MENTALIDAT DI KONSEHAL DI KONSEHO INSULAR MESTER KAMBIA.

Kralendijk,- Ami Jacinto Carlo, ta kere ku e nivel di konseho insular mester kambia,  pa esaki sosodé e “mindset” mentalidat di e miembronan di konseho insular mester keda kambia.

Sin e kambio di “mindset” ta imposibel ku e nivel di konseho insular lo subi. Den mi opinion no ta nesesariamente hasi polítika, ta nifiká “semper”, mester ta polítika sushi,  di mala fe, tambe destruktivo.

Ta p’esei den konseho insular tin unidat di palabra. Por kontesta otro mes ora i pueblo a tende kiko a keda bisa i e pueblo por saka konklushon.  Na Hulanda kaminda mi a biba pa hopi aña mi no a mira polítika asina baho. Ta debatí i ta bai fuerte tokante e tópiko i echo, tambe buska progreso riba e tópiko. No personal, òf kibra karakter di otro. Mira na hermana isla Aruba. Nan por ta fuerte kontra otro pero ora ta trata na bienestar di e pais Aruba ta uni i ta koperá.

Santa Clara

Mi ke a elaborá riba e asuntu di benta di tereno na Santa klara. Frakshon di MPB den konseho insular ta saka un karta ku pregunta tokante e benta, ku probablemente por tin konflikto di interes. E komunikado ta tantu na papiamentu i hulandes. E pueblo sa ku den konseho insular e frakshon di MPB ta “ konsehal Thielman”. Esaki a keda hasi pa bruha e pueblo òf skondí konsehal Thielman su nòmber tras di frakshon MPB?. Nos hendenan a bira sabi ta analisá i no ta mes un hendenan di binti aña pasa. Mi no tin nada kontra ku konsehal nan ta hasi nan trabou i ta hasi pregunta i ta kritiko ku nan ponensia. Esaki pa tene e gobernashon sende i funshoná optimal. Tur kos ta dependé kon ta fórmula e preguntanan i e komunikado.

 Mi lo no kansa di bisa esaki.

Ban eduká, kòrda ku konsehal nan aktuashon ta refleho di kiko ta sosodé den nos komunidat.

Set di ladron

Mi simpel pregunta tras di preguntanan di MPB!!  Enbèrdat nan ta ke sa e profundidat  di e kaso? Òf ta pa kibra e figura polítiko konserní? difamá e gobernashon, daña nòmber di Boneiru? Ku e ponensia,  esnan ku a saka e komunikado,( karta)  ta haña mas voto!!! Òf ta trese Boneiru den desbentaha?. No ta aki na Boneiru so e preguntanan ta keda lesa. Awendia rònt mundu por lesa kualke publikashon. Hasta pa esnan ku no por lesa papiamentu i komprondé. Por pidi AI pa tradusí esaki na nan idioma. Analisá e publikashon pa boso mes kiko e publikashon aki ta nifiká pa Boneiru.  Daña nòmber di Boneiru, e gobernashon i tambe tur polítiko aktivo di Boneiru. Hulanda ya kaba tin nos komo un “stèl di ladron” (boef). Ku tipo di publikashon asina, ta kaba konfirmá pensamentu di Hulanda.

Aki a trobe mester di kambio di mindset, pa hasi nivel di polítika i di konseho Insular.

Konsekuensia general.

No tira kos den haltu i lag’é bai biba su bida numa. Wak e konsekuensia general ku esaki por tin kuné. Mi ta sinti falta di buska drechi promé òf analisá i investigá pa sa e profundidat. Kada bes di nobo ora e berdadero bèrdat bin dilanti e konsekuensia negativo ta hasi kaba, nòmber di Boneiru i e polítikonan aktivo, a keda daña.  

Tambe mi a tuma nota ku komentaristanan, publikábo nan, den sierto sentido ta ripití lokual bin dilanti i komentá tur dia, manera e kaso ta bèrdat. Talbes sin nan mes analisá i profundisá riba lokual ta den ròndu. Ta p’esei por a tuma nota ku nan sintonia a baha kasi kompleto. Hendenan no ta skucha kos ku no ta  yuda nan siña i bai dilanti. Tampoko nan no aklará kos ku echo i ku sifra pa prueba nan mes.

Talbes mi a dal e klabu riba su kabes ku mi ekspreshon. E Shon ta kere ku ta e so sa tur kos mihó ku tur hende aki na Boneiru.  Tambe tin vários ku ta kere ku nan por goberná sin e mandato di pueblo i ku nan ta sintá ainda, riba e stul di gobernashon. Famia mi ta sigui skirbi tanten Dios duna mi e forsa i sabidoria pa sigui.  

FUENTE: JACINTO J CARLO.