E BARKU IKÓNIKO DI GREENPEACE RAINBOW WARRIOR A YEGA BONEIRU

Kralendijk,- E barku di Greenpeace Rainbow Warrior a yega den haf di Boneiru. E barku lo keda den haf te djárason 1 di òktober pa hala atenshon i konsientisá pueblo tokante e Kaso di Klima di Boneiru.

Dia 27 i 28 di sèptèmber tin e dianan habrí, kaminda tur hende ta bon biní pa subi e barku pa haña un rondleiding i informashon tokante e trabounan di Greenpeace i e Kaso di Klima. Despues di bishita di e barku, e 8 demandantenan den e Kaso di Klima lo sali pa Hulanda pa asistí na e kaso den korte i hiba palabra den sala di korte.

Marieke Vellekoop, direktor di Greenpeace Hulanda: “Ta remarkabel ku e Rainbow Warrior ta na Boneiru nèt aworakí. E barku ikóniko akí ta un símbolo mundial di kurashi, protesta inovador, i solidaridat. Esei ta netamente loke tin mester den e Kaso di Klima ku nos ta hiba huntu ku e habitantenan di Boneiru kontra  Estado Hulandes. Nos ta spera di por yama bon biní na hopi hende na bordo di e barku i bai den kòmbersashon ku nan tokante kiko ta e riesgonan pa e isla.”

Kaso di Klima Boneiru

Dia 7 i 8 di òktober korte na Den Haag lo trata e Kaso di Klima di Boneiru, entamá pa 8 habitante di Boneiru i Greenpeace Hulanda kontra Estado Hulandes. E demandantenan ta Angelo Vrolijk, Daniela Simal, Danique Martis, Helen Angela, Jackie Bernabela, Judmar Emerenciana, Kjelld Kroon i Onnie Emerenciana. Nan ta eksigí hustisia di klima pasobra gobièrnu no ta hasiendo nada konkreto pa protehá nan kontra e konsekuensianan di e krísis di klima.

Boneiru ta èkstra vulnerabel pa kambio di klima. Ya kaba hendenan na Boneiru ta eksperensiando kalor ekstremo, sekura, i inundashon. E refnan di koral ta kore riesgo di disparsé, i un kinto parti di e isla ta ser menasá pa oumento di nivel di laman den kareda di fin di siglo. E demanda den korte ta eksigí pa gobièrnu limitá e peligernan dor di redusí emishon di CO2 mas lihé. Ademas gobièrnu mester traha plannan huntu ku habitantenan di Boneiru pa protekshon di e isla.

Onnie Emerenciana, demandante den e Kaso di Klima Boneiru: “Komo kunukero na Boneiru, mi ta mira i sinti e konsekuensianan di e krísis di klima tur dia. Nos no por kosechá mas loke nos tabata kustumbrá ántes, i e kalor ekstremo ta obligá nos bai paden. Pa nos, kambio di klima no ta un menasa leu, di futuro. E ta aki, awor mes. E ta hala rosea riba nos, e ta kima nos kueru, i ta drenta nos kasnan. Nos identidat ta forma parti di e naturalesa: e koral ku ta protehá nos kosta, e piskánan ku ta alimentá nos famianan, e palunan ku ta tene nos tera huntu, e bientu ku ta refreská nos. Pero e hogar ei —esta, nos naturalesa— ta ser kitá for di nos pida pa pida. Nos ta eksigí akshon pa protehá nos hogar promé ku ta lat.”

Dianan habrí riba e barku

Tur hende por bishitá e barku di Greenpeace Rainbow Warrior djasabra 27 i djadumingu 28 di sèptèmber di 10’or mainta pa 4’or atardi na Noordpier. Lo tin rondleiding duná pa e tripulashon di e barku di bela ikóniko akí, ku ta ser usá pa hasi kampañanan pa protekshon di medio ambiente i hustisia di klima. Bishitantenan por siña mas tokante e kaso di klima i laga un mensahe pa e demandantenan. Entrada ta grátis.

Rainbow Warrior 

E Rainbow Warrior ta un barku konosí di Greenpeace i e tabata aktivo den kampañanan kontra di entre otro piskamentu di bayena, yagmentu riba zeehond, tèstnan nuklear i afval nuklear. Dia 10 di yüli 1985, e barku a keda bombardiá i hundí na Auckland dor di e servisio sekreto franses komo kontesta riba protestanan kontra tèstnan nuklear franses riba Moruroa. E barku di bela aktual di Greenpeace ta e Rainbow Warrior III, ku ta den servisio for di 2011.

Dos aña pasá, e barku tabata riba un gira na Vanuatu: un nashon insular (isla) serka di Australia, ku ta den e promé rei di e krísis di klima, meskos ku área di Karibe. Demandante den e Kaso di Klima di Boneiru, Danique Martis, i Churmer Bomba tambe tabata presente einan. E barku a kolektá pruebanan di kambio di klima, ku a keda presentá na Korte Internashonal di Hustisia na Den Haag. Esaki a inkluí tambe e testimonionan di hendenan di Boneiru. Na yüli di e aña akí, Korte Internashonal di Hustisia a emití un deklarashon pionero konfirmando ku paisnan mester hasi mas pa protehá hende kontra kambio di klima.

FUENTE: GREENPEACE/LIVE99FM

NEDERLANDS:

ICONISCH GREENPEACE SCHIP RAINBOW WARRIOR AANGEKOMEN OP BONAIRE

Kralendijk,- Greenpeace schip de Rainbow Warrior is aangekomen in de haven van Bonaire. Tot woensdag 1 oktober zal het schip in de haven liggen om aandacht te vragen voor Klimaatzaak Bonaire.

Op 27 en 28 september vinden open dagen plaats, waarop iedereen welkom is op het schip voor een rondleiding en informatie over het werk van Greenpeace en de Klimaatzaak. Na het bezoek van het schip zullen de 8 eisers in de Klimaatzaak naar Den Haag vertrekken om de zittingen bij te wonen en in de rechtszaal te spreken. 

Marieke Vellekoop, directeur Greenpeace Nederland: “Het is bijzonder dat de Rainbow Warrior juist nu op Bonaire is. Dit iconische schip staat wereldwijd symbool voor moed, grensverleggend protest en solidariteit. Precies dat is nodig in de Klimaatzaak die we samen met bewoners van Bonaire voeren tegen de Nederlandse Staat. We hopen veel mensen aan boord te verwelkomen en in gesprek te gaan over wat er op het spel staat voor het eiland.” 

 

Klimaatzaak Bonaire

Op 7 en 8 oktober buigt de rechtbank Den Haag zich over Klimaatzaak Bonaire, aangespannen door 8 inwoners van Bonaire en Greenpeace Nederland tegen de Nederlandse Staat. De eisers zijn Angelo Vrolijk, Daniela Simal, Danique Martis, Helen Angela, Jackie Bernabela, Judmar Emerenciana, Kjelld Kroon en Onnie Emerenciana.

Zij eisen klimaatrechtvaardigheid, omdat de overheid niets concreets doet om hen te beschermen tegen de gevolgen van de klimaatcrisis. Bonaire is extra kwetsbaar voor klimaatverandering. Nu al ervaren mensen op Bonaire extreme hitte, droogte en overstromingen. Het koraal dreigt te verdwijnen en een vijfde van het eiland wordt bedreigd door zeespiegelstijging richting het einde van deze eeuw. In de zaak wordt geëist dat de regering de gevaren moet beperken door de CO2-uitstoot sneller terug te dringen. Daarnaast moet de regering samen met mensen van het eiland plannen maken voor de bescherming van Bonaire.

Onnie Emerenciana, eiser Klimaatzaak Bonaire: “Als boer op Bonaire zie en voel ik elke dag de gevolgen van de klimaatcrisis. We kunnen niet meer oogsten wat we vroeger konden en de extreme hitte dwingt ons naar binnen. Klimaatverandering is voor ons geen dreiging van de toekomst, in de verte. Zij is hier. Zij ademt in onze nek, brandt op onze huid en dringt binnen in onze huizen. Onze identiteit is verweven met de natuur: het koraal dat onze kust beschermt, de vissen die onze families voeden, de bomen die onze grond vasthouden, de wind die ons verkoelt. Maar dat thuis – onze natuur – wordt ons stukje bij beetje afgenomen. We eisen actie om ons thuis te beschermen voordat het te laat is.”

Open boot dagen

Iedereen kan het Greenpeace schip de Rainbow Warrior bezoeken op zaterdag 27 en zondag 28 september van 10.00 uur tot 16.00 uur op de Noordpier. Er worden rondleidingen gegeven door de bemanning van dit iconische zeilschip waar acties mee worden gedaan voor het milieu en klimaatrechtvaardigheid. Bezoekers kunnen meer over de klimaatzaak leren en een boodschap achterlaten voor de eisers. De toegang is gratis. 

Rainbow Warrior 

De Rainbow Warrior is een bekend Greenpeace schip en is onder andere actief geweest tegen walvisjacht, zeehondenjacht, kernproeven en nucleair afval. Op 10 juli 1985 werd het schip gebombardeerd en tot zinken gebracht in Auckland door de Franse geheime dienst, als reactie op protesten tegen Franse kernproeven op Moruroa. Het huidige zeilschip van Greenpeace is de Rainbow Warrior III, die sinds 2011 in gebruik is. 

Twee jaar geleden was het schip op tour in Vanuatu: een eilandstaat bij Australië die net als het Caribisch gebied aan de frontlinie staat van de klimaatcrisis. Eiser in de Bonaire Klimaatzaak Danique Martis en Churmer Bomba waren hier ook bij aanwezig.

Het schip verzamelde bewijs van klimaatverandering, dat werd aangeboden aan het Internationaal Gerechtshof in Den Haag. Hier maakten ook getuigenissen van mensen van Bonaire deel van uit. In juli dit jaar deed het Internationaal Gerechtshof nog een baanbrekende uitspraak waarbij het bevestigde dat landen meer moeten doen om mensen te beschermen tegen klimaatverandering.