NOS DESAPUNTO (TELLEURSTELLING) PA KU E TRATO KU NOS A RISIBI SERKA NOS DOÑO DI TRABAO KU NOS A SIRBI PA 20, 30, 40 AÑA I MAS.

Kralendijk,- Na aña 2022 Kolegio Ehekutivo a bini ku e posibilidat pa su ambtenarnan ( ku tin mas ku 10 aña den servisio) por stop di traha mas tempran I ku e posibilidat pa tuma vervroegd pensioen a base di un areglo ku a keda yama “seniorenregeling”.

Esaki a keda parti den tres grupo pa asina duna e chens pa na un manera responsabel buska I hinka hendenan mas jong, den e aparato gubernamental.

Na ana 2022, kuminsando 1 juli 2022 e prome grupo a baha.

Na ana 2023 kuminsando 1 juli 2023 e di dos grupo a baha.

Na ana 2023, (januari 2023 na Delfins Resort) Gobiernu, Directeur B&O huntu ku afdeling Personeelszaken a tene un mainta di informashon pa splika tur lokual ku ta ensera e bahamentu mas tempran.(seniorenregeling) pa grupo 2 I 3.

Na e mainta di informashon tabata presente 2 abogado di HBN Law kual ta esnan a traha e beeindigingsovereenkmst pa ku e ambtenaar ku lo bai ku Seniorenregeling, 1 jurista paga ku no tabata den servisio di gobiernu I tambe 3 funshonario di ansuntunan personal di kual sr. Anthony Weber a duna splikashon I informashon. Tambe por a hasi pregunta na sr. Weber.

Nos tin ku bisa tur esaki nan a sosode sin a tuma kontakto ku sindikato ABVO. Den grupo 1 I 2 si a involukra ABVO den henter e firmamentu/proseso.

Durante e mainta di informashon aki, a duna di konose ku lo bai traha sita pa tur e ambtenarnan, sea di grupo 2 I 3 pa firma e beëindigingsovereenkomst mas pronto posibel. Mirando ku gobiernu a kai I ku sr Clark Abraham semper a questiona e beleid di “Seniorenregeling” den eilandsraad e gobiernu anterior a opta pa tur hende bai firma nan beeindigingsovereenkomst pa asina sigura ku lo no a bin problema.

E ora ey, e siguiente pregunta a bini dilanti na sr. Anthony Weber, prome ku nos a disidi di bai firma.

Si nos firma anto si bini kambio salarial of hendenan ku ta bai risibi loontrede despues di a firma I prome ku e fecha pa nan baha den 2023 I 2024 yega,  kiko ta pasa? Kual ta e salario ku P&O ta bai huza pa ku e berekening ora e ambtenaar aki baha?

Sr. Anthony Weber a kontesta lo siguiente:  “si bini kambio di salario, sea door di indexering of si e hendenan ku bini na remarke pa un loontrede, ku esakinan lo wordu ahustá den e kalkulashon, na ora ku nan baha, door di traha un addendum I pone e kambio aden.”

Nos a hasi diferente pregunta mas manera : si bo fayese, ku bo famia lo kobra e sen; si bo por bai biba den eksterior; tambe a wordu bisa ku bo hasi aña di servisio lo bo haña bo gratificatie.

Nos ku tin Kolegio Ehekutivo pa dekadanan komo doño di trabao I e instansia ku mester duna e miho ehempel den nos komunidad, nos a konfia sinseramente den e palabrashon aki I tambe den e artikulo 1.4 den nos beëindigingovereenkomst, kaminda tin para ku nos no por claim nada mas di nos doño di trabao, despues di nos beëindigingsdatum. E grupo 3 su beëindigingsdatum ta kore di 1 di juli 2024 bai 31 di december 2024. ( E ambtenarnan por a skohe for di 1 di juli 2024 te ku 31 di dec 2024 pa nan baha). Dus e ta varia pa ambtenar. Pero tur di e ambtenar nan di grupo 3, a baha despues di e fecha 1 di juli 2024.

Kiermen, ku ora a bini indexering na januari 2024, tur e ambtenarnan di grupo 3 tabata den servisio di Kolegio Ehekutivo ainda I a risibi nan kambio di salario manera ela keda vastgelegd den e arbeidsvoorwaarden overeenkomst ABVO – OLB den 2023 I a drenta na figor 1 januari 2024.

Asina ta ku ora a yama nos fin di januari – februari 2023 pa bai firma, nos keriendo ainda den nos doño di trabao nos a bai firma. Ora nos a bai firma mayoria di nos a bolbe dubbelcheck ku sr. Anthony Weber I sra. Noritza Rosalia ku e palabrashon ku a wordu hasi ku si bin kambionan den e aumento salarial ku e ta wordu hinka den e suma ku nos ta bai kobra fin di luna  I esaki a bolbe wordu bevestigd ku “Si” door di e funshonarionan aki.

Sierto di ambtenarnan den grupo 3 , tambe a risibi nan loontrede a base di nan bon funshonamentu.

Tambe tin ambtenarnan a asta pidi afdeling salarisadministratie di P&O pa hasi e herberekening di lokual ku nan ta bai risibi na momentu ku nan baha,  despues ku a bini e kambio di salario na januari 2024 I nan a risibi e herberekening tambe for di afdeling P&O.

Pa nos gran sorpresa, ora ku e prome ambtenarnan ku nan fecha pa baha (1 juli 2024 ) tabata yegando,  a kuminsa ta yama afdeling P&O pa nan risibi nan besluit ku nan berekening nobo. Esaki nan a bin kompronde ku te ainda no ta kla, mester hasi un ke otro, enfin henter un biramentu rond sin por a duna un kontesta konkreto. Despues a bin kompronde ku mandatarionan, a disidi ku no ta bai hasi lokual tabata e intenshon for di komienso I e palabrashon, ora a firma. Ku otro palabra, ku ora nos baha, nos ta bolbe bai atras na e bruto salaris di 2023. Kaminda nos tur a traha 2024 I kobra otro salaris ku arbeidsvoorwaarden overeenkomst nobo ku ABVO I OLB ku a wordu firma den 2023 I ku a drenta na figor per 1 januari 2024.

Tristu ta, ku ora nos ta konfia ku P&O I JAZ, (mester bisa ku e  directeur di  B&O ku tabata na momentu di tur e palabrashon I firmamentu adelanta di e beëindigingsovereenkomst, debi ku no a prolonga su overeenkomst, a baha kaba I no tabata tei ora tur esakinan a sosode) por tabatatin e kara / wesu di lomba pa a bisa e diputado enkarga ku asuntunan di personal Sr Clark Abraham, ku esaki no ta e idea di e seniorenregeling aki ni  lokual ku a palabra ku e ambtenarnan aki, a laga nos di grupo 3 na kaya I a buska  bufete di abogado renombra ku ta kobra sumanan kwantioso, pa buska tur manera pa no duna su ambtenarnan ku a sirbiele pa 20/30/40 I mas aña largu, lokual ku nos tabata I te ainda nos ta keda para riba ku nos tin derecho riba dje.

Lokual ku a konvense Juez tabata,  ku  Gobiernu a nenga redondamente ku no a hasi ningun palabrashon ku su ambtenarnan ku lo hasi adaptashon si bin kambio salarial.

Hefe di JAZ sra Maritza Valdink a trese  sr. Anthony Weber bin sinta den sala di korte, komo testigu (testigu falsu) i ku su presensia den korte ta bevestigd ku nunka nan a hasi tal palabrashon pa ku nos (grupo 3 di e seniorenregeling) ku lo kambia e berekening a base di e kambio salarial (indexering) I loontrede.

Jefe di JAZ sra Maritza Valdink a puntra su trahado ta ken ta e persona ku a bisa ku si tin kambio den salario etc na su trahado nan. Pa asina e a bai tras di nan lomba tuma kontakto I prohibi sr Anthony Weber tin kontakto ku grupo 3.

Sr Anthony Weber despues di korte a deklara na algun koleganan: ku e no por hasi nada pasobra e la wordu yama dor di Jefe di JAZ, pero si nos perde kaso den korte I ku nos bai Hoge Beroep e ora ey e lo para testigu pa nos den Hoge Beroep.

Asina sr Anthony Weber, jefe di departamentu JAZ sra Maritza Valdink I buffete di abogado HBN Law su abogado a engaña juez. Bini ku testigu manera ta kaso di criminal ta wordu atende. Sakando mentira, manipula juez ku sifra nan. Nos a hiba un bon defensa den korte pero lastimamente bo ta wak e gobiernu aki ta di mala fe ku ta prohibi  Sr Anthony Weber di papia e berdat.

Juez a kere e mentira di nos funshonarionan di gobiernu I e 24 ambtenarnan ku a sirbi gobiernu pa dekadanan a sali perhudiká.

Nos ta haña ta na su luga pa pueblo di Bonaire tuma  bon nota kon e gobiernu aktual aki a trata su empleadonan publiko ku a traha mas di 20, 30, 40 I mas aña di servisio.

FUENTE: MANOLO SOLEANA