Redakshon
Kralendijk- E Konsehonan Insular di BES a reuní awe riba 4 di sèptèmber na Boneiru pa e Kumbre di BES, kaminda a tuma lugá diskushonnan importante tokante gobernashon, reforma di belasting, i inisiativanan di kuido di salú ku ta afektá e islanan di Boneiru, St. Eustatius i Saba.
Entre e puntonan di agènda pa diskushon tabata e konsulta di WolBES/FinBES ku a start resientemente i e siguiente pasonan, diskushonnan riba e rapòrt di IMF, struktura di belasting, i e Plan di Impuesto pa 2026/2027. E kumbre tambe a enfoká riba esfuersonan di investigashon di kuido di salú kontinuo, ku un komishon dediká pa proponé tópikonan di investigashon konhunto pa mehorá kolaborashon na tur e islanan. Un kolaborashon similar tabata proponé pa tópikonan di investigashon konhunto pa e kontrolaria pa sigui mehorá e kolekshon di datonan eksakto tokante tópikonan komun.
E konsulta aktual via internèt di WolBes/FinBEs, ku a kuminsá dia 2 di sèptèmber, a generá interes i debate signifikante. E konsulta públiko aki, ku ta habrí te ku 27 di òktober, ta atendé vários tema sumamente importante, entre otro e ekspanshon proponé di e ròl di Representante di Reino den supervishon di gobernashon. Mester tuma nota sinembargo ku promé ku e konsulta internet akí no a tene konsulta profundo ku e islanan mirando ku e kontenido di e konsulta pa algun parti, a violá e akuerdonan ku e islanan i e sekretario di estado a establesé na mart di 2024 durante e konferensia na De Bilt.
A yega na un logro importante ku e proseso di introdukshon di e “Fiscale Verzamelwet”, ku awor ta habri pa konsulta públiko. E inisiativa akí ta un reakshon riba e opservashonnan di IMF pa loke ta trata e tópikonan inadekuado di e leinan di belasting eksistente, habriendo kaminda pa un kuadro di belasting mas efektivo pa e islanan BES.
Den lus di e desaroyonan akí, Tweede Kamer a urgi konsultanan signifikante ku representantenan di BES pa garantisá ku futuro amiendanan di belasting ta kumpli ku e nesesidatnan di e islanan. E intentonan pa yega na un proseso di konsulta signifikante ta marka un paso vital den enbolbí di stakeholdernan i kolektá komentario balioso.
Un enfoke klave di e kumbre tabata e nesesidat pa datonan eksakto tokante e Algemene Bestedingsbelasting (ABB) i mehorashon di transparensia den reportahe finansiero. Partisipantenan a papia tokante retonan relashoná ku kompartí informashon eksakto i e persepshon di mal maneho finansiero, enfatisando e importansia di konstruí konfiansa a traves di datonan eksakto.
E kumbre tambe a atendé asuntunan sosioekonómiko, inkluyendo e impakto di oumento di salario mínimo i nivelnan di pobresa riba e Islanan BES.
Partisipantenan a suprayá e nesesidat importante pa kontrolaria garantisá transparensia i responsabilidat riba tur e islanan, miéntras ku a enfatisá e nesesidat pa akshon di kolaborashon entre e islanan pa atendé ku implikashonnan finansiero.
Den un konteksto mas amplio, e diskushonnan a trata e implikashonnan di kambio den e struktura di gobernashon di Karibe Hulandes, ku preokupashonnan tokante e disminushon di outoridat lokal, ku a lanta kabes. Mirando e importansia di e tópiko akí, a hasi un proposishon pa prolongá e reunion despues ku e kumbre formal di BES a konkluí, pa asina sigui analisá e asuntunan di gobernashon akí i garantisá ku bosnan lokal ta keda representá den e proseso di tumamentu di desishon.
Durante e dia akí e Konsehonan Insular tambe a tuma algun tempu pa reflehá bèk riba e echo ku e aña akí ta kumpli 15 aña di e status konstitushonal aktual di e islanan. Riba 10-10-10 e tres islanan a keda mará na otro den e struktura aktual akí.
Durante e momentu di reflekshon akí a tuma tempu pa wak bèk riba e orígen, e intenshon, e ehekushon i eksperensianan pa loke ta trata e aktual status di BES. A hasi un reflekshon riba mehorashonnan i adelantonan hasi durante e periodo akí pero tambe regreso i défisitnan konstitushonal ku a realisá durante e periodo aki. Un análisis di profundidat inkorporando dato i informashon históriko lo sigui pa asina komprondé mihó e estado aktual di e islanan BES.
Mester tuma nota ku banda di e kumbre di BES tambe a duna e konsehonan insular presentashonnan tokante seguridat di kuminda na Boneiru i posibel kolaborashonnan riba investigashon di esaki, a duna un presentashon tokante haf di Boneiru inkluyendo retonan i aspektonan práktiko i tambe un presentashon tokante e biblioteka aktualisá di Boneiru i e ròl komunitario di sosten ku e ta hunga pa e residentenan lokal na Boneiru. A enfoká tambe riba agrikultura i e posibilidatnan pa kunukeronan lokal i produkshon lokal na eskala chikí.
E Konsehonan Insular BES ta reafirmá nan kompromiso ku transparensia, koperashon konstruktivo, i gobernashon sano, miéntras ta enfatisá e importansia di envolvimentu públiko kontinuo den forma futuro di nan islanan.
FUENTE: KONSEHO INSULAR/LIVE99FM
NEDERLANDS:
DE EILANDSRADEN VAN DE BES KOMEN BIJEEN OP BONAIRE VOOR DE BES-TOP: BELANGRIJKE DISCUSSIES OVER BESTUUR, BELASTINGHERVORMING EN INITIATIEVEN VOOR DE GEZONDHEIDSZORG.
Kralendijk — De Eilandsraden van de BES kwamen op 4 september bijeen op Bonaire voor de BES-Top, waar belangrijke discussies plaatsvonden over bestuur, belastinghervorming en initiatieven voor gezondheidszorg die van invloed zijn op de eilanden Bonaire, Sint-Eustatius en Saba.
Op de agenda stonden onder meer de onlangs geopende WolBES/FinBES-consultatie en de vervolgstappen, discussies over het IMF-rapport, de belastingstructuur en het Belastingplan 2026/2027.
De top richtte zich ook op lopend onderzoek in de gezondheidszorg, waarbij een speciale commissie werd ingesteld om gezamenlijke onderzoeksonderwerpen voor te stellen om de samenwerking tussen de eilanden te verbeteren.
Een soortgelijke samenwerking werd voorgesteld voor gezamenlijke onderzoeksonderwerpen voor de rekenkamers om de accurate gegevensverzameling over gemeenschappelijke onderwerpen verder te verbeteren.
De lopende WolBes/FinBES-internetconsultatie, die op 2 september van start ging, genereerde aanzienlijke belangstelling en discussie. Deze openbare consultatie, die openstaat tot 27 oktober, behandelt verschillende cruciale kwesties, waaronder de voorgestelde uitbreiding van de rol van de Rijksvertegenwoordiger in het toezicht op het bestuur.
Opgemerkt moet echter worden dat er voorafgaand aan deze consultatie geen diepgaand overleg met de eilanden heeft plaatsgevonden, aangezien de inhoud van de consultatie op sommige onderdelen in strijd was met de afspraken met de eilanden en de staatssecretaris in maart 2024 tijdens de conferentie in De Bilt.
Een belangrijke mijlpaal is bereikt met de invoering van de Fiscale Verzamelwet, die nu openstaat voor publieke consultatie. Dit initiatief is een reactie op de bevindingen van het IMF met betrekking tot de tekortkomingen van de bestaande belastingwetgeving en effent het pad voor een effectiever belastingkader voor de BES-eilanden.
In het licht van deze ontwikkelingen heeft de Tweede Kamer aangedrongen op zinvolle consultaties met vertegenwoordigers van de BES-eilanden om ervoor te zorgen dat toekomstige belastingwijzigingen voldoen aan de behoeften van de eilanden. De pogingen om tot een zinvol consultatieproces te komen, vormen een cruciale stap in het betrekken van belanghebbenden en het verzamelen van waardevolle feedback.
Een belangrijk aandachtspunt van de top was de behoefte aan accurate gegevens met betrekking tot de Algemene Bestedingsbelasting (ABB) en het verbeteren van de transparantie
in de financiële verslaggeving. Deelnemers bespraken de uitdagingen met betrekking tot het verspreiden van accurate informatie en de perceptie van financieel wanbeheer, waarbij het belang van het opbouwen van vertrouwen door middel van accurate gegevens werd benadrukt.
De top behandelde ook sociaaleconomische kwesties, waaronder de impact van de verhoging van het minimumloon en de armoedecijfers op de BES-eilanden. Deelnemers benadrukten de dringende noodzaak voor de Rekenkamer om transparantie en verantwoording op de eilanden te waarborgen, en benadrukten de noodzaak van gezamenlijke actie tussen de eilanden om de financiële gevolgen aan te pakken.
In een bredere context werden de implicaties van veranderingen in de bestuursstructuur van Caribisch Nederland besproken, waarbij zorgen werden geuit over de afname van lokale autoriteit. Gezien het belang van dit onderwerp werd voorgesteld de bijeenkomst te verlengen na afloop van de formele BES-Top, om deze bestuur kwesties verder te onderzoeken en ervoor te zorgen dat de lokale stem vertegenwoordigd blijft in het besluitvormingsproces.
Tijdens deze dag namen de Eilandsraden ook de tijd om terug te blikken op het feit dat dit jaar het 15-jarig jubileum van de huidige constitutionele status van de eilanden markeert. Op 10-10-10 werden de drie eilanden in deze huidige structuur met elkaar verbonden. Tijdens dit reflectiemoment werd teruggeblikt op het ontstaan, de intentie, de uitvoering en de ervaringen met betrekking tot de huidige BES-status. Er werd gereflecteerd op de verbeteringen en vorderingen die in deze periode zijn geboekt, maar ook op de achteruitgang en constitutionele tekortkomingen die in deze periode zijn toegenomen. Een diepgaande analyse met data en historische informatie zal volgen om de huidige staat van de BES-eilanden beter te begrijpen.
Gezegd dient te worden dat naast de BES-Top de eilandraden ook presentaties kregen over voedselveiligheid op Bonaire en mogelijke samenwerkingen op het gebied van onderzoek hiernaar. Er werd een presentatie gegeven over de haven van Bonaire, inclusief uitdagingen en praktische aspecten, en een presentatie over de vernieuwde bibliotheek van Bonaire en de ondersteunende rol die deze speelt voor de lokale bevolking. De focus lag ook op landbouw en de mogelijkheden voor lokale boeren en lokale kleinschalige productie.
De BES-eilandraden bevestigen hun inzet voor transparantie, constructieve samenwerking en goed bestuur, en benadrukken het belang van voortdurende publieke betrokkenheid bij het vormgeven van de toekomst van hun eilanden.
GIPHY App Key not set. Please check settings