WIKÈNT ÚLTIMO POLIS A TENE ÈKSTRA SUPERVISHON PREVENTIVO DEN KAYA GRANDI I BESINDARIO, DIRIGÍ RIBA KOMBATÍ MOLÈSTER DI BRÒMER I FIVERMENTU

Detenshon pa violashon Lei di Arma di Kandela

Djaluna 29 di sèptèmber, alrededor di 11:20 or di mainta, e Grupo di Tarea Spesial (GBO) a hasi un detenshon na Kaya Neerlandia, relashoná ku e investigashon andando den e kaso di tiroteo ku a tuma lugá den mardugá di djadumingu 8 di yüni. A detené e hòmber di inisial O.O.C. di 22 aña di edat pa violashon di Lei di Arma di Kandela BES.

Relashoná ku e detenshon aki e tene un entrada hudisial den un kas na Kaya Herman J. Pop den Playa Pabou. Aki a konfiská artíkulonan relevante pa e investigashon. Investigashon den e kaso ta kontinuá.

Detenshonnan pa manehá bou di influensia di alkohòl

Den wikènt último a detené dos shofùr ku tabata manehá bou di influensia di alkohòl. A hasi un tèst di supla ku nan ku resultado positivo. Pa e motibu aki a detené nan i hiba nan warda di polis pa un análisis di rosea.

A detené un hòmber di inisial B.S.A.B. di 20 aña di edat despues ku el a dal den kurá di un kas na Kaya Silesi. A resultá ku e shofùr no tin reibeweis i el a haña but pa esaki.

A detené un hòmber di inisial J.G.S.N. di 71 aña di edat na Kaya Nikiboko Sùit despues ku el a dal den un otro vehíkulo. El a haña un prohibishon pa manehá di 3 ora.

Trùk na kandela
Djaluna 29 di sèptèmber, alrededor di 2 or di mardugá, ‘meldkamer’ sentral a risibí notifikashon tokante un trùk, ku ta uza komo skol di wentsùrf móbil, ta na kandela riba e bich di Sorobon. Na yegada di Brantwer, e kabina di e trùk tabata kompletamente na kandela. Brantwer a paga e kandela. Kousa di e kandela ainda no ta konosí.

Detenshon pa (intento di) homisidio

Djadumingu 28 di sèptèmber, alrededor di 5’or di atardi, ‘meldkamer’ sentral a risibí notifikashon tokante un outo ku a alkansá un persona riba Kaya Zircön, na Republiek. Na yegada di ambulans a kuminsá ku reanimashon i despues a transportá e víktima ku urgensia pa hòspital pa tratamentu médiko mas avansá.

Na e sitio, polis a detené e shofùr, un hòmber di inisial M.A.A.V. di 65 aña di edat pa (intento di) homisidio, maltrato severo i maltrato ku un arma. A konfiská e vehíkulo pa mas investigashon.

Den oranan di anochi riba e mesun dia, polis a risibí notifikashon tokante fayesimentu di e dama di inisial M.T.A.L.Q di 43 aña di edat, nasé riba 16 di sèptèmber 1982, na Peru.

Diferente notifikashon tokante bringamentu
Durante wikènt ku a pasa, riba djasabra, djadumingu i djaluna mardugá, polis a risibí diferente notifikashon tokante bringamentu na vários sitio. Entre otro na un bar na Kaya Bonaire, ku na yegada di polis na e sitio, a kore ku tur hende for di e sitio.

Tambe a drenta notifikashon tokante bringamentu entre un grupo di persona na un establesimentu di hóreka na Kaya Nikiboko Nort. Na yegada di polis, no tabatin ningun bringamentu mas andando, pero a topa ku rastro di sanger riba kaya.

A drenta tambe un otro notifikashon tokante bringamentu entre un grupo di persona den Centrumgebied. Na yegada di polis, a tuma nota ku tabatin un bringamentu, pero e personanan enbolbí no ke a duna ningun deklarashon.

Polis ta tuma e notifikashonnan aki na serio, ta keda vigilá esaki i lo aktua kaminda ta nesesario.

Kandela den kas
Djadumingu 28 di sèptèmber, alrededor di 4.10 or di atardi, ‘meldkamer’ sentral a risibí notifikashon tokante kandela den un kas na Kaya Mariana, di kua por a skucha eksploshon tambe. Ademas a resultá ku tabatin un persona den e kas. Na yegada di brantwer, a lanta e persona for di soño i hib’é pafó, despues di kua a paga e kandela. E persona a indiká ku e no mester di asistensia médiko. E parti di e kas ku e tabata drumi, no tabata na kandela. Kousa di e kandela no ta konosí..

Detenshon pa ladronisia
Djadumingu 28 di sèptèmber, alrededor di 12.45 or di mèrdia, a detené un dama di inisial C.S. di 26 aña di edat na warda di polis. Ta sospech’é di ladronisia di un pòtmòni ku kontenido na un supermerkado na Kaya Industria. Ta investigando e kaso.

Quad ta dal den muraya
Djasabra 27 di sèptèmber, alrededor di 2 or di atardi, un quad a dal den kurá di kas na Kaya Utrecht. E shofùr menor di edat a resultá heridá. Na yegada, polis no a topa ku niun hende. Despues a resultá ku a transportá e víktima ku un outo privá pa hòspital. Deskonosínan a bai ku e quad tambe i polis a papia serio ku e mayor di e menor di edat pa laga e mucha manehá riba kaminda públiko.

Ladronisia for di vehíkulonan
Djasabra 27 di sèptèmber, a drenta keho di ladronisia for di un outo riba un lugá di parker serka di un establesimentu di hóreka na Bulevar Gobernador N. Debrot. Deskonosínan a bai ku un telefòn mobil di marka Samsung Galaxy, modelo A53.

Riba djasabra 26 di sèptèmber, a hasi denunsia di ladronisia for di un pikòp di hür ku tabata stashoná na e sitio di sambuyá Sweet Dreams na E.E.G. Boulevard. Deskonosínan a kibra e bentana patras di e vehíkulo i a bai ku un tas di man blou i un tas di lomba pretu. Den e tas tabatin, entre otro, dos iPhone modelo 15 i 17, un linterna di sambuyá ku su kargadó, i un pòtmòni ku kontenido.

Polis ta investigá tur dos kaso.

Detenshon, konfiskashon di outo i butnan na Kaya Grandi
Wikènt último polis a tene èkstra supervishon preventivo den Kaya Grandi i besindario, dirigí riba kombatí molèster di bròmer i fivermentu. E vigilansia aki ta kontribuí na seguridat den e área i ta redusí e molèster.

Durante e supervishon, a duna vários shofùr atvertensia pa diferente violashon manera kore ku lus defekto, falta di un plachi di number dilanti, transportá mucha sin stul spesial pa mucha i pa manehá sin faha di seguridat bistí. Den algun kaso, a duna atvertensia na shofùrnan sin reibeweis i a pèrmití un shofùr ku reibeweis bálido pa sigui bai ku e vehíkulo. Tambe a papia ku hóbennan riba nan komportashon ku e-bikes, manera kore sin lus i pa kore hasi kenshi riba kaya i entre outonan.

Polis a duna total 7 but:

3x pa no tin un plachi di number dilanti;

1x pa manehá den direkshon prohibí;

1x pa manehá sin reibeweis;

1x pa no kumplí ku señal di polis pa para;

1x pa kousa peliger òf komportashon opstruktivo di manehá.

Durante e supervishon aki, un shofùr no a kumpli ku señal di polis pa para i kasi a dal un agente polisial ku su vehíkulo. Seguidamente e shofùr a hui ku velosidat haltu. Un outo ku tabata bini den direkshon kontrali mester a desviá pa evitá un aksidente.

Kòrtiku despues, polis a topa ku e vehíkulo riba un tereno na Kaya L.D. Gerharts. A detené e shofùr, un hòmber di inisial A.V.C.M. di 20 aña di edat pa no a kumplí ku señal di polis pa para i intento di maltrato severo. Ademas, e no por a identifiká su mes i a detené tambe pa violashon di e Lei di Identifikashon BES. A konfiská e outo.

A para un otro shofùr despues ku el a skuer (drift) ku su vehíkulo. Polis a atendé severo kuné tokante su komportashon di manehá imprudente i el a pidi su diskulpa. Un tèst di supla a konfirmá ku e no tabata bou di influensia di alkohòl.

Ku e akshonnan aki, a aktua kontra diferente forma di manehá peligroso i molestioso den Kaya Grandi i bisendario. Di e manera aki por a duna but pa e diferente violashon.

Kòntròl di tráfiko

Djabièrnè 26 di sèptèmber, a tene un kòntròl di tráfiko riba Bulevar Miguel A. Pourier den Rincon. A para i kontrolá diferente vehíkulo di kua a duna 3 but.

E butnan tabata pa lo siguiente:
1x pa manehá sin seguro bálido;

1x pa manehá sin reibeweis bálido;

1x pa no tin faha di seguridat bistí.

Lo tene kòntròl regularmente na kua lo aktua ku man duru na momentu ku shofùrnan no tin e dokumentunan na òrdu i tambe si no ta kumpli ku reglanan di tráfiko.

Bo no ta kumpli ku reglanan? Bo por haña un but. E suma di un but pa e violashonnan menshoná ta varia entre $30 te ku $225.

Bo a mira algu sospechoso? Yama 717 8000 òf e liña di tep anónimo 9310.

FUENTE: KPCN/LIVE99FM

NEDERLANDS:

POLITIEBERICHTEN VAN VRIJDAG 26 SEPTEMBER TOT EN MET MAANDAG 29 SEPTEMBER 2025

Aanhouding voor overtreding Vuurwapenwet

Op maandag 29 september, rond 11:20 uur, heeft de Groep Bijzondere Opdrachten (GBO) een aanhouding verricht aan de Kaya Neerlandia. De aanhouding vond plaats in het kader van het onderzoek naar de schietpartij die in de nachtelijke uren van zondag 8 juni plaatsvond. Een 22-jarige man met de initialen O.O.C. werd aangehouden voor overtreding van de Vuurwapenwet BES.

In verband met deze aanhouding vond een huiszoeking plaats in een woning aan de Kaya Herman J. Pop in de wijk Playa Pabou. Daarbij zijn relevante goederen voor het onderzoek in beslag genomen. Het onderzoek loopt.

Aanhoudingen rijden onder invloed van alcohol

In het afgelopen weekend zijn twee bestuurders aangehouden die onder invloed van alcohol reden. Bij hen werd een blaastest afgenomen met een positief resultaat. Hierop zijn zij aangehouden en naar het politiebureau gebracht voor een ademanalyse

Een 20-jarige man met de initialen B.S.A.B. werd aangehouden nadat hij tegen de omheining van een woning aan de Kaya Silesi was gereden. Hij bleek niet in het bezit te zijn van een rijbewijs en werd hiervoor bekeurd.

Een 71-jarige man met de initialen J.G.S.N. werd aangehouden aan de Kaya Nikiboko Zuid nadat hij tegen een ander voertuig botste. Hij kreeg een rijverbod van 3 uur.

Vrachtwagen in brand

Op maandag 29 september, rond 02:00 uur, kreeg de centrale meldkamer melding dat een vrachtwagen, in gebruik als mobiele windsurfschool, in brand stond op het strand bij Sorobon Beach. Bij aankomst van de brandweer stond de cabine volledig in brand. De brand werd geblust. De oorzaak van de brand is nog onbekend.

Aanhouding voor (poging) doodslag

Op zondag 28 september, rond 17:00 uur, kreeg de centrale meldkamer melding over een auto die een persoon had aangereden op de Kaya Zircön in Republiek. Bij aankomst van de ambulance werd direct gestart met reanimatie waarna het slachtoffer met spoed werd overgebracht naar het ziekenhuis voor verdere medische behandeling.

Ter plaatse heeft de politie de bestuurder, een 65-jarige man met de initialen M.A.A.V., aangehouden voor (poging) doodslag, zware mishandeling en mishandeling met een wapen. Het voertuig werd in beslag genomen.

In de avonduren van diezelfde dag kreeg de politie melding dat het slachtoffer, een 43-jarige vrouw met de initialen M.T.A.L.Q., geboren op 16 september 1982 in Peru, was overleden.

Diverse meldingen over vechtpartijen

In het afgelopen weekend kreeg de politie, in de nachten van zaterdag, zondag en maandag, verschillende meldingen over vechtpartijen op diverse locaties. Onder andere bij een bar aan de Kaya Bonaire waar iedereen bij aankomst van de politie ter plaatse, werd weggestuurd.

Aan de Kaya Nikiboko Noord werd ook melding gemaakt over een vechtpartij tussen een groep personen bij een horecagelegenheid. Bij aankomst van de politie was geen vechtpartij meer gaande, maar werden er bloedsporen op het wegdek aangetroffen.

In het centrumgebied kwam eveneens een melding binnen over een vechtpartij tussen een groep personen. Bij aankomst van de politie was er wel sprake van een vechtpartij, maar de betrokkenen wilden geen verklaring afleggen.

De politie neemt deze meldingen serieus, houdt de situaties in de gaten en blijft optreden waar dat nodig is.

Brand in woning 

Op zondag 28 september, rond 16:10 uur, kreeg de centrale meldkamer melding over brand in een pand aan de Kaya Mariana, waarbij ook explosies te horen waren. Tevens bleek dat er een persoon in de woning aanwezig was. Bij aankomst van de brandweer werd de man wakker gemaakt en naar buiten geleid, waarna de brand geblust werd. De persoon gaf aan geen medische hulp nodig te hebben. Het deel van de woning waar hij sliep, stond niet in brand. De oorzaak van de brand is onbekend.

Aanhouding voor diefstal

Op zondag 28 september, rond 12:45 uur, werd een 26-jarige vrouw met de initialen C.S. aangehouden op het politiebureau. Zij wordt verdacht van de diefstal van een portemonnee met inhoud bij een supermarkt aan de Kaya Industria. De zaak wordt onderzocht.

Quad rijdt tegen muur aan

Op zaterdag 27 september, rond 14:00 uur, reed een quad tegen een muur aan de Kaya Utrecht. De minderjarige bestuurder raakte gewond. Ter plaatse trof de politie niemand meer aan. Later bleek dat het slachtoffer met een privéauto naar het ziekenhuis was gebracht. De quad werd ook door onbekenden meegenomen en de ouder van de minderjarige is streng aangesproken op het laten rijden van een kind op de openbare weg.

Diefstal vanuit voertuigen

Op zaterdag 27 september werd aangifte gedaan van diefstal uit een auto op een parkeerterrein bij een horecagelegenheid aan de Bulevar Gobernador N. Debrot. Onbekenden namen een mobiele telefoon van het merk Samsung Galaxy, model A53, mee.

Op vrijdag 26 september werd aangifte gedaan van diefstal uit een gehuurde pick-up die geparkeerd stond bij duikplaats Sweet Dreams aan de E.E.G. Boulevard. Onbekenden sloegen de achterruit van het voertuig in en namen een blauwe handtas en een zwarte rugzak mee. In de tassen zaten onder andere twee iPhones (modellen 15 en 17), een duiklantaarn met oplader en een portemonnee met inhoud.

Beide zaken worden onderzocht.

Aanhouding, auto in beslag genomen en bekeuringen tijdens actie rondom Kaya Grandi 

Afgelopen weekend heeft de politie weer extra preventief toezicht gehouden in de Kaya Grandi en omgeving, gericht op het tegengaan van overlast door motoren en feveren. Dit draagt bij aan de veiligheid in de omgeving en het verminderen van de overlast.

Tijdens het toezicht werden meerdere bestuurders gewaarschuwd voor verschillende overtredingen, zoals rijden met defecte verlichting, het ontbreken van de voorste kentekenplaat, het vervoeren van kinderen zonder kinderzitje en het rijden zonder gordel. In sommige gevallen werden bestuurders zonder rijbewijs gewaarschuwd. Een bestuurder met een geldig rijbewijs mocht de rit met het voertuig voortzetten. Daarnaast is er gesproken met jongeren over hun gedrag met e-bikes, met name over het rijden zonder verlichting en het roekeloos rijden (stunts uithalen) op de weg en tussen auto’s door.

In totaal zijn 7 bekeuringen uitgeschreven:

3x voor het ontbreken van de voorste kentekenplaat;

1x voor het rijden in verboden richting;

1x voor het rijden zonder rijbewijs;

1x voor het niet voldoen aan een stopteken:

1x voor het veroorzaken van gevaar of hinderlijk rijgedrag.

Tijdens dit toezicht negeerde een bestuurder een stopteken en reed bijna een politieagent aan. Vervolgens vluchtte hij met hoge snelheid. Een tegenligger moest uitwijken om een aanrijding te voorkomen. Kort daarna vond de politie het voertuig op een terrein aan de Kaya L.D. Gerharts. De bestuurder, een 20-jarige man met de initialen A.V.C.M., werd aangehouden voor het negeren van een stopteken en poging tot zware mishandeling. Tevens kon hij zich niet identificeren, waardoor hij ook werd aangehouden voor de overtreding van de Wet Identificatieplicht BES. De auto werd in beslag genomen.

Een andere bestuurder werd staande gehouden nadat hij met zijn voertuig een roekeloze slip (drift) had gemaakt. De bestuurder werd streng aangesproken op zijn rijgedrag en bood excuses aan. Een blaastest wees uit dat hij niet onder invloed van alcohol was.

Met deze acties is opgetreden tegen diverse vormen van gevaarlijk en hinderlijk rijgedrag op de Kaya Grandi en omgeving. Op deze wijze konden bekeuringen worden uitgedeeld voor de verschillende overtredingen.

Verkeerscontrole

Op vrijdag 26 september, werd een verkeerscontrole op de Boulevard Miguel A. Pourier in Rincon uitgevoerd. Er werden verschillende voertuigen gestopt en gecontroleerd, waarbij 3 bekeuringen werden uitgeschreven.

De bekeuringen waren voor het volgende:
1x voor het rijden zonder geldige verzekering;

1x voor het rijden zonder geldige rijbewijs;

1x voor het niet dragen van een veiligheidsgordel.

Er zullen regelmatig controles gehouden worden, waarbij er streng wordt opgetreden wanneer bestuurders hun bescheiden niet in orde hebben of zich niet aan de verkeersregels houden.

Houd je je niet aan de regels? Dan kan je een bekeuring krijgen. Het bedrag van een boete voor bovengenoemde overtredingen varieert tussen de $30 en $225.

Heeft u iets verdachts gezien? Bel 911 of 717 8000 of de anonieme tip lijn 9310.