*INISIO EKSITOSO DI E PROYEKTO “NOS TA FUERTE” PA DESAROYO DI HÓBENNAN*

Kralendijk,- Siman pasá, e proyekto *“Nos ta fuerte”*, un inisiativa di Bo Granito huntu ku Velitt, a start ofisialmente. E trayekto aki ta enfoká riba desaroyo personal di hóbennan i ta ofresé nan e oportunidat pa inbestí un total di 80 ora den nan futuro.

E programa ta konsistí di tres fase. Den e promé fase, e hóbennan ta partisipá na un bivak intensivo di tres dia, kaminda disiplina, perseveransia i koperashon ta sentral. Fase dos ta dirigí riba enbolbimientu den sosiedat, kaminda e partisipantenan huntu ta duna un aporte na e komunidat. Den e di tres fase, e hóbennan ta haña e oportunidat pa kore kura serka diferente servisio uniformá, pa asina nan haña bista riba perspektivanan pa nan futuro.

Durante henter e trayekto, e hóbennan ta haña guia activo, ku un foko kla riba nan kresementu personal i nan vishon pa futuro. Despues di terminá tur e tres modulonan ku eksito, e partisipantenan ta risibí un sertifikado, loke por duna nan un bentaha den futuro pa desaroyo mas aleu i oportunidatnan riba merkado laboral.

E dianan tras di lomba, shete hóben motivá a start ku e trayekto. Nan a finalisá nan promé fase kaba ku eksito, kual ta forma un punto importante den e programa.

Ku “Nos ta fuerte” ta tuma un paso firme pa fortalesé e hóbennan i kreá oportunidatnan nobo pa nan futuro.

Pa mas informashon subi www.bogranito.com 

FUENTE: ROËN TRINIDAD