TRAHA PA BONEIRU? TOPA KU ENTIDAT PÚBLIKO BONEIRU NA FERIA DI KARERA I NA FRED EXPO

Kralendijk – Entidat Públiko Boneiru (OLB) ta partisipá na dos feria di karera den luna di òktober. Dia 23 di òktober Entidat Públiko Boneiru ta partisipá na Feria di Karera na Jong Bonaire, organisá pa Plenchi di Trabou. Un dia despues, dia 24 di òktober, Entidat Públiko Boneiru ta partisipá na Feria FRED na WTC Rotterdam.

Na Jong Bonaire, Feria di Karera ta ofresé e oportunidat pa topa ku personanan ku ta buska un siguiente paso den nan karera ku ke aportá na nan isla. Na Rotterdam, Feria FRED ta duna Entidat Públiko Boneiru e oportunidat pa hasi konekshon ku profeshonalnan den eksterior, inkluso yunan di tera ku ke regresá Boneiru i kontribuí na desaroyo di nos isla.

Durante e ferianan, bishitantenan por sera konosí ku Entidat Públiko Boneiru i haña mas informashon tokante e posibilidatnan pa traha na Entidat Públiko Boneiru. Trahadónan di Entidat Públiko Boneiru lo ta presente pa konta mas tokante e organisashon, e diferente áreanan di trabou i kon bo por kontribuí ku bo konosementu, eksperensia i ideanan na futuro di Boneiru.

Sigui Entidat Públiko Boneiru su kanalnan di medio sosial pa mas informashon tokante nan partisipashon na Feria di Karera i Feria FRED.

#AmiTaTrahaPaBoneiru

FUENTE: OLB/LIVE99FM

NEDERLAND:

WERKEN VOOR BONAIRE? ONTMOET HET OLB OP DE FERIA DI KARERA EN DE FRED BEURS

Kralendijk – Het Openbaar Lichaam Bonaire (OLB) is in oktober aanwezig op twee carrièrebeurzen. Op 23 oktober neemt het OLB deel aan de Feria di Karera bij Jong Bonaire, georganiseerd door Plenchi di Trabou. Een dag later, op 24 oktober, is het OLB aanwezig op de FRED Beurs in het WTC Rotterdam.

Met de deelname aan beide beurzen wil het OLB in gesprek komen met mensen die interesse hebben om voor Bonaire te werken. Op Bonaire biedt de Feria di Karera de mogelijkheid om mensen te ontmoeten die op zoek zijn naar een volgende stap in hun carrière. In Rotterdam biedt de FRED Beurs de kans om verbinding te leggen met professionals in het buitenland, waaronder eilandskinderen die willen terugkeren en bijdragen aan de ontwikkeling van Bonaire.

Tijdens de beurzen kunnen bezoekers kennismaken met het OLB als werkgever en meer te weten komen over de mogelijkheden om bij het OLB te werken. Medewerkers zijn aanwezig om te vertellen over de organisatie, de verschillende werkgebieden en hoe je met jouw kennis, ervaring en ideeën kunt bijdragen aan de toekomst van Bonaire.

Volg de socialmediakanalen van het Openbaar Lichaam Bonaire voor meer informatie over onze deelname aan de Feria di Karera en de FRED Beurs.

#AmiTaTrahaPaBoneiru