MARSHE “POP-UP” DI DÍA DI REI: É LUGA PA ARTIKULONAN  PAGABEL NA BONEIRU

Kralendijk, Boneiru – Dia 27 di aprel, di 09:00 te 12:00, lo tin un Marshe di dia di rei na estilo “Pop-Up” na Jong Bonaire

E marshe estilo “Pop-up” aki ta un inisiativa di Christine Alvarez i Jessica Puttileihalat, dos mama ku a transformá un problema komún den un solushon bunita pa nos komunidat.

For di nan propio eksperensia nan a nota ku hopi mayor tin un abundansia di paña di mucha, i ko’i hunga i otro artikulonan pa mucha ku por haña un di dos bida.  Haña paña pa mucha por ta difísil riba nos isla. E marshe di día di rei aki ta uni oferta i demanda na un solo luga, lokual ta fasilitá  mayornan pa hasi un eskoho sostenibel.

Na prinsipio, e organisadónan tabata ke organisá un “porch sale” tradishonal, pero nan a mira ku un marshe estilo di pop-up, na un lugá sentral ta mas práktiko i aksesibel pa e komunidat. Esaki ta reuní tur bendedó na un solo luga, kual tambe ta krea un ambiente di marshe agradabel kaminda bishitantenan por pasa wak i kumpra trankil.

Inskribí i partisipá

Personanan ku ke bende nan kosnan por inskribí via e formulario.

Informashon pa partisipantenan:

• Ta kobra un kontribuishon di $10 pa un stand, pa kubri gastunan di hür di e lokalidat
• Tin un kantidat limitá di lugánan, paso e merkado ta tuma luga adentro den e sala di Jong Bonaire
• Tin solamente un kantidat limitá di mesa, kual nos lo repartí bou di esnan ku yega promé e día ei
• Ta konsehá  pa partisipantenan trese nan propio mesa
• Inskripshon ta obligatorio via e formulario aki pa sigurá un luga: https://form.jotform.com/260983710175056

Bini un bini tur! Pasa wak kual tesoronan bo por haña.

Tur hende ta bon biní pa pasa i buska kosnan interesant.

E marshe aki ta primintí di ta un aktividat aksesibel i agradabel pa tur hende.

FUENTE: CHRISTINE ALVAREZ