ADVERTENSIA PA PISKADÓNAN – SITUASHON NA VENEZUELA

Kraldendijk,- Pa medio di e komunikado aki Kooperativa Piskabon ker a saka un advertensia di prekoushon pa tur piskadó. Awe mainta nos tur por a tuma nota di e situashon aktual na nos pais bisiña Venezuela riba medianan sosial i notisia internashonal.

Kooperativa Piskabon ta pendiente di informashon ofisial di gobiernu di Boneiru i eventual di gobiernu Hulandes kiko ta bai ta e pasonan ku lo mester bai tuma. Pa e motibu ei ta konseha piskadónan pa no bai piska den direkshon di awa nan teritorial di Venezuela pa sigur e proksimo 24 oranan, esaki pa nan mes seguridat. Nos tin ku ta kauteloso den e momentunan aki den espera di informashon di e fuente nan ofisial. 

Kooperativa Piskabon ta konseha tur piskadó pa sigi e medio nan di komunikashon lokal pa eventual informashon ofisial di gobiernu i ta atento riba laman ora ku bai piska. Korda pa semper tin bo identifikashon huntu ku bo i vhf radio pa si mester pidi asistensia di prome ausilio.

Asina ku kooperativa risibi kualke informashon, nos lo kompartí esaki via di nos kanal nan di kustumber ku ta nos grupo di whatsapp di miembro nan di Piskabon, nos Facebook page i via di media lokal.

Kooperativa Piskabon ta desea tur piskadó i nan famianan un felis aña 2026 i ta spera ku e situashon aktual lo remedia mas pronto ku ta posibel.

FUENTE: PISKABON/LIVE99FM