DETENSHON PA MALTRATO I PA MANEHÁ BOU DI INFLUENSIA

Atrako armá

Djamars 23 di yüni, alrededor di 10.25 or di anochi, ‘meldkamer’ sentral a risibí notifikashon tokante un atrako armá riba Kaminda di Lagun. Dos persona máskulino, probablemente entre 17 pa 18 aña di edat di kua unu ku arma di kandela den man, a sorprendé un siklista i bou di menasa a bai ku su baiskel eléktriko(fatbike), telefòn, pòtmòni i su tas. Despues e sospechosonan a bandoná e sitio na pia i e otro riba e baiskel den direkshon ost.

KPCN ta pidi un i tur ku por a mira, tende òf sa algu tokante e atrako armá aki pa yama 715-8000 òf e liña di tep anónimo 9310.

Investigashon den e kaso ta andando.

Detenshon pa maltrato i pa manehá bou di influensia

Djamars 23 di yüni, alrededor di 6.20 or di atardi, ‘meldkamer’ sentral a risibí notifikashon tokante un dama ku a bula for di un vehíkulo riba Kaya Nikiboko Sùit i a resultá heridá. Na yegada di polis a resultá ku e víktima tabata pasahero di un vehíkulo i probablemente despues di un diskushon i maltrato, a bula for di outo mientras esaki tabata kore ainda. Personal di ambulans a duna e víktima tratamentu médiko i a transport’é pa hòspital. Na e sitio a detené e shòfur di e vehíkulo, e hòmber di inisial W.J.K. di 52 aña di edat pa manehá bou di influensia di alkohòl i pa maltrato.

Investigashon den e kaso ta kontinuá.

Detenshon pa manehá bou di influensia di alkohòl

Djamars 23 di yüni, alrededor di 5.40 or di atardi, a detené un dama di inisial E.M.D.W. di 33 aña di edat riba Kaya Korona pa manehá bou di influensia di alkohòl. E sospechoso a dal ku su outo tras di un otro outo. Konforme e maneho di ‘botsen is blazen’, a hasi tèst di supla ku ámbos shofùr i a resultá ku e sospechoso a konsumí mas alkohòl ku ta pèrmití pa lei. A detené i a hib’é warda di polis pa kontinuá ku e trámitenan korespondiente. A konfiská su reibeweis i e lo haña un prosèsferbal tambe.

Kòntròl planiá di tráfiko

Den oranan di atardi di djamars 23 di yüni, polis a tene kòntròl di tráfiko riba Kaminda La Union. Aspirantenan di polis huntu ku guiadónan di práktika a para i kontrolá dieskuater(14) vehíkulo.

A duna diesun(11) but pa e siguiente violashonnan:

• 5x pa manehá sin faha di seguridat bistí;
• 2x pa manehá sin seguro bálido;
• 1x pa manehá sin reibeweis bálido;
• 1x pa manehá sin hèlm bistí;
• 1x pa manehá mientras no tin bista kompletu for di stul di shofùr;
• 1x pa manehá sin ámbos plachi di number.

Durante e kòntròl a konfiská un machete. Tambe a detené un shofùr pa manehá bou di influensia di alkohòl. A hasi un tèst di supla kuné na e sitio debí ku e tabata mustra diferente karakterístika di un persona ku ta bou di influensia di alkohòl. E tèst a duna indikashon ku tin uso di alkohòl. Na warda di polis a hasi un análisis di rosea i a resultá ku e shofùr a konsumí alkohòl pero no a surpasá e límite pèrmití pa lei. A lag’é den libertat.

Kòntròlnan di tráfiko ta kontinuá!

Kiebro den establesimentu di hóreka

Djaluna 22 di yüni a drenta keho di kiebro den un establesimentu di hóreka na Kaya Korona. Deskonosínan a haña akseso na e edifisio i a bai ku entre otro un televishon ’40 inch’ di e marka Samsung i diferente bebida alkohóliko. Ta investigando e kaso.

Aksidente entre dos outo

Djaluna 22 di yüni, alrededor di 8.45 or di anochi, ‘meldkamer’ sentral a risibí notifikashon tokante un aksidente entre dos outo na altura di e krusada di Kaya Internashonal i Kaya Maximiliana (Chiana) Rosario. Pa falta di dunamentu di preferensia, e dos vehíkulonan a dal den otro. A hasi tèst di supla ku ámbos shofùr i no tabatin indikashon tokante uso di alkohòl. Personal di ambulans a hasi chekeo médiko ku ámbos shofùr, pero no mester a transportá ningun persona pa hòspital. Un di e shofùrnan a haña but pa manehá sin reibeweis i sin seguro bálido.

FUENTE: KPCN/LIVE99FM

NEDERLAND:

POLITIEBERICHTEN VAN MAANDAG 22 JUNI TOT EN MET WOENSDAG 24 JUNI 2026

Gewapende overval

Op dinsdag 23 juni, rond 22:25 uur, kreeg de centrale meldkamer een melding over een gewapende overval op de Kaminda Lagun. Twee mannelijke personen, vermoedelijk tussen de 17 en 18 jaar oud van wie één met een vuurwapen in zijn hand, verrasten een fietser. Onder bedreiging hebben zij de elektrische fiets (fatbike), telefoon, portemonnee en tas afgepakt. Vervolgens verlieten de verdachten de locatie, één te voet en de ander op de fiets in oostelijke richting.

KPCN roept iedereen die iets heeft gezien, gehoord of meer weet over deze gewapende overval op om te bellen naar 715-8000 of de anonieme tiplijn 9310.

Het onderzoek in deze zaak is gaande.

Aanhouding voor mishandeling en rijden onder invloed

Op dinsdag 23 juni, rond 18:20 uur, kreeg de centrale meldkamer een melding binnen over een vrouw die uit een rijdend voertuig was gesprongen op de Kaya Nikiboko Zuid en hierbij gewond was geraakt. Bij aankomst van de politie bleek dat het slachtoffer de bijrijder van de auto was. Naar alle waarschijnlijkheid is zij, na een ruzie en mishandeling, uit de auto gesprongen terwijl deze nog reed. Ambulancepersoneel heeft het slachtoffer medische hulp verleend en haar naar het ziekenhuis gebracht voor verdere medische behandeling. Ter plaatse werd de bestuurder van het voertuig, een 52-jarige man met de initialen W.J.K., aangehouden voor mishandeling en het rijden onder invloed van alcohol.

Het onderzoek in deze zaak duurt voort.

Aanhouding voor het rijden onder invloed van alcohol

Op dinsdag 23 juni, rond 17:40 uur, werd een 33-jarige vrouw met de initialen E.M.D.W. aangehouden op de Kaya Korona voor het rijden onder invloed van alcohol. De verdachte was met haar auto aan tegen de achterkant van een andere auto gebotst. Conform het ‘botsen is blazen’ beleid werd bij beide bestuurders een blaastest afgenomen. Hieruit bleek dat de verdachte meer alcohol had genuttigd dan wettelijk is toegestaan. Zij werd aangehouden en overgebracht naar het politiebureau voor verdere afhandeling. Haar rijbewijs werd ingevorderd en er wordt een proces-verbaal tegen haar opgemaakt.

Geplande verkeerscontrole

Op dinsdag 23 juni heeft de politie een verkeerscontrole gehouden op de Kaminda La Union. De aspirant agenten hebben, samen met hun praktijkbegeleiders, veertien(14) voertuigen gestopt en gecontroleerd.

Er zijn in totaal elf(11) bekeuringen uitgedeeld voor de volgende overtredingen:

• 5x voor het rijden zonder veiligheidsgordel;
• 2x voor het rijden zonder geldige verzekering;
• 1x voor het rijden zonder geldig rijbewijs;
• 1x voor het rijden zonder helm;
• 1x voor het rijden met onvoldoende zicht vanaf de bestuurdersstoel (door lading);
• 1x voor het rijden zonder beide kentekenplaten.

Tijdens de controle is een kapmes in beslag genomen. Daarnaast werd een bestuurder aangehouden voor het rijden onder invloed van alcohol. Ter plaatse werd een blaastest bij hem afgenomen, omdat hij verschillende kenmerken vertoonde van iemand die onder invloed was. Deze test gaf een indicatie van alcoholgebruik. Uit een ademanalyse op het politiebureau bleek echter dat de bestuurder niet meer had gedronken dan de wettelijk toegestane limiet. Hij is daarop in vrijheid gesteld.

De verkeerscontroles worden voortgezet!

Inbraak in horecagelegenheid

Op maandag 22 juni werd aangifte gedaan van een inbraak in een horecagelegenheid aan de Kaya Korona. Onbekenden hebben zich toegang verschaft tot het pand en hebben onder andere een 40-inch televisie van het merk Samsung en diverse alcoholische dranken meegenomen. De zaak wordt onderzocht.

Aanrijding tussen twee auto’s

Op maandag 22 juni, rond 20:45 uur, kreeg de centrale meldkamer een melding binnen over een aanrijding tussen twee auto’s ter hoogte van de kruising van de Kaya Internashonal en de Kaya Maximiliana (Chiana) Rosario. Doordat er geen voorrang werd verleend, kwamen de twee voertuigen met elkaar in botsing. Bij beide bestuurders werd een blaastest afgenomen, waaruit bleek dat er geen sprake was van alcoholgebruik. Ambulancepersoneel heeft beide bestuurders medisch onderzocht, maar niemand hoefde naar het ziekenhuis te worden gebracht. Eén van de bestuurders heeft een bekeuring gekregen voor het rijden zonder rijbewijs en zonder geldige verzekering.