ANUNSIO PÚBLIKO DI DESTAHO DAWARI : PREPARASHON PA KONSTRUKSHON I STRUKTURASHON I EMISHON DI ÁREANAN DI DESAROYO C, D I RINCON PARIBA

Kralendijk – Entidat Públiko Boneiru, representá pa e ‘Programma Bureau Uitvoering Woondeal (PB-UW)’, ta anunsiá tres destaho nobo: emishon di e áreanan di desaroyo C i D den e área Dawari, preparashon di e área di eksplotashon Rincon Pariba pa konstrukshon i strukturashon. Ta publiká e destahonan na mes momentu. Partidonan riba merkado por inskribí pa un òf mas komponente.

Destaho pa terenonan di desaroyo C i D (Dawari)

Den e área Dawari ta pone dos tereno di desaroyo nobo na destaho: área residensial C i área residensial D. Ta invitá partidonan riba merkado pa entregá un oferta pa un òf pa tur dos tereno. E dunadó di tarea por otorgá e terenonan na e mesun kandidato òf na diferente kandidato.

E informashon kompleto tokante e dos área di desaroyo, inkluyendo grandura i ubikashon di e terenonan residensial C i D, e kantidat di bibienda ku ta bai realisá, e kuadronan di planifikashon urbano i programátiko, e reglanan di destaho i e kriterionan di otorgashon, ta disponibel via bonairewoondeal.com.

Destaho pa preparashon pa konstrukshon i uso residensial (Rincon Pariba)

Pa e área di eksplotashon Rincon Pariba ta pone e preparashon pa konstrukshon i uso residensial na destaho. Ta trata di konstrukshon di e infrastruktura i di strukturashon di e tereno ku ta nesesario pa prepará e tereno pa kontrukshon di bibienda, entre otro stabilisashon di e tereno, kamindanan di konekshon, kloaka i un instalashon di purifikashon di awa desentral. Den e área ta bai realisá mas òf ménos 50 bibienda, repartí atraves di dos tereno residensial. Desaroyo di e dos terenonan residensial akí no ta forma parti di e destaho akí i na un momentu mas despues ta pone esakinan separadamente riba merkado.

E informashon kompleto tokante e destaho akí, inkluyendo e bestèk (spesifikashonnan), e reglanan di destaho i e kriterionan di otorgashon, ta disponibel via bonairewoondeal.com.

Mas informashon

Bishitá e página di informashon di destaho: bonairewoondeal.com. Pa pregunta bo por tuma kontakto via: info@bonairewoondeal.com.

For di e anunsio akí no por derivá ningun derecho. Kontenido i planifikashon ta indikativo i nan por kambia.     

FUENTE: OLB/LIVE99FM

NEDERLAND:

PUBLIEKE AANKONDIGING TENDER DAWARI : BOUW- EN WOONRIJP MAKEN EN UITGIFTE VAN ONTWIKKELVELDEN C, D EN RINCON PARIBA

Kralendijk – Het Openbaar Lichaam Bonaire (OLB), vertegenwoordigd door het Programma Bureau Uitvoering Woondeal (PB-UW), kondigt hierbij drie nieuwe tenders aan: de uitgifte van de ontwikkelvelden C en D in het gebied Dawari, en het bouw- en woonrijp maken van het exploitatiegebied Rincon Pariba. De tenders worden gelijktijdig gepubliceerd. Marktpartijen kunnen op één of beide onderdelen inschrijven.

Tender ontwikkelvelden C en D (Dawari)

In het gebied Dawari worden 2 nieuwe ontwikkelvelden getendeerd: woonveld C en woonveld D. Marktpartijen worden uitgenodigd om voor één of beide velden een bieding uit te brengen. De opdrachtgever kan de velden aan dezelfde of aan verschillende gegadigden gunnen.

De volledige informatie over de twee ontwikkelvelden, waaronder de omvang en ligging van woonveld C en D, het aantal te realiseren woningen, de stedenbouwkundige en programmatische kaders, de spelregels van de tender en de gunningscriteria, is beschikbaar via bonairewoondeal.com.

Tender bouw- en woonrijp maken (Rincon Pariba)

Voor het exploitatiegebied Rincon Pariba wordt het bouw- en woonrijp maken getendeerd. Het gaat om de aanleg van de infrastructuur en de terreininrichting die nodig zijn om het gebied gereed te maken voor woningbouw, waaronder grondwerk, ontsluitingswegen, riolering en een decentrale waterzuiveringsinstallatie. In het gebied worden circa 50 woningen gerealiseerd, verdeeld over twee woonvelden. De ontwikkeling van die woonvelden maakt geen onderdeel uit van deze tender en wordt op een later moment afzonderlijk in de markt gezet.

De volledige informatie over deze tender, waaronder het bestek, de uitvoeringstermijn, de spelregels van de tender en de gunningscriteria, is beschikbaar via bonairewoondeal.com.

Meer informatie

Bezoek de tenderinformatiepagina: bonairewoondeal.com. Voor vragen kunt u contact opnemen via: info@bonairewoondeal.com.

Aan deze aankondiging kunnen geen rechten worden ontleend. Inhoud en planning zijn indicatief en kunnen wijzigen.