PROMÉ EDISHON DI MCB BSURE SCAVENGER HUNT UN EKSITO KOMPLETU!

Kralendijk,- E promé edishon di e ‘MCB BSure Scavenger Hunt’ ku outo na Bonaire a resultá un éksito rotundo e fin di siman ku ta tras di lomba, ku 44 outo i mas di 150 partisipante ku a kompetí di forma ameno pa bai ku e premio máksimo!

Ku komunidat i kliente semper na kurason, BSure a organisá e evento aki pa trese algu diferente i interaktivo pa Bonaire después di tres edishon fantástiko na Kòrsou.

Klientenan di BSure a forma nan tim i a eksperensiá un aventura rònt di e isla. Durante e ruta, timnan mester a kumpli ku diferente tarea enkonekshon ku e kultura, tradishonnan, naturalesa i bunitesa di Bonaire, i finalmente kompletá e ‘Hunt’ kaminda nan a kuminsá: na MCB Hato Customer Service Center i MCB su ofisína prinsipal.

Partisipashon tabata komplétamente grátis pero e ganadónan a bai ku premionan fabuloso! Tim number 39 a resultá e gran ganadó di mil dòler kèsh, mientras ku grupo number 21 a gana 800 dòler komo sup-kampión i e terser puesto tabata un empáte entre grupo number 8 i grupo 29, i kada tim a gana 400 dòler!

Mientras ku partisipantenan tabata pendiente pa risibí e resultado di parti e kuerpo di hurádo, e tim di MCB i BSure a tene un kompetensia di kues i desafío chikí i a repartí vários bòn di gasolin i ‘gadget’ di MCB. Algu di kome i bebe no por a keda afó, huntu ku un trit di un trùk di eiskrim pa kompletá un djadumingu di alegría, aventura i sigur rekuerdonan pa semper.

Keda pendiente pa e próksimo edishon di e MCB BSure Scavenger Hunt ku ta primintí di bira aún mas eksitante!

FUENTE: MCB BSURE BONAIRE/LIVE99FM

NEDERLANDS:

EERSTE EDITIE VAN DE MCB BSURE SCAVENGER HUNT:EEN GROOT SUCCES!

Kralendijk,- De eerste editie van de MCB BSure Scavenger Hunt met auto op Bonaire was het afgelopen weekend een overweldigend succes. In totaal namen 44 auto’s en meer dan 150 deelnemers deel aan deze leuke en ontspannen strijd om de hoofdprijs. 

Met de gemeenschap en haar klanten altijd centraal, organiseerden BSure dit evenement om Bonaire iets nieuws en interactiefs te bieden, na drie succesvolle edities op Curaçao.

Klanten van BSure vormden teams en beleefden samen een avontuurlijke ontdekkingstocht over het eiland. Tijdens de route voerden de teams verschillende opdrachten uit, geïnsipreerd door de cultuur, tradities, natuur en schoonheid van Bonaire. Uiteindelijk eindige de ‘Hunt’ waar alles begon: bij het MCB Hato Customer Service Center en het hoofdkantoor van MCB.

De deelname was volledig gratis, maar de winnaars gingen naar huis met prachtige prijzen! Teamnummer 39 werd uitgeroepen tot grote winnaar en ontving USD 1000,- in cash. Groepnummer 21 eindigde als tweede en won USD 800,- De derde plaats werd gedeeld door groepnummer 8 en groepnummer 29, die elk USD 400,- in ontvangst mochten nemen.

Terwijl de deelnemers wachtten op de officiële uitslag van de jury, organiseerden de teams van MCB en BSure leuke quizzen en kleine uitdagingen, waarbij diverse benzinebonnen en MCB-gadgets werden uitgedeeld.

Uiteraard ontbraken eten en drinken niet, en zorgde een aanwezige ijscotruck voor een extra verfrissende touch. Dit alles droeg bij aan een perfecte zondag vol plezier, avontuur en mooie herinneringen.

Blijf ons volgen voor de volgende editie van de MCB BSure Scavenger Hunt, die ongetwijfeld nóg spannender zal worden!