er hard wordt gewerkt aan een structuurvisie die als basis gaat dienen voor het actualiseren van de benodigde wet-en regelgeving. Het huidige Ruimtelijk Ontwikkelingsplan van Bonaire (uit 2010) is hiervoor niet meer toereikend.

Volgens gedeputeerde Cicilia is het idee dat iedereen recht zou hebben op een erfpacht perceel is niet langer houdbaar. Die filosofie is vanwege de beperkte ruimte ook niet duurzaam. Iedereen heeft recht op een passende woning en dus gaat het erom dat we binnen de beschikbare ruimte iedereen van een geschikte woning kunnen voorzien. Daarvoor is het bepalen van toekomstige woon- en werkgebieden een eerste belangrijke stap.

De definitie of visie van wat we voor eiland willen zijn is hierbij ook belangrijk. Verdere groei is goed, maar alleen met behoud van cultuur, natuur en rust en alle waarden die we willen beschermen.

Status uitgifte Erfpacht percelen

Wat is er reeds gebeurd? In het kader van het opschonen van de wachtlijst worden brieven verstuurd naar de personen op de wachtlijst die niet meer in aanmerking komen voor een erfpachtskavel: of ze zijn overleden, zijn niet meer woonachtig op Bonaire of inmiddels al een kavel pachten. Dit laatste is in afstemming met het Kadaster gebeurd. Het gaat hierbij om een lijst van 85 personen die geïnformeerd zullen worden dat ze afgevoerd worden van de wachtlijst. De voorbereidingen voor een volgende tranche worden nu getroffen. Als er 85 personen worden afgevoerd schuiven dan de personen die op de wachtlijst blijven staan door naar boven. Vervolgens worden 60 personen benaderd die conform de wachtlijstvolgorde aan de beurt zijn om een erfpacht perceel aangeboden te krijgen. De overheid heeft namelijk 60 inbreidingskavel verspreid over het eiland geïdentificeerd die voor uitgifte in aanmerking komen. Dit zijn kavels die aan een verharde weg zijn gesitueerd en waar ook infrastructuur voor water en stroom aanwezig is.

Gedeputeerde Cicilia geeft aan erg blij te zijn dat er op korte termijn 60 percelen in erfpacht zullen worden toegewezen. “Deze percelen zijn het resultaat van een nauwgezette inventarisatie binnen bestaande wijken. Daarbij zijn percelen geïdentificeerd die nog niet waren uitgegeven en die zich bevinden in de nabijheid van bestaande infrastructuur en andere voorzieningen. Een belangrijke mijlpaal! “

Didam Arrest

Het blijft van belang om te melden dat eind 2021 de Hoge Raad in het ‘Didam-arrest’ heeft geoordeeld dat overheidslichamen bij privaatrechtelijk handelen zoals grondverkoop, verhuur of erfpacht gehouden zijn om mededingingsruimte te bieden aan alle potentiële gegadigden in de vorm van een openbare selectieprocedure. Dit beïnvloedt ook in grote mate het proces van uitgifte van erfpacht percelen op ons eiland.

Terug naar het recht hebben op passende huisvesting. Het Bestuurscollege realiseert zich goed dat deze behoefte erg groot is en pakt de opgave dan ook met hoge prioriteit aan. De focus ligt volledig op het vergroten van de betaalbare woningvoorraad. Dat gaan we doen met meerdere gebiedsontwikkelingen die daarin gaan voorzien. “Vastberaden en met stap voor stap in de goede richting”, aldus gedeputeerde Cicilia.