HAF DI BONEIRU A TENE EHERSISIO DI SIGURIDAT ANUAL KU CARNIVAL CRUISE LINE

Kralendijk – Haf di Boneiru a tene su ehersisio anual di siguridat huntu ku Carnival Cruise Line, den kuadro di e Kódigo Internashonal di Siguridat di Barku i Fasilidat di Haf (International Ship and Port Facility Security Code – ISPS) i e prosedura di siguridat di nos isla. E ehersisio a tuma lugá den forma di un ehersisio konhunto estilo ‘tabletop’, ku a enbolbí representantenan na bordo di Carnival Horizon, outoridatnan relevante na Boneiru i e Fleet Operations Center na Miami.

Meta di e ehersisio tabata pa tèst kon nos haf, e barku, outoridatnan lokal i servisionan ousiliar ta traha huntu den kaso di un insidente di siguridat.

A tèst kolaborashon i prosedura

Durante e ehersisio nan a tèst diferente komponente di e plan di siguridat di haf di Boneiru. Esaki a enserá entre otro evaluashon di e plan i tèstmentu di e prosedura pa alsa e nivel di siguridat operashonal, na momentu ku un situashon ta rekerí esaki. Nan a tèst tambe e komunikashon i kolaborashon entre e barku i outoridatnan na tera. Banda di esaki un evakuashon hipotétiko di pasahero a forma parti di e ehersisio, di manera ku e timnan por a tèst e proseduranan bou di preshon.

Un parti importante di e ehersisio a enfoká riba kolaborashon entre e diferente instansianan i servisionan ousiliar na Boneiru, entre otro polis, Koninklijke Marechaussee (KMar), hòspital i kuerpo di bombero. Durante e ehersisio nan a investigá kon e diferente organisashonnan ta interkambiá informashon, repartí tarea i traha huntu durante un insidente.

E partisipantenan a trein tambe kon nan por baha e nivel di siguridat operashonal, asina ku e situashon ta bou di kontròl. Banda di esaki nan a dediká atenshon na prevenshon i medidanan ku por yuda redusí riesgo pa insidentenan di siguridat similar.

Eksigensia anual

A base di e instrukshonnan di siguridat vigente, nos haf tin obligashon pa regularmente ehekutá e tipo di ehersisionan akí. Por lo ménos un biaha pa aña mester tene un ehersisio, i e periodo entre dos ehersisio no tin mag di ta mas largu ku 18 luna. Pa medio di e ehersisionan akí haf di Boneiru ta sigui fortifiká su preparashon pa posibel insidentenan di siguridat i mehorá e kolaborashon entre tur partidonan enbolbí. Kapitan di Haf a deklará: “E ehersisio akí ta yuda nos fortifiká siguridat di haf di Boneiru mas aleu i mehorá nos preparashon pa potensial insidentenan di siguridat.”

FUENTE: OLB/LIVE99FM

NEDERLAND:

DE HAVEN VAN BONAIRE HOUDT JAARLIJKSE VEILIGHEIDSOEFENING MET CARNIVAL CRUISE LINE

Kralendijk – De haven van Bonaire heeft samen met Carnival Cruise Line haar jaarlijkse veiligheidsoefening gehouden, in het kader van de Internationale Veiligheidscode voor Schepen en Havenfaciliteiten (International Ship and Port Facility Security Code – ISPS) en de veiligheidsprocedures van het eiland. De oefening vond plaats in de vorm van een gezamenlijke tabletop-oefening, waar vertegenwoordigers aan boord van de Carnival Horizon, relevante lokale autoriteiten op Bonaire en het Fleet Operations Center van Carnival in Miami bij betrokken waren.

Het doel van de oefening was om te testen hoe de haven, het schip, de lokale autoriteiten en de hulpdiensten samenwerken in het geval van een veiligheidsincident.

Samenwerking en procedures getest

Tijdens de oefening werden verschillende onderdelen van het veiligheidsplan van de haven van Bonaire getest. Dit omvatte onder meer het evalueren van het plan en het testen van de procedure om het operationele veiligheidsniveau te verhogen wanneer een situatie dat vereist vraagt. Ook de communicatie en samenwerking tussen het schip en de autoriteiten aan wal werden getest. Daarnaast maakte een hypothetische evacuatie van passagiers deel uit van de oefening, waardoor de teams de procedures onder druk konden testen.

Een belangrijk onderdeel van de oefening was gericht op de samenwerking tussen de verschillende instanties en hulpdiensten op Bonaire, waaronder de politie, de Koninklijke Marechaussee (KMar), het ziekenhuis en de brandweer. Tijdens de oefening werd onderzocht hoe de verschillende organisaties informatie uitwisselen, taken verdelen en samenwerken tijdens een incident.

De deelnemers oefenden ook hoe ze het operationele veiligheidsniveau kunnen verlagen zodra de situatie onder controle is. Daarnaast werd aandacht besteed aan preventie en maatregelen die het risico op soortgelijke veiligheidsincidenten kunnen helpen verminderen.

Jaarlijkse vereiste

Op grond van de geldende veiligheidsvoorschriften is de haven verplicht om dit soort oefeningen regelmatig uit te voeren. Er moet minstens één keer per jaar een oefening plaatsvinden, waarbij   de periode tussen twee oefeningen niet langer mag zijn dan 18 maanden. Door middel van deze oefeningen blijft de haven van Bonaire haar paraatheid voor mogelijke veiligheidsincidenten versterken en de samenwerking tussen alle betrokken partijen verbeteren.

De havenmeester verklaarde: “Deze oefening helpt ons om de veiligheid en de beveiliging van de haven van Bonaire verder te versterken en onze paraatheid voor potentiële veiligheidsincidenten te verbeteren.”