A ENKONTRA KURPA TA DRIF DEN LAMAN.

Biyete di sèn falsu

Djárason 8 di òktober a mèldu na warda di polis tokante probablemente biyetenan di sèn falsu ku ta den sirkulashon. Ta trata di biyetenan di 5 i 10 dòler merikano. A konfiská e biyetenan di sèn pa mas investigashon.

Aksidente entre dos outo

Djamars 7 di òktober, alrededor di 6.40 or di anochi, ‘meldkamer’ sentral a risibí notifikashon tokante un aksidente ku herido entre dos outo riba Kaya Nikiboko Sùit. Shofùr di outo 1 tabata keha di doló i personal di ambulans a dun’é tratamentu médiko na e sitio mes. No mester a transport’é pa hòspital. A hasi chekeo médiko ku shofùr di outo 2 tambe. Shofùr di outo 2 a haña but pa manehá sin reibeweis i sin seguro bálido. Konforme e maneho di ‘botsen is blazen’, a hasi un tèst di supla ku ámbos shofùr, ku resultado negativo.

Butnan pa stashoná robes

Den oranan di atardi di djamars 7 di òktober a duna but na shofùr di vários vehíkulo ku tabata stashoná robes òf riba asera den Centrumgebied. Tambe a tou algun vehíkulo. Asta si e shofùrnan kier a kita nan vehíkulo na e momentu ei, tòg nan a haña un but. A duna total ocho (8) but i kran a tou tres (3) vehíkulo.

Kuerpo Polisial Hulanda Karibense (KPCN) ta atvertí ku lo tou vehíkulonan mal stashoná na sitionan ku no ta permití. Personanan ku kometé violashon por haña un but i e gastunan di tou ta bini riba kuenta di e shofùr di e vehíkulo.

Tuma bo responsabilidat komo usuario di karetera i kontribuí na un tráfiko seif.

Ladronisia for di kònteiner

Djamars 7 di òktober a drenta keho di kiebro i ladronisia for di un kònteiner riba tereno di un kas den konstrukshon na Kaya Xylofon den Nikiboko. Deskonosínan a haña akseso na e kònteiner dor di destruí e kandalnan. Nan a bai ku un generator di e marka Firman i vários hèrmènt, manera mashin di skruf, mashin di sleip, dos martin, un zag di sírkulo i un motor di boto. Ta investigando e kaso.

 

A topa ku persona ta drif den laman

Djaluna 6 di òktober, alrededor di 5.25 or di atardi, ‘meldkamer’ sentral a risibí notifikashon tokante un persona ku a topa ku tabata drif den laman na Chachacha Beach situá na Kaya C.E.B. Hellmund. Presentenan a saka e víktima for di laman i e tabata for di su konosementu. Por a konstatá ku e víktima tabatin un herida na su kabes. Na yegada di polis i ambulans a kuminsá mesora ku reanimashon i despues a transportá e víktima ku urgensia pa hòspital. A resultá di ta trata di un turista krusero. Kousa di loke ku a sosodé ainda no ta konosí.

Ladronisia na bich

Djaluna 6 di òktober a drenta keho di ladronisia for di un gòlfkar ku tabata stashoná na ‘Te Amo Beach’ situá na Kaya Internashonal. Miéntras ku e gòlfkar tabata for di bista di e okupantenan, deskonosínan a bai ku un tas di lomba ku kontenido for di e vehíkulo. Ta trata di un tas di lomba koló kòrá ku un telefòn selular di e marka iPhone 15, un pòtmòni, un brel di solo, karchinan i sèn kèsh komo kontenido. Ta investigando e kaso.

Insidente

Djaluna 6 di òktober, alrededor di 12.50 or di mèrdia, ‘meldkamer’ sentral a risibí notifikashon tokante un insidente na e kosta na altura di Sabana Piedra Krus. Dos persona, bou di kua un ménor di edat, tabata na e kosta riba e barankanan ta wak laman na momentu ku un ola grandi a dalnan. Dor di e ola, ámbos persona a kai riba e barankanan, dor di kua nan a resultá seriamente heridá. Ambulans a transportá nan pa hòspital pa tratamentu médiko.

Bringamentu ta terminá den hinkamentu

Djadumingu 5 di òktober, alrededor di 10.50 or di anochi, ‘meldkamer’ sentral a risibí notifikashon tokante bringamentu na un kas na Kaya Juruena. Ámbos partido a resultá heridá despues di kua a transportá un di e víktimanan ku un outo privá pa hòspital. Na yegada di polis a pidi presensia di ambulans tambe na e adrès, pa motibu ku e víktima ku a keda na e sitio, tabatin mordénan. Seguidamente a transportá e víktima aki tambe pa hòspital pa tratamentu médiko. E patruya despues tambe a bai hòspital.

Alrededor di 12 or di mardugá, e patruya a mèldu ku tin un bringamentu entre un grupo di mas o ménos ocho persona na hòspital. Aki a hinka un di e víktimanan ku a kaba sali for di hòspital. Personal di ambulans a hiba e víktima paden bèk pa tratamentu médiko.

Relashoná ku e kaso di hinkamentu aki, a detené un dama di inisial B.M.d.l.C. di 42 aña di edat na Kaya Soeur Bartola pa intento di homisidio i maltrato ku un arma. A konfiská e kuchú tambe pa mas investigashon.

Investigashon den e kaso ta kontinuá.

Detenshon pa manehá bou di influensia di alkohòl

Den wikènt último a detené un shofùr bou di influensia di alkohòl. A hasi un tèst di supla kuné ku resultado positivo. Pa e motibu aki a detené i a hib’é warda di polis pa un análisis di rosea.

Ta trata di un hòmber di inisial J.L.B.A. di 43 aña di edat despues ku el a dal ku su vehíkulo den un vehíkulo ku tabata stashoná na Hanchi Amboina. A konfiská su reibeweis.

A topa ku pikòp hòrtá

Djadumingu 5 di òktober, alrededor di 1.30 or di atardi, ‘meldkamer’ sentral a risibí notifikashon tokante un vehíkulo hòrtá, un pikòp koló pretu di e marka Toyota Hilux. E doño por a sigui e lokashon di e vehíkulo i e mes a topa ku esaki riba Kaya Tintorero. Na yegada di polis a haña e vehíkulo kantu di kaya ku daño signifikante na e parti dilanti. A entregá keho di ladronisia i ta investigando e kaso.

Ladronisia di baiskelnan eléktriko

Djasabra 4 di òktober a drenta keho di ladronisia di dos baiskel eléktriko. Deskonosínan a bai ku dos ‘fatbike’ koló pretu, modèl V8. E baiskelnan tabata stashoná na lòk, dilanti den kurá di un kas na Kaya Embira. Ta investigando e kaso.

Aksidente entre dos outo

Djabièrnè 3 di òktober, alrededor di 2.50 or di atardi, un aksidente ku herido a tuma lugá riba Kaya Internashonal. Dos outo lo a dal den otro. Na yegada di polis, personal di ambulans a duna tratamentu na shofùr di outo 1 i a transport’é pa hòspital pa tratamentu médiko. Konforme e maneho di ‘botsen is blazen’, a hasi un tèst di supla ku shofùr di outo 2, ku resultado negativo. Debí na prioridat di kuido médiko, shofùr di outo 1 no por a hasi un tèst di supla.

A topa ku baiskel probablemente prosedente di ladronisia

Djabièrnè 3 di òktober, alrededor di 1.30 or di atardi, ‘meldkamer’ sentral a risibí notifikashon tokante un ‘fatbike’ ku a topa den un mondi na Kaya Viol. E baiskel tabata parse di ta skondí i tabata probablemente prosedente di ladronisia. Polis a konfiská e baiskel pa investigashon mas aleu.

Kòntròl di velosidat

Djabièrnè 3 di òktober a tene un kòntròl di tráfiko dirigí riba velosidat di vehíkulonan. E kòntròl a tuma lugá riba Kaya Cacique i Kaya Caribe den Nort’i Saliña. A midi velosidat di e vehíkulonan ku tabata aserkando ku un mididó di velosidat spesial (lasergun).

Riba Kaya Cacique i Kaya Caribe e velosidat máksimo ku ta pèrmití ta 40 km pa ora. Durante e kòntròl a duna sinku (5) but pa surpasá e velosidat máksimo ku ta pèrmití den área urbanisá (bebouwde kom). E velosidat ku a midi tabata entre 50 pa 67 km pa ora.

KPCN lo kontinuá ku e tipo di kòntròl dirigí riba velosidat na diferente parti di nos isla i ta atvertí tur outomobilista pa paga tinu riba nan velosidat. Den área urbanisá (bebouwde kom), 40 km pa ora ta e velosidat máksimo permití i pafó di bebouwde kom ta 60 km pa ora.

Bo a mira algu sospechoso? Yama 717 8000 òf e liña di tep anónimo 9310.

FUENTE: KPCN/LIVE99FM

NEDERLANDS:

POLITIEBERICHTEN VAN VRIJDAG 3 OKTOBER TOT EN MET WOENSDAG 8 OKTOBER 2025

Valse geldbiljetten

Op woensdag 8 oktober werd bij het politiebureau melding gedaan van vermoedelijk valse geldbiljetten die in circulatie zijn. Het betreft biljetten van 5 en 10 Amerikaanse dollars. De geldbiljetten zijn in beslag genomen voor nader onderzoek.

Aanrijding tussen twee auto’s

Op dinsdag 7 oktober, rond 18:40 uur, kreeg de centrale meldkamer melding over een aanrijding met letsel tussen twee auto’s op de Kaya Nikiboko Zuid. De bestuurster van auto 1 klaagde over pijn en werd ter plaatse medisch behandeld door het ambulancepersoneel. Zij hoefde niet te worden overgebracht naar het ziekenhuis. De bestuurder van auto 2 werd ter plaatse eveneens medisch gecontroleerd. De bestuurder van auto 2 kreeg een bekeuring voor het rijden zonder rijbewijs en zonder geldige verzekering. Conform het ‘botsen is blazen’ beleid werd bij beide bestuurders een blaastest afgenomen, met een negatief resultaat.

Bekeuringen voor fout parkeren

In de middag van dinsdag 7 oktober zijn de bestuurders van meerdere voertuigen die op trottoirs of foutgeparkeerd stonden in het centrumgebied bekeurd. Sommige voertuigen werden ook weggesleept. Ook als de bestuurders op dat moment hun voertuig wilden verplaatsen, werden zij alsnog beboet. In totaal zijn acht (8) bekeuringen uitgeschreven en drie (3) voertuigen werden weggetakeld.

Het Korps Politie Caribisch Nederland (KPCN) waarschuwt dat foutgeparkeerde voertuigen op niet-toegestane locaties zullen worden weggesleept. Overtreders kunnen een boete krijgen en de kosten voor het wegslepen zijn voor rekening van de bestuurder van het voertuig.

Neem uw verantwoordelijkheid als verkeersdeelnemer en draag bij aan een veilig verkeer.

Diefstal uit container

Op dinsdag 7 oktober werd aangifte gedaan van inbraak en diefstal uit een container op een terrein bij een woning in aanbouw aan de Kaya Xylofon in de wijk Nikiboko. Onbekenden hebben zich toegang verschaft tot de container door de hangsloten te vernielen. Ze hebben een generator van het merk Firman en diverse gereedschappen meegenomen, waaronder een schroefmachine, een slijpmachine, twee hamers, een cirkelzaag en een buitenboordmotor. De zaak wordt onderzocht.

Persoon drijvend aangetroffen in zee

Op maandag 6 oktober, rond 17:25 uur, kreeg de centrale meldkamer melding over een persoon die drijvend in zee werd aangetroffen bij Chachacha Beach aan de Kaya C.E.B. Hellmund. Het slachtoffer werd door omstanders uit de zee gehaald en was buiten bewustzijn. Er werd waargenomen dat het slachtoffer ook een hoofdletsel had. Bij aankomst van de politie en de ambulance werd direct met reanimatie gestart en het slachtoffer werd met spoed naar het ziekenhuis overgebracht. Het bleek te gaan om een toerist van een cruiseschip. De oorzaak is nog onbekend.

Diefstal bij strand

Op maandag 6 oktober werd aangifte gedaan van diefstal uit een golfkar die geparkeerd stond bij het strand genaamd ‘Te Amo Beach’, gelegen aan de Kaya Internashonal. Terwijl de golfkar buiten het zicht van de inzittenden was, hebben onbekenden een rugzak met inhoud uit het voertuig meegenomen. Het betreft een rode rugzak met als inhoud een mobiele telefoon van het merk iPhone 15, een portemonnee, een zonnebril, kaartjes en contant geld. De zaak wordt onderzocht.

Ongeval

Op maandag 6 oktober, rond 12:50 uur, kreeg de centrale meldkamer melding over een ongeval bij de kust ter hoogte van Sabana Piedra Krus. Twee personen, waaronder een minderjarige, waren bij de kust op de rotsen naar de zee aan het kijken toen een grote golf hen neersloeg. Door de golf vielen beide personen op de rotsen, waardoor zij flink gewond raakten. Zij werden met de ambulance naar het ziekenhuis gebracht voor medische behandeling.

Vechtpartij eindigd in steekincident

Op zondag 5 oktober, rond 22:50 uur, kreeg de centrale meldkamer melding over een vechtpartij bij een woning aan de Kaya Juruena. Beide partijen raakten gewond, waarna één van de slachtoffers met een privéauto naar het ziekenhuis werd gebracht. Bij aankomst van de politie werd ook een ambulance naar het adres gestuurd, omdat het slachtoffer dat ter plaatse bleef, beetwonden had opgelopen. Dit slachtoffer moest vervolgens ook naar het ziekenhuis worden overgebracht voor medische behandeling. De patrouille verplaatste zich hierop ook naar het ziekenhuis.

Rond 00:00 uur meldde de patrouille dat er bij het ziekenhuis een vechtpartij gaande was tussen een groep van ongeveer acht personen. Hierbij werd één van de slachtoffers die net het ziekenhuis verliet, neergestoken. Het slachtoffer werd door het ambulancepersoneel direct weer naar binnen gebracht voor medische behandeling.

In verband met dit steekincident werd een 42-jarige vrouw met de initialen B.M.d.l.C. ter plaatse aangehouden aan de Kaya Soeur Bartola voor poging doodslag en mishandeling met een wapen. De mes werd ook in beslag genomen voor verder onderzoek.

Het onderzoek in de zaak loopt.

Aanhouding voor het rijden onder invloed van alcohol

In het afgelopen weekend werd één bestuurder aangehouden voor het rijden onder invloed van alcohol. Bij hem werd een blaastest afgenomen met een positief resultaat. Hierop is hij aangehouden en naar het politiebureau gebracht voor een ademanalyse.

Het betreft een 43-jarige man met de initialen J.L.B.A. die met zijn voertuig tegen een stilstaand voertuig op de Hanchi Amboina was gebotst. Zijn rijbewijs werd ingevorderd.

Gestolen pick-up aangetroffen

Op zondag 5 oktober, rond 13:30 uur, kreeg de centrale meldkamer melding over een gestolen voertuig, een zwarte pick-up van het merk Toyota Hilux. De eigenaar kon de locatie van het voertuig volgen en trof deze zelf aan op de Kaya Tintorero. Bij aankomst van de politie werd waargenomen dat het voertuig, met aanzienlijke schade aan de voorkant, langs de weg stond. Er werd aangifte van diefstal gedaan en de zaak wordt onderzocht.

Diefstal van elektrische fietsen

Op zaterdag 4 oktober werd aangifte gedaan van diefstal van twee elektrische fietsen. Onbekenden hebben twee zwarte fatbikes, model V8, meegenomen. De fietsen stonden op slot geparkeerd in de voortuin van een woning aan de Kaya Embira. De zaak wordt onderzocht.

Aanrijding tussen twee auto’s

Op vrijdag 3 oktober, rond 14:50 uur, heeft er op de Kaya Internashonal een aanrijding met letsel plaatsgevonden. Twee auto’s zouden tegen elkaar zijn gebotst. Bij aankomst van de politie werd de bestuurder van auto 1 door het ambulancepersoneel behandeld en voor verdere zorg naar het ziekenhuis overgebracht. Conform het ‘botsen is blazen’ beleid werd bij de bestuurder van auto 2 een blaastest afgenomen, met een negatief resultaat. Vanwege de prioriteit van medische zorg kon de bestuurder van auto 1 geen blaastest ondergaan.

Fiets vermoedelijk afkomstig van diefstal aangetroffen

Op vrijdag 3 oktober, rond 13:30 uur, kreeg de centrale meldkamer melding over een fatbike die was aangetroffen in de bosjes aan de Kaya Viol. De fiets leek verstopt te zijn en was vermoedelijk afkomstig van diefstal. De politie heeft de fiets meegenomen ten behoeve van nader onderzoek.

Snelheidscontrole 

Op vrijdag 3 oktober werd een verkeerscontrole gehouden gericht op de snelheid van voertuigen. De controle vond plaats aan de Kaya Cacique en Kaya Caribe in Noord Saliña. Met een lasergun werd de snelheid van naderende auto’s gemeten.

Op de Kaya Cacique en Kaya Caribe is de toegestane snelheid 40 km/uur. Tijdens de snelheidscontrole werden in totaal vijf (5) bekeuringen uitgeschreven voor het overschrijden van de maximale toegestane snelheid in de bebouwde kom. De snelheid die gemeten werd, lag tussen de 50 en 67 km/uur.

Het KPCN zal op verschillende locaties op het eiland snelheidscontroles blijven uitvoeren en waarschuwt automobilisten om op hun snelheid op de weg te letten. In de bebouwde kom is de maximumsnelheid 40 km/uur en daarbuiten 60 km/uur.

Heeft u iets verdachts gezien? Bel 911 of 717 8000 of de anonieme tip lijn 9310.