PROMÉ ANOCHI MUSIC CAMP BONAIRE

Kralendijk,- Pa medio di e komunikado aki nos ta relatá e promé anochi di Music Camp Bonaire, kaminda diferente artista di Boneiru a topa otro ku e solo meta di krea músika huntu.

Nos mester bisa ku esaki tabata un anochi super éksitoso kaminda nos por a mira artistanan den momentu kreativo huntu.

Algu ku no a yega di pasa nunka ahinda di e magnitut aki na Boneiru. Den a promé anochi a krea mas ó ménos 8 produkshon nobo ku despues lo pasa den un “screening” pa asina por yega i bira produkshon nan final ku lo subi merkado.

E inisiativa aki ta e promé paso den un serie di pasonan ku lo ta tuma lugá pa asina por krea i re[1]establese e merkado farandulero riba nivel lokal, kaminda artistanan lokal lo por presentá nan produkshon nan pa nan fanátikonan lokal.

Nos ta spera sigur ku e produkshon lokal nan lo kai den bon tera serka e pueblo pa di e manera aki haña e sosten nesesario di e pueblo, pero tambe tur medio di komunikashon pa asina por duna nos artistanan lokal e balor ku nan meresé.

Esaki ta un inisiativa di: Luis Moka Studios OME – Multi media Elite Music Managment

FUENTE: MUSIC CAM BONAIRE/LIVE99FM