Redakshon
Kralendijk,- Na fin di siman pasá, riba fecha 20 di septèmbèr Jadyr i Benrick di Tirabon Bonaire tabata tin e honor di por a partisipá representando Bonaire den e deporte di tiru olimpíko oraganisá pa Asiento Schietvereniging na nos hermana isla Kòrsou.
Jadyr i Benrick a tira den e disiplina olimpikó ku kaliber chikitu .22. E kompetensia tabatá unu kaminda e partisipantenan ta keda riba nan pia i na nan pòst tirando 25 bala den kuater sèt for di un distanssha di 25 meter tratando na skor mas tantu di punto posibel.
Pa 1or di mèrdia komantante di kancha na turno, yufròu Olivia Leito a habri kancha. Tabata tin un total di 20 tiradó ku a registrá i a partisipá. Jadyr a logra di skor un total di 132 punto i Benrick a skor 160 punto.
Na final di e kompetensha, e komandante di kancha yufròu Olivia Leito a anunsía e skornan i tambe e presidente di Asiento, señor Gerol Rach a hiba palabra gradisiendo i felisitando tur partisipante presente pa nan partisipashon.
Pa nos tabata sigur un momento plasentero i un esperensha inolvidabel, kaminda ku tambe tiradónan a interkambia di idea, táktikanan di tiru i éksperenshanan un ku otro. Manera ta kustumber, durante di e kompetensia tabata tin algu pa pasa boka i e deportistanan tiradó a pasa un ratu ameno ku otro.
Un danki imenso i di kurason ta bai na Tirabon, Gabinete di Gezaghèber, Bijzondere Wetten di KPCN, Asiento Schietvereniging, Alpha FM, Good & More Supermarket, Coral Casino i tambe
FUENTE: TIRABON/LIVE99FM
GIPHY App Key not set. Please check settings